Jon 11:11 - Nobonob Baibel

¹¹ Jesus nai amu mattia mala am Nug aum. “Ig lainig Lasarus nug niiom daatte, amge da ukken maɗedakkul,” awa aum.

Jon 11:11 ပူးပေါင်းရင်းမြစ်များ

2 King 4:31

Aa gopiɗ, amge Gehasi nug anuqa ukka, Elisanu dudqak hokkat amu nid nakok amu iɗuppa meum. Nug meum, amge nid nug beɗu ii awa oiye, laa ii nutuom, iittanab iitta amunu, Gehasi nug eɗua ukkom. Nug ugakka, ibppa Elisa, amu Sunem ah ele anata, nug Elisa amegppa inam aum. “Da ukkena, na ame bia da hemi, amge nid nakok amu ii ahom,” awa aum.

2 Stori 20:7

O Kayak ihinig, ig memetankad anukka haenppa danab wan imuppa daadppig amu, na hee, nahipad danab ah Israel ag danab amu lamatteg, na wan imu na layap Abraham buɗuppud, amuam ig, na ihinig hanhan daakkunu ig mekkame.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Aisaia 41:8

Wan laappan danab ah ag anam baɗan hetteb, amge Yawe Nug atte. “Ag Israel, ag am dahilad maɗi nid maɗi ah ele daatteb. Ao, ag Jakop buɗub, da ag tituanadmi. Ag am da layal Abraham buɗub.

Daniel 12:2

Kuɗumnab, ebqaknu iitta huanaknab moɗppa niitteb ele, ag eɗun ahaglag. Laa ag bauklel hanhannu aoglag; laa ag uɗa nak nau, laa noolagppa keeke hamunab doyak ele hanhannu aoglag.

Matyu 27:52

Boumak aben laala ele matulatte, Kayaknu danab ah oppiaawak ele kuɗum anukka mauhadppig amu Kayak he, ag eɗun hippaidppig.

Matyu 9:24

Jesus anam anatta amu, Nug aum. “Ag ahan ukkeg! Nid ahin ii mauhom. Iitta. Nug niitte,” awa aum. Awa a amu, ag Nug imidppig,

Mak 5:39

Nug anam antta, lag ooppa noa, ag amelagppa aum. “Aɗinu ag inam henan gaatteb? Nid ahin imu nug ii mauhom, nug niitte,” awa aum.

Jon 11:10

Amge danab nug tuqan oitte dayeb, nug amahlak laa iitta amunu, nug baeg taataɗ qette,” awa aum.

Jon 11:12

Anam a amu ippunittak awak danab ag appig. “Naɗi, nug niitte dayeb amu, nug ena daakku,” aon appig.

Jon 11:13

Jesus Nug Lasarus mauhomnu aum, amge ag oolagppa amu, “Nug genab niitte” aon appig.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

1 Korint 15:18

Anam daalo amu, danab ag Kristusnu daan mauhppig ele amu, ag ele padal meppig.

1 Korint 15:34

Ag dabmak tutukku aona, ag hipunin tuɗidna aib heppig! Ag oolagppan laala ag Kayak ii dootteb. Da nai madittem imu, ag amunu uɗalag nelo am ena.

1 Korint 15:51

Antteg! Da nai tonak daatte ag amelagppa iikku otule, miag madittem. Ig Kristen oh amu ii mauhmata. Iitta! Kristen aun aun ag gogtak haenppa trampet gayebeb, bau daanna, ag ii mauhmana. Ag am ii mauhmana, amge ig oh, mauhak am ii mauhak ele, haen amuppa Kayak heeb, ig baolignig. Yo, ig pahanab, paha paha amuhpapaɗ qak bia, Kayak heeb, ig baolignig. Trampet amu gayebeb, Kayak Nug heeb, danab mauhppig ele amu ag beɗulag laa, beɗulag amu ii nauhma, beɗulag amu ele eɗun hippaidkkulag. Amu ig laa, ig haen amuppa bau daagnig ele amu, Kayak heeb, ig ele baolignig.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Duteronomi 31:16

Yawe Nug anam doa, Nug Moses amegppa aum. “Na mauhkkutnu haen miag doum daatte. Na mauhppe amu, danab ah imu ag digmena, danab laa dilag kayak, wan ag amuppa nona daaglag ele dilag kayak amu, ag amu dilagnu dup noa binag mak kobol hekkulag. Ag geha da uuiɗna, nug tituana nai qakkak da ag ele hemut amu tippalkkulag.

1 Tesalonaika 5:10

Nug ig ehanigkkunu mauhom amunu, ig bau daagnig o iitta ig mauhkkunig amu, ig Nug uɗikku amu, ig Nug ele bauklel haen oh daagnig.

Jems 2:23

Amu nug heum amuppa nai laa Kayak naippa daatte am elele mettom. Nai am inam. “Abraham nug Kayaknu ooppa genab doyom amunu, Kayak Nug ooppa genab doyak amu antta, ‘Nug am genab tutukku hak danab daatte,’ ” awa aum. Ele amu Kayak Nug Abrahamnu, “Da layalnab,” aum.