Jon 11:15 - Nobonob Baibel

¹⁵ amge da nug ele appa ii daamuɗ amunu amu, da ool gamag ahatte. Aɗinu? Da ahilagnu dabmettem. Da dahil uɗat laa heppi, ag kobol amuppa ag dahilnu oolagppa genab dooglag. Ahappeg, ig gota anidtu!” awa aum.

Jon 11:15 ပူးပေါင်းရင်းမြစ်များ

Genesis 26:24

tuqan amuppa Yawe Nug Aisak gumitta na, amegppa aum. “Da am na mamen Abrahamnu Kayak. Da na ele daattep amunu, na aib baɗame. Da Abraham, nug am maɗi nid dahil amu, da nuhignu dabmak anuqak aottem amunu, da na itidkkul. Da heppi, na buɗunad ag kuɗum bekkulag,” awa aum.

Genesis 39:5

Potipar nug nug laug, nuhikkud keeke laa oh Josep eppegppa me, haen amu dimppa Yawe Nug Josep beɗuppa Potipar itittom. Nug Potiparnu keeke oh, laugppanu, dad okkaippanu ele ititte, ena beppig.

Sam 105:14

Ag anam heppig, amge Kayak Nug ⌊danab okkai⌋ laa ag eheɗ hadakkunu ib oo neum. Ao, ag memetalkad amu, ag ena daaglagnu, Kayak Nug king laala daulag batom.

Aisaia 54:15

Amu Yawe Nug atte. “Laa ag ahan, ag Israel ele ban hekkulagnu uɗiglag dayeb amu, ag dahil nai dim lamidna ii hemana. Iitta. Ag akka amu dabmena hekkulag, amu laa ag anam hekkulag dayeb amu, ag Israel, ag eɗadppeg, kekeɗ amu ag ag waalagppa daaglag.

Aisaia 65:8

Amu Yawe Nug atte. “Danab ag grep meunu leppu aonna, ag grep meu aɗa auta awak laa, meu amunu leppu oh ii awak anidna, ‘Leppu ina daatte amunu, ig keeke ena imu, keeke ena iitta ele oh laippu, hamu buɗipput ukka nauhkkunu ii hemata,’ atteb, amubia da Juda danab ah, ag am dahilad maɗi nid maɗi ah ele amu, da ahilagnu anam hekkul. Da ahilagnu dabmeine, da ag ohnab, hadappi ii nauhmana.

Jon 11:14

Ag anam dabmeegeg amu Jesus Nug miag atia amelagppa aum. “Lasarus mauhom,

Jon 11:16

Amu Tomas, nuhignu ag Didimus ele atteb amu, nug ippunittak awak danab laa amelagppa aum. “Ig Nug ele mauhkkunignu, ahappeg, ig Nug ele gotu!” awa aum.

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Jon 12:30

Ag anam aeg amu, Jesus ag amelagppa aum. “Baag imuam da ehaniɗkkunu ii neum. Iitta! Ag ehanadkkunu neum.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Jon 2:11

Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

1 Jon 5:13

Da ag Kayak Bekka, ag nuhignu oolagppa genab dootteb amu, da ag bauklel hanhannu aoppig daatteb genab dooglagnu, da ahilagnu nai imu yaattem.