Jon 11:44 - Nobonob Baibel

⁴⁴ Anam a amu danab mauhak amu aha, dimittim doum. Ag nug baeg eppeg ele linen lamen qatti elab elabppa itan, iɗu am lamen laappa itappig amunu, nug uɗie Jesus ag amelagppa aum. “Lamen uhuqppeg ukkaɗ!” awa aum.

Jon 11:44 ပူးပေါင်းရင်းမြစ်များ

Genesis 1:3

Boppala dayeye, Kayak Nug, “Amahlak baɗ!” awa aum. A amu, amahlak aakku beum.

Hosea 13:14

Da geha ehanittak okkaippa ag moɗnu qagaiettakppanu uhuqadkkul. Ao, da mauhaknu qagaiettakppanu eɗua uhuqak hein madakkul. Da anam heppi, danab ah ag akkulag. ‘O Mauhak, na attem heppe, danab ah ag oɗe nau danab kuɗum aqe mauhtteb ele digdig amu aon mauhkkulag? O Boumak Aben, na attem heppe, danab ah ag nauhkkulag?’ aon akkulag. Haen amuppa da ag ehanadkkulnu dabmettem amu, dabmak amuam iinab baolima.

Mak 5:43

Aria, Jesus anam hewowa amu, Nug ag danab laala amelagppa amananunab, “Aib,” ana, ag nid ahin ee mettaglagnu ele aum.

Luk 19:20

Amu maɗi nid laa nug uɗia aum. ‘Naɗi, nahip mina laippu ina daatte. Da lamen qatti laa ooppa iten mei dayom.

Luk 7:15

Anam a, danab mauhom amu eɗua aha dayaya, nai mattie, Jesus Nug eɗua awa, anig mettom.

Jon 10:30

Da Mamel ele amu i am laippu,” awa aum.

Jon 11:39

Amu Jesus Nug amelagppa aum. “Ag men oɗe amu matuleg!” awa aum. Nug anam aum amge Marta nug aum. “Naɗi, nug deɗ waɗele moɗppa niiom amunu uɗig otte,” awa aum.

Jon 11:43

Nug anam unuqittowa, Nug huanak ewa aum. “Lasarus, na ahan dimittim do!” awa aum.

Jon 19:40

Uɗie amu aa Jesus gaɗa aoya, Mir Alo ele meya, Jesus gaɗa ele linen lamen qatti elab elabppa itapiɗ. Juda ag danab gaɗa boumkkulagnu hedappig, amubia hepiɗ.

Jon 20:5

Nug ukka ta, gomela neekke, moɗ ooppa ukke, nug linen lamen qatti elab, ag amuppa Jesus gaɗa itappig ele, nug amu niieye anattom, amge nug ooppa ii noum.

Jon 20:7

nug lamen laa, ag lamen amuppa Jesus ikki hautppig ele, nug lamen amu ele anttom. Lamen amu qak daya, nukka anam dayeye, linen lamen qatti elab ele akka daaegeg anttom.

Jon 5:21

Mama Nug laa mauhppig maɗatte ahaeg, bau dayak madatte, amubia Nug Bekka da, da ele aun aɗi bau dayak madakkulnu dabmaknab aottem amu, da madattem.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

1 Samuel 2:6

Yawe Nug he, danab ag mauhtteb; Nug he, danab mauhppig ele amu, ag eɗun hippaidtteb. Ao, Nug he, danab ag moɗppa niitteb; Nug he, danab mauhppig ele amu ag hippaidna oitteb.