Jon 10:42 - Nobonob Baibel

⁴² Ag gumidna uɗin daan, ag oolagppanu danab ah kuɗum ag Jesusnu oolagppa genab dooppig.

Jon 10:42 ပူးပေါင်းရင်းမြစ်များ

Jon 11:45

Jesus danab mauhak maɗette amu, Juda kuɗum Maria anidkkulagnu uɗippig ele ag Jesus uɗat amu he anidna, ag nuhignu oolagppa genab dooppig.

Jon 12:42

Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Jon 2:23

Amu Jesus Nug Jerusalem appa Pasowanu Hobul amuppa dayaya, Kayak dabmettaknu kobol danab haknu elele iitta kuɗum heehe, danab ag anidna, nuhignu oolagppa genab dooppig.

Jon 4:39

Aria Samaria kuɗum ag ahnu nai doona, ag Jesusnu oolagppa genab dooppig. Aɗinu? Ah nug, “Da anukka keeke oh hemi amu, Nug amu miag da amelppa aum,” awa aum.

Jon 4:41

Anam daanna, danab kuɗumnab ag nuhig nai doona, oolagppa genab dooppig.

Jon 7:31

Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.

Jon 8:30

Jesus anam mattieye, danab ah kuɗum ag nuhignu oolagppa genab dooppig.