Jon 10:24 - Nobonob Baibel

²⁴ Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 10:24 ပူးပေါင်းရင်းမြစ်များ

1 King 18:21

Am Elaiya nug aha, Israel danab ah gumatta wana, nug amelagppa aum. “Ag danab ah, ag ahilag dabmak am ib piɗe piɗenu. Ag ib aɗitnu dabmak ele. Haen gane laa ele ukkeb, ag geha ahilag dabmak ib laippu ele daaglag? Amu Yawe, Nug Kayak genab daatte dayeb amu, ag nugib dim lamidkkulag. Amu Bal nug Kayak genab daatte dayeb amu, ag Bal nugib dim lamidkkulag,” awa aum. Amge danab ah ag nai amu nob laa ii meppig. Iitta.

Matyu 11:3

Goya Jesus oɗ medapiɗ. “Danab laa uɗikkunu aeg doomut am na aakkute, o iitta ig laate ameg mekkunig?” aoya apiɗ.

Mak 8:32

Nug miag atiak a amu, Pita nug omala, piɗe wana, digma daug batete,

Luk 3:15

Jon nug anam heehe, danab ah ag Kristus uɗikkunu dabmenan daanna, ag oolagppa, “Jon nug Kristustai,” aon appig.

Jon 1:19

Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 10:31

Jesus anam a amu Juda ag baula men aon, makkuɗppeg mauhkkunu heppig.

Jon 10:33

Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.

Jon 8:25

Jesus anam a amu ag Nug oɗ medappig. “Na am aun?” appig. Aeg am Jesus Nug aum. “Da tatam ai dooppig ele, da am anamnab aakkuib.

Jon 8:53

Na nahipnu aɗi doottem? Na ig mamenig Abraham eɗittakte? Nug amu propet laa oh ele ag oh mauhppig, amge danab ag na dim lamidtteb ele, ag ii mauhmananu attem. Na nakka nahipnu aɗinab doottem?” aon appig.

Jon 9:22

Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.

2 Korint 3:12

Ig tituanak bauppa ehanittak aognignu dabmak aɗat oittem amunu, ig ii baɗat, nai miagib madittem.