Jon 1:51 - Nobonob Baibel

⁵¹ Jesus Nug anam ana, Nug nai baula ele tuɗitta aum. “Da genabnab genab ag amelagppa attem, geha hab aab obateb, Kayaknu engel ag Danab Bekkalag da, da gumiɗna nenan tebeppeg anadkkulag,” awa aum.

Jon 1:51 ပူးပေါင်းရင်းမြစ်များ

Genesis 28:12

Niiaya, tuqan tulppa nug adqaɗ laa anttom. Adqaɗ amu diig wan ya ukka, hab aabppa tak dayeye anttom. Dayeye, Kayaknu engel ag adqaɗ amuppa nenan tenan daappig.

Esekiel 1:1

Jehoiakin nug Juda dilag king daya, eheɗ he, Babilon dilag king Nebukatnesar, nuhikkud daup ele ag gona, Juda eɗadna, Nebukatnesar nug Jehoiakin awa, nug awa ukka laih me dayak danab daakkunu Babilon uɗie dayeye, maɗ waɗele uue, maɗ tanig elenu kalam tanig eleppa Kayak Nug digma, tulegleg imu Esekiel ippunitte anttom. Esekiel nug am Busi bekka, Nug am mana mettak danab. Am nug Babilon wanppa le Kebar daugppa dayeye, Kayak Nug he, nug tulegleg antta, Yawenu nai doyom. Appa Yawe Nug Esekiel, uɗat nuhig hekkunu aɗom. Amunu nai imuam Propet Esekielnu nai. Da Esekiel, da maɗ 30 ele daye, maɗ amuppa kalam waɗele, deɗ tanig eleppa da kekeɗ heeg, Israel danab ah ag Babilon wanppa le Kebar daugppa diia ukka laih me dayak danab ah daappig, da ag oolagppa daaiyi, Kayak hab matule, da digmein, tulegleg laala Kayak ippuniɗeɗe anadmi.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Matyu 3:16

Jesus layattak awa malowa, Nug leppanu beum. Amu haen amuppanab hab obata mette, Kayak Ouɗi Nug uppuɗil beɗulag nakok laabia naana, Nug qaɗeppa dayeye anttom.

Matyu 4:11

Jesus Nug anam a amu, Satan Jesus uuittom. Uuitte, amu engel ag nena, Jesus ehanidppig.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Matyu 9:6

amunu, ag Danab Bekkalag da, da wan imuppa hipunin uhuqen madakkulnu ɠagattag ele, ag amu dooglagnu amu, da heppi aha gokku,” awa aum. Jesus Nug anam ana, Nug eɗua oɗe danab amegppa aum. “Na ahan, qaɗaqaɗ nahip aon, lakka ukke!” awa aum.

Mak 1:10

Laaitta male, Jesus Nug leppanu beebe, hab obate, Kayak Ouɗi Nug uppuɗil beɗulag nakok laabia naana, nuhigppa dayeye anttom.

Mak 14:62

Nug anam oɗ mette amu Jesus Nug aum. “Yo, da iikku, amu dimppa ag Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Luk 2:13

Engel nug amelagppa ana male, pahanab Kayaknu engel kuɗum hab aabppanu neeg, moitan daanna, ahi ettana appig.

Luk 2:9

Kayaknu engel gumatta ne, Naɗi binag amahlak oppiaawak ele ag taliliatta honaɗom. Honaɗe amu, ag baɗak eheɗ nau doyeg,

Luk 22:43

((Nug unuqitte, engel laa hab aabppanu na, ɠagattag metta ehanittom.

Luk 22:69

amge dimppa Danab Bekkalag da, da Kayak Ɠagattag Oh Ele amu, da Nug eppeg naɗiap-ppa daakkul,” awa aum.

Luk 24:4

Ii anidna, ag amunu dabmak kuɗum aona, ootot aqe henana amu, antte! Ag danab aɗit miag hippaidya daaeheh anatppig; ahilah lamen am hakkabnab, amemɗiag awak ele.

Luk 3:21

Amge Jon maniguittakppa ii dayom haenppa danab oh ag layattak aoegeg, Jesus ele layattak awom. Nug layattak awa malowa, Nug unuqittette, hab obate,

Jon 1:50

Anam a amu, Jesus Nug Nataniel oɗeppa awa aum. “Da na ad fig waappa anidminu ami amu, na amunute ootppa genab doottem? Na keeke amu eɗittak, laa ele geha anidkkut,” awa aum.

Jon 10:1

Jesus Nug nai amu mattia mala, Nug nai imu ele mattiom. “Da genabnab genab ag amelagppa attem. Danab laa nug sipsipnu aɗ odppa ii notte, nug aɗ leta notte ele, danab amu nug am yab danab, amu yab danab naunab ele.

