Jon 10:10 - Nobonob Baibel

¹⁰ Yabhok danab nug yab awak, qe mauhak, amu keeke he nauhak, nug amunuib uɗitte, amge da uɗimi ele imu amu, da ag bau dayak enanag ambaknab madakkulnu uɗimi.

Jon 10:10 ပူးပေါင်းရင်းမြစ်များ

Aisaia 56:11

Israel dilag okkai ag qai nug ee lakkunuib dabmaama oitte, ag amubia daatteb. Ag keeke aotteb, amge ag gane aonna, ag, “Aakku elele,” ii atteb. Iitta. Ag baubau aoglagnuib hetteb. Ag sipsip gumak danab doyak iitta ele amunu, nug eheɗ hette, ag amubia daatteb. Ag oh ahilag dabmak dim lamidkkulagnu hetteb. Ag oh anen anen en okkai qagmekkulagnu hetteb.

Hosea 7:1

Da heppi, Israel bau mekkunu hettem. Da anam hettem, amge da ehanidkkulnu heiyi, Israel dilag hipunin am miagib daatteb. Ao, da ehanidkkulnu heiyi, Samaria danab ah dilag ɗo tippalak miag atiak daatteb. Aɗinu? Israel danab ah ag hambuppuak henan daatteb. Ao, ag laa laulkad loppaɗadna nona, keeke yab aotteb. Ge, ag oohona, ibppa danab ah dilagppa keeke yab agatteb.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Matyu 18:11

((Aɗinu? Danab Bekkalag da amu da danab hipuninppa nauhppig amu, ag eɗue diiadkkulnu uɗimi.))

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Matyu 21:13

Jesus Nug anam hewowa, Nug aum. “Kayak naippa yaak inam daatte. ‘Danab ag da laul am danab ah dilag unuqiɗak lag daatte dooglag,’ amge ag heeg, nug yab danab naunab dilag lokkumak aben bia daatte!” awa aum.

Matyu 23:13

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag Kayaknu ɗo maɗoɗnu od danab ah amelagppa maitteb. Ag akka amu ag amuppa ii notteb. Am danab ah ag amuppa nokkulagnu hetteb amu, ag ippulag oo netteb.

Mak 11:17

Jesus Nug anam hewowa amu, Nug ag amelagppa aum. “Kayak naippa yaak inam daatte. ‘Danab ag da laul am wanppan wan ohppanu danab ah dilag unuqiɗak lag dooglag,’ amge ag heeg, nug yab danab naunab dilag lokkumak aben bia daatte!” awa aum.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Jon 10:1

Jesus Nug nai amu mattia mala, Nug nai imu ele mattiom. “Da genabnab genab ag amelagppa attem. Danab laa nug sipsipnu aɗ odppa ii notte, nug aɗ leta notte ele, danab amu nug am yab danab, amu yab danab naunab ele.

Jon 10:11

Da am sipsip gumak danab ena. Sipsip gumak danab ena nug sipsip ena daaglagnu mauhkkunu dayeb amu, nug mauhkku.

Jon 12:47

Am laa nug dahil nai doya dim ii lamidtte amu, da nug ii epeɗipa. Da wanppan danab ah epeɗiadkkulnu ii uɗimi. Iitta. Da ag eɗuen diikkulnu uɗimi.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

Jon 3:17

Kayak Nug, Nug Bekka wan imuppa me uɗiom, amge Nug wanppan danab ah epeɗiadkkunu me ii uɗiom. Iitta. Kayak Nug nuhigppa wanppan danab ah eɗua diiadkkunu me uɗiom.

Jon 5:40

amunu, aɗinu ag da gumiɗna uɗina, bauklel aoglagnu ii hetteb?

Jon 6:33

Bret Kayak madatte ele, amuam laa hab aabppanu neum. Bret amu Nug wanppan danab ah bauklel madatte,” awa aum

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Rom 2:21

amunu, ag aɗinu danab laa dilagppa ippunittak hetteb, amge ag akka ahilagppa ippunittak ii hetteb? Amu ag danab laa keeke yab ii aomnanu amelagppa maditteb amunu, aɗinu ag akka ag anamnab hetteb?

1 Timoti 1:15

Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

Hibru 6:17

Anukka Kayak Nug ig Nug bekkod ehanigkkunu nai ɠagattag qetta aum, Nug nai amu iinab baolimanu ippunikka auta aokkunu, Nug nai nuhig Nug onigppa ɠagattag qettom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

2 Pita 1:11

Aria, ag kobol amu hekkulag amu, Kayak Nug ag diia, ag Nug ele laippu dayaknu ooppa elele doya aut auta awa heeb, ag ihinig Naɗi, Nug am ihinig Padal ii maknu ehanittak, Jesus Kristus, ag nuhig ɗo maɗoɗ hanhannu ooppa daaglag.