Jon 11:53 - Nobonob Baibel

⁵³ Aria, Juda okkai ag deɗ aguppaib digmena, Jesus qeppeg mauhkkunu nai madippig

Jon 11:53 ပူးပေါင်းရင်းမြစ်များ

Genesis 37:18

Amu Josep anam ugekke, nug awakkud ag neekkeg ukke, Josep nug uma uɗieye anidna, ag qekkulagnu nai inam akka akka madippig.

Nehemaia 13:21

Ag anam niippig, amge da ag amelagppa nau aomnanu inam ami. “Aɗinu ag aɗ dimittim niitteb? Ag baula anam hekkulag dayeb amu, da heppi, laa uɗat amu hetteb ele ag uɗin aɗualadkkulag,” ami. Da anam ai, ag baula Sabat deɗppa ii uɗippig.

Nehemaia 4:16

Amge haen amuppanu dahiladnab danab laih gane ag uɗat henana daappig amu, laih gane amubianab ag ban, guppiɗ, lat, ban bala laala ele aɗan daappig. Okkai danab ag ele Juda danab aɗ uɗat heppig ehanadppig.

Sam 113:2

Ag gemu, hanhan ele Yawe binag meig!

Sam 2:2

Wanppan king, amu wanppan okkai ele ag qagmena, maittak nau aon, ban hekkulagnu bappaidtteb. Ao, ag oh ag Yawe, amu laa Yawe king daakkunu goɗen gokkaɗakppa tituanom ele ban hekkulagnu dabmetteb.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Sam 71:10

Da amunu oɗ medattemnu diig am, dahil kekeɗ ag da niɗaglagnu maditteb. Yo, laa ag da iuglagnu hetteb ele, ag amu hekkulagnu maidtteb.

Jeremaia 38:15

Sedekaia nug Jeremaia amegppa anam a, Jeremaia nug nob ma aum. “Aakku, amge da nahip oɗmaknu nob medakkul dayeb amu, diig amunu na da iuppe, da iite mauhkkul? O da ulum nai medakkul dayeb, diig amunu na dim lamidkkutnu dabmak okkai ii aomna. Iitta. Na hamu bia doon ii dim lamidmana,” awa aum.

Jeremaia 38:4

Kingnu ehanittak anuqak danab waɗele amu ag amu doon, ag gona, King Sedekaia amegppa appig. “Ig Jeremaia qepput mauhkku am ena. Aɗinu? Nug nuhig naippa nug he, ihinkad daup danab aab okkai imuppa daatteb ele, ag oolagppa gai-iitta daatteb, danab ah ele anamib. Nug mauhkkunu diig laa ele amu, danab amu nug Juda danab ah ag ena daaglagnu ib ii maditte. Iitta. Nug ag nauhkkulagnu hette,” aon appig.

Matyu 12:14

Jesus anam heum amunu, ɗo gumak danab-Parasia ag gona qagmena, Jesus qekkulagnu ib madippig.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 22:46

Jesus anam oɗ matte amu, laippu laa ag oolagppa nai amu nob mekkunu elele iitta dooppig amunu, haen amuppa digmak ag Jesus baula keeke laanu oɗ mettaglagnu baɗana, oɗ ii medappig.

Matyu 26:4

Qagmena ag ib attemuppa Jesus lokkumakppa aɗan, qeppeg mauhkkunu hettoɗina nai madippig.

Matyu 26:59

Pita nug appa dayeye amu, lag ooppa mana mettak danab okkai amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai hambuppuak laa nuhigppa yaaglagnu madippig, amge ag laa ii anidppig.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Mak 3:6

Jesus anam heum amunu, ɗo gumak danab-Parasia ag ahan ukkaeg, Herotnu ehanittak danab ele qagmena, Jesus qekkulagnu ib madippig.

Jon 11:47

Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Jon 12:10

Juda kuɗumnab ag Lasarus anidkkulagnu gona, ag Jesus he, Lasarus moɗppanu eɗua hibaittom amu dabmenana, ag Jesusnu oolagppa genab dooppig amunu, mana mettak danab okkai ag Lasarus ele qeppeg mauhkkunu maittak aoppig.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Aposel 5:33

Ag nai amu aeg doonna, ag oppoɗilag be amelag kokoɗ eppe, totol danab 12 aqappeg mauhkkulagnu appig.

Aposel 9:23

Nug anam heehe, deɗ kuɗum ukke, Juda ag qagmena, Saul qeppeg mauhkkunu nai qagappig.