Jon 10:7

amunu, Jesus Nug nai laa mattiaya aum. “Da genabnab genab ag amelagppa attem. Da am ⌊hab aabppa ukkaknu⌋ od oɗe, sipsip ag aɗ ooppa nokkulagnu od oɗeppa notteb, amubia.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

Jon 13:38

A amu Jesus oɗeppa awa aum. “Na genab dahil aben aona mauhkkutte? Da genabnab genab na amenppa attem. Na tuqan imuppa, na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” awa aum.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Jon 16:23

Jesus Nug anam ana, Nug nai tuɗitta aum. “Geha deɗ amuppa ag keeke laanu da iinab oɗ meɗamna. Da genabnab genab ag amelagppa attem. Mama Nug aɗi keeke ag da onilppa Nug oɗ medappeg amu, Nug ag madakku.

Jon 21:18

Jesus Nug anam ana, Nug nai tuɗitta aum. “Da genabnab genab na amenppa attem. Haen na nid bau daanna, na nakka matagiɗ imuanppa takkana, aben na nakka gokkutnu oot dayom amu na amuppa gottame. Amge dimppa haen na kaino mena amu, na eppen humappe, laa nug na matagiɗ imuanppa tagitta, aben na gokkutnu oot ii daatte, amuppa omaitteb gokkut,” awa aum.

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 5:27

Amu ele, da am Danab Bekkalag amunu, Nug da danab epeɗiadkkulnu ɠagattag ele meɗom.

Jon 6:26

Anam aeg amu Jesus oɗelagppa awa aum. “Da genabnab genab ag amelagppa attem. Ag Kayak dabmettaknu kobol danab haknu elele iitta da hemi amu, ag amu anidppig, amge ag diig amunu da ii mattiɗna uɗippig. Iitta. Ag bret laeg, oolag dittiom amunuib uɗippig.

Jon 6:32

Aeg amu Jesus Nug amelagppa aum. “Da genabnab genab ag amelagppa attem. Moses nug hab aabppanu bret ii mattom, amge da Mamel, Nug amu hab aabppanu bret genab ag madatte.

Jon 6:47

Genabnab genab da ag amelagppa attem. Aun nug dahilnu ooppa genab dootte ele, nug bauklel hanhannu ele awom daatte.

Jon 6:53

Anam aeg amu, Jesus amelagppa aum. “Genabnab genab da ag amelagppa attem. Ag Danab Bekkalag da, da teppul tiil ele lakkulagoitte. Iitta dayeb amu, bauklel hanhannu ag oolagppa ii daama.

Jon 8:34

Anam aeg am Jesus Nug aum. “Da genabnab genab ag amelagppa attem. Aun laa nug hipunin hette amu, nug am hipuninnu begbeg maɗi nid daatte.

Jon 8:51

Da genabnab genab ag amelagppa attem, laa nug dahil ippunittak nai awa dim lamidkku dayeb amu, nug iinab mauhma,” awa aum.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Aposel 10:11

hab obate, keeke laa ne anttom. Keeke amu lamen okkai laa bia, muɗi waɗele daug waɗeleppa qakkak dayeye, paɗaeg wanppa neum.

Aposel 7:56

Antta, Stiven nug aum. “Antteg! Da hab aab obate, Danab Bekkalag Nug Kayak eppeg naɗiap-ppa hibaitta dayeye anidttem,” awa aum.

2 Tesalonaika 1:7

Nug ag uug dootteb ele amu, haen ena matta, Nug ig ele haen ena megakku. Naɗi Jesus eɗua, aab aɗu amu engel ɠagattag nuhikkud ele ag hab attannu miag atiak nekkulag, haen amuppa Kayak Nug kobol amu hekku.

2 Tesalonaika 1:9

Naɗi Nug danab amu nob nau, padal mak hanhannu matteb, ag Nug toppa, nuhig ɠagattag okkainabppa ele ii daamna.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 1:14

Nug engel laa amegppa anam ii aum. Iitta! Engel ag am ouɗi, ag am Kayaknu uɗat hetteb. Kayak Nug ag gona, danab ⌊ag Jesusnu oolagppa genab dooppig amunu,⌋ ag Padal ii maknu ehanittak aoglagnu daatteb ehanadkkulagnu maatte gotteb.

Jut 1:14

Enok, nug am Adamnu buɗub buɗub uɗiak eblaih aɗit ele batak amu, nug danab laa amelagppa propet nai danab nau imu dilag mehuqa inam aum. “Antteg! Naɗi amu nuhikkud engel kuɗumnab, ebaqaknu elele iitta uɗitteb. Nug hettoɗiakppa, wanppan danab ah oh epeɗiaknu, Nug heeb, danab ag nuhignu, hak nuhignu ele uuak danab daan, ag Kayaknu, hak nuhignu ele uuak kobol dim lamidna, Kayaknu, hak nuhignu ele uuak kobol nau heppig miag atiak dooglagnu, hipunin danab Kayaknu, hak nuhignu ele uuak danab daan, ag nai nau oh Kayaknu madippig, ag amu miag atiak dooglagnu, Kayak amu nuhikkud engel ele uɗitteb.”

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Revelesen 4:1

Keeke amu oh dimppa da neekke, hab aabppa od matulak dayeye anidmi. Da baag tatam trampet oqotti bia doomi amu, da baula dooiyi amu aum. “Na inam beppe, da keeke dimppa bekkuoitte ele ippunidppi antte!” awa aum.