Jon 10:34 - Nobonob Baibel

³⁴ Aeg amu Jesus aum. “Ahilag ɗoppa Kayak oɗe inam yaak niitte. ‘Da ami, ag am Kayak ganiappud.’

Jon 10:34 ပူးပေါင်းရင်းမြစ်များ

Sam 138:1

O Yawe, da nahipnu meul ohppa, “Ena heme,” awe akkul. Da hambuppuak kayak laa oh noolagppa da na binan mak ahi edakkul.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Eksodas 4:16

Am inam bekku. Nug am geha na oɗen bia daakku. Da, Yawe, da nai na medattem, nai medakkul ele amu, na da abenal bia aona, na nug nai amu medakkut. Anam amu, nug na abenam awa, nug danab ah nai madakku.

Eksodas 7:1

Moses nug oɗe uug elenu Yawe amegppa a amu, Yawe Nug Moses amegppa aum. “Doye, da geha heppi, na Paro amegppa kayak laa bia daakkut. Na anam daappe, na awan Aron nug am propet danab laa, nug danab ah amelagppa dahil nai maditte bia, nahip nai Paro medakku.

Jon 10:35

Anukka Kayak nai wan imuppan danab, amu dilagppa ukkom amu, amuppa Nug ahilagnu, ‘Ag am Kayak ganiappud,’ aum. Aria ig doottem, Kayaknu nai keeke laa hambuppuak ii ippunigtte. Iitta! Tutukkuib ippunigtte

Jon 12:34

Nug anam mattie amu danab ah kuɗum nug oɗeppa aon appig. “Ig ɗoppa nai inam doomut. ‘Kristus Nug hanhan daakku!’ Am attemun na Danab Bekkalag ad emaitakppa aihkkulagnu attem? Danab Bekkalag, na nuhignu madittem amu, Nug am aun?” aon appig.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Jon 8:17

Ahilag ɗoppa amu nai inam yaak daatte. ‘Danab aɗit aa nai diig laippu attep amu, nai ahilah am genab’. Yaak anam niitte.

1 Korint 14:21

Kayaknu ɗo naippa nai imu daatte. “Da wan laihnu danab, ag nailag laa, Israel ag ii dootteb ele amu, da danab amu maadppi, ag Israel gumadna uɗina, ag ag oɗelagppa nai madakkul, amge amuppa ele Israel ag dahil nai ii doomna.” Naɗi Nug anam awa aum.