Jon 11:41 - Nobonob Baibel

⁴¹ Jesus anam a, ag men oɗe ameg matulppig. Matuleg, Jesus hab attan neekkakka aum. “Mame, na unuqittak dahil doome amu da amunu, ‘Ena heme,’ awe attem.

Jon 11:41 ပူးပေါင်းရင်းမြစ်များ

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 11:26

Yo, Mama, na amu hekkutnu enanag doome, amunu na heme,” awa aum.

Matyu 27:60

Nug itowa, nuhig moɗ bau menppa babaittom amuppa meum. Mewowa, men okkai laa buɗibɗib mette ukka, moɗ oɗe qehakkom. Nug anam hewowa amu, nug ukkom.

Mak 15:46

Pailat nug a amu, Josep nug linen lamen daden ma, Jesus gaɗa ad emaitakppanu awowa, gaɗa lamen amuppa ita, men moɗ bappaidppig ele, amuppa mewowa, nug men laa buɗibɗib mette ukka, men moɗ oɗe qehakkom.

Luk 10:21

Haen amuppa Kayak Ouɗi Nug he, Jesus Nug maɗoɗppan gamag ahak doya, Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem. Yo, Mama, na amu hekkutnu enanag doome, amunu na heme,” awa aum.

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”

Luk 24:2

Ag gona, men naɗi moɗ ameg qehakkom amu laa nug buɗibɗib mette ukka, moɗ amegppa ii daye anidna,

Jon 11:22

amge da doottem, na geha iikku ele keeke laanu Kayak unuqidppe amu, Nug amu medakku,” awa aum.

Jon 17:1

Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Jon 20:1

Sabat amu ukka male, mettidnu deɗ digmakppa Maria, Makdala ted, nug buttuanab gatatu ele moɗppa ukka, men naɗi moɗ ameg qehakkom amu, laa nug men amu buɗibɗib mette ukka, moɗ amegppa ii dayeye anttom.

Aposel 7:55

Ag anam heppig, amge Kayak Ouɗi am Stiven ooppa ambe, nug tutukku hab aabppa neekka, Kayaknu binag amahlak oppiaawak ele hab aabppa antta, Jesus Nug Kayak eppeg naɗiap-ppa hibaitta dayeye anttom.

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!