Jon 1:6 - Nobonob Baibel

^6-7 Kayak Nug danab laa nug danab ah amelagppa amahlaknu nai mehuqkkunu epeɗie doum. Danab amu onig Jon. Nug amahlaknu nai mehuqkkunu diig am, nug mehuqebeb, danab ah oh ag nuhig mehuqak, amuppa oolagppa genab dooglagnu elele daaglag.

Jon 1:6 ပူးပေါင်းရင်းမြစ်များ

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Matyu 11:10

Nug am laa, Kayak Nug nuhignu a, propet laa nug Kayak oɗe awa, Kayak naippa yom daatte. Nai amuam inam. ‘Antte! Da heppi, dahil nai awa ukkak danab laa nug anuqa ukka, nahip ib na noomppa bappaidkku.’

Matyu 21:25

Oɗmak dahil am inam. Jonnu layattak am adeppanu beum? Keeke amuam hab aabppanu keeke, o iitta danabnu keekeib?” awa aum. Jesus anam a amu, ag akka akka mattin appig. “Ig, ‘Habnu keeke,’ apput amu Nug, ‘Anam dayom dayeb amu, ag aɗinu oolagppa genab ii dooppig?’ akku.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Jon 1:33

Da ele Nug ii doolom, amge laa Nug da danab ah leppa layadkkulnu meiɗe uɗimi ele amu, Nug a doomi. Nug aum. ‘Kayak Ouɗi Nug na, danab laa qaɗeppa daakku amu, danab amu aakkuib Nug geha Kayak Ouɗippa layadkku,’ awa aum.

Jon 3:28

Ag akka ele anukka da inam mattiyi doon malappig. ‘Da am Kristus iitta, amge Kayak da meiɗe, da nuhig ib bappaidkkulnu anuqe uɗimi.’

Aposel 13:24

Amu Jesus ii nak haenppa Layattak Jon nug Israel, ag oolag eɗueb layattak aoglagnu nai mehuqom.