Jon 11:38 - Nobonob Baibel

³⁸ Aria, Jesus aakku anam baula oo hik boppane, Nug moɗ guguitta waum. Moɗ amuam men oɗe laa, amu ag men laa buɗibɗib metteg ukke, men oɗe qehagppig.

Jon 11:38 ပူးပေါင်းရင်းမြစ်များ

Genesis 23:19

Abraham wan amu awowa, nug ah nuhig Sarah wan men oɗe onig Makpela, amuam Kanan wanppa, Mamre guguittak, Mamre onig laa am Hebron amu, nug appa boumom.

Aisaia 22:16

‘Sepna, na ⌊hee, maɗi nid nahip ag men oɗe enanag⌋ nahip boumak aben daakkunu aoeg, nahip boumak aben aakku heppig. Ao, na gaɗan aben ⌊enanagppa⌋ daakkunu na ⌊hee, danab ag⌋ men oɗe amu hoieg ukke daatte. ⌊Amge⌋ na ippa aɗin daattem? Ippa na laipad laa elete, amunu na nahip boumak aben anam iikku bappaidme?’ ” awa aum.

Esekiel 21:6

Anam amunu, danab bekka, na ootppa uug naunab nau doon, oo doyak guittak ele, na amu ele doon, na Israel danab ah noolagppa mahin gaye!

Esekiel 9:4

“Na ahan, Jerusalem ooppa oinna, danab ah aun aɗi ag kobol, da kobol amunu oolppa uuaknab doottem, ag kobol amu laa ag heegeg anadna, ag kobol amu oh haknu oolagppa guittak doon mahiak ele hetteb amu, na ag uɗalagppa at laa me!” awa aum.

Matyu 27:60

Nug itowa, nuhig moɗ bau menppa babaittom amuppa meum. Mewowa, men okkai laa buɗibɗib mette ukka, moɗ oɗe qehakkom. Nug anam hewowa amu, nug ukkom.

Matyu 27:66

Nug anam a, ag gona, hag maknu epponak keeke laa menppa mewona, ban danab laa maatteg, moɗ amu guman daappig.

Mak 15:46

Pailat nug a amu, Josep nug linen lamen daden ma, Jesus gaɗa ad emaitakppanu awowa, gaɗa lamen amuppa ita, men moɗ bappaidppig ele, amuppa mewowa, nug men laa buɗibɗib mette ukka, men moɗ oɗe qehakkom.

Mak 8:12

Ag hekkunu aeg amu Jesus Nug nai amunu gaɗa tuqak bia doya, Nug aum. “Aɗinu gemun danab ag da Kayak dabmettaknu kobol danab haknu elele iitta heppi anidkkulagnu oɗ meɗatteb? Da genab ag amelagppa attem. Ag gemu daatteb imu amu, ag anidkkulagnu uɗat amubia amu da laa ii hepa,” awa aum.

Luk 24:2

Ag gona, men naɗi moɗ ameg qehakkom amu laa nug buɗibɗib mette ukka, moɗ amegppa ii daye anidna,

Jon 11:33

Maria anam a amu Jesus Nug Maria gayeye antta, Juda ag Maria ele uɗippig amu, ag ele gaaegeg anattom. Anam anatta, Nug ele oo hik boppane, gaakkunu heum.

Jon 20:1

Sabat amu ukka male, mettidnu deɗ digmakppa Maria, Makdala ted, nug buttuanab gatatu ele moɗppa ukka, men naɗi moɗ ameg qehakkom amu, laa nug men amu buɗibɗib mette ukka, moɗ amegppa ii dayeye anttom.