Jon 10:22 - Nobonob Baibel

²² Am Jerusalem appa hobul laa, ag anukka Kayaknu mettid lag od eɗun matulppig ele, hobul amu daakkunu haen be, danab ah oh appa qagmeppig. Haen amuam oug haen.

Jon 10:22 ပူးပေါင်းရင်းမြစ်များ

1 King 8:63

Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Yawenu mettid lag qeapina, Yawenu tituanna medappig.

2 Stori 7:5

Amu King Solomon nug laippu dayaknu ofa haaha, nug makau 22,000 manatta mettowa, nug sipsip, meeme ele 120,000 ele manatta mettom. Am Solomon nug mana mettak heum amu, amuppa nug, Israel danab ah ele ag Kayaknu mettid lag qeapina, Kayaknu tituanna medappig.

Esra 6:16

Ag deɗ amuppa lag malan, deɗ amu dimppa Lewi buɗubppan mana mettak danab, Lewi buɗubppan mana mettak danab iitta, aria Israel danab ah laa ele, amu oh ag Babilon wanppa diia ukka laih me dayak danab ah daan, eɗun uɗippig, ag oh gamag ahak doon, lag amu qeapinna, Kayaknu tituana medappig.

Mak 3:22

Anam appig amge, ɗo mehuqak danab ag matu Jerusalemnu neppig, ag Nug heumnu inam appig. “Ouɗi nau ikkilag Belsebub nug danab imu beɗuppa daatte amunu, Nug ɠagattag amuppa ouɗi nau lamadtte,” aon appig.

Jon 10:21

Ag anam appig amge laa am appig. “Imuam danab ouɗi nau elenu nai iitta. Ouɗi nau nug danab ameg gaɗuak ele heeb, ameg oppatkkunu elelete?” aon appig.

Jon 10:23

Jesus Nug haen amuppa Kayaknu mettid lag nuhig tomppan keeke oh ele ooppa noa, Solomonnu Aben atteb ele amuppa noa, aben amuppa oiyom.