Jon 11:47 - Nobonob Baibel

⁴⁷ Mattieg amu, mana mettak danab okkai, amu ɗo gumak danab-Parasia ele ag Juda dilag hettoɗiak okkai onig Sanhidren, amunu danab oh qagmaadna appig. “Ig attem hekkunig? Danab imu Nug Kayak dabmettaknu kobol danab haknu elele iitta kuɗum hette.

Jon 11:47 ပူးပေါင်းရင်းမြစ်များ

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Luk 22:2

mana mettak danab okkai, ɗo mehuqak danab ele ag danab ah baɗadna appig. “Ig attem heta, Jesus qepput mauhkku,” aon madippig.

Jon 11:57

Am mana mettak danab okkai amu ɗo gumak danab-Parasia ele ag tatam danab amelagppa, danab laa nug Jesus adeppa daatte amu doya amu, nug ag amelagppa ab, Jesus aon maniguittakppa mekkulagnu appig.

Jon 12:19

Ag goppig amunu ɗo gumak danab-Parasia ag akka akka nai mattin appig. “Ig nuhig ib oo nekkunignu elele iitta. Antteg! Danab ah oh Nug dim lamidtteb,” aon appig.

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

Jon 7:32

Danab ah kuɗum ag Jesusnu anam mattiegeg, mana mettak danab okkai amu ɗo gumak danab-Parasia ele ag danab ah nai kuɗum mattiegeg doona, ag ahilag daup laa Jesus aɗaglagnu maatteg uɗippig.

Jon 7:45

Anam heeg am daup ag eɗun, mana mettak danab okkai am ɗo gumak danab-Parasia ele gumadna ukkaeg, ag appig. “Attem hena, ag Nug ii aɗan aon uɗippig?” aon appig.

Aposel 5:21

Engel anam a amu wagɗe buttuanab totol danab 12 ag ahan gona, Kayaknu mettid lag ooppa nona, danab ah amelagppa engel nai akkulagnu aum ele, ag nai amu danab ah ippunadppig. Amu totol danab 12 ag Kayaknu mettid lag ooppa daaegeg, mana mettak ikki danab amu nuhikkud ehanittak danab ele ag qagmena, Juda dilag hettoɗiak okkai onig Sanhidren, amunu danab, amu Israel dilag ikki danab oh onilagppa eeg, ag uɗieg, ag ahilag daup ag maniguittak lakka gona, totol danab 12 diin uɗiglagnu appig.

Aposel 5:24

Anam aeg doona, aria mana mettak ikki danab amu ban daup Kayaknu mettid lag gumappig dilag ikki ele ag dabmak kuɗum aonna appig. “Keeke attemtai laa ana daakkutai,” aon appig.