Jon 1:34 - Nobonob Baibel

³⁴ Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

Jon 1:34 ပူးပေါင်းရင်းမြစ်များ

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Matyu 4:6

“Na Kayak Bekka daattem dayeb, na ippanu oolna honap no! Aɗinu? Kayak naippa yaak inam daatte. ‘Nug engel nuhikkud amelagppa nahipnu haknunab ab, na baen men yaamanu, ag geha ag eppelagppa aɗaidna ehanidkkulag,’ ” awa aum.

Matyu 8:29

Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Mak 1:1

Kayak Bekka Jesus Kristusnu Nai Ena am inam niitte.

Mak 1:11

Kayak Ouɗi Nug ne, baag laa hab aabppanu Jesus amegppa aum. “Na am da bekkal, da nahipnu ool mauhtte. Ele amu, da nahipnu oolppa enanagnab doottem,” awa aum.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 10:30

Da Mamel ele amu i am laippu,” awa aum.

Jon 10:36

amunu aɗinu ag dahilnu, ‘Nug Kayaknu dabittak nai maditte,’ atteb? Kayak Nug da tituaniɗa, meiɗe wanppa uɗimi. Nug anam heum, amu anukka Nug wan imuppan danab laa dilag, ‘Ag am Kayak ganiappud,’ aum amunu, ‘Da am Kayak Bekka,’ haen da ami am, aɗinu ag amunu, ‘Nug Kayak aben aokkunu hette,’ aon appig.

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

2 Korint 1:19

Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

Hibru 7:3

Kayak nai am nug anig mameg amu nug memetab ele ii ippunigtte. Menuak deɗ nuhig amu mauhak deɗ nuhig ele ii ippunigtte. Nug am Kayak Bekka bianab daatte. Nug am mana mettak ikki danab hanhannu daatte.

1 Jon 2:23

Am aun laa nug Mame Bekka guhuɗidtte amu, nug Mame ele laippu ii daattep. Am laa nug Mame Bekka nuhignu, “Nug am Kristus,” atte amu, nug Nug, Mame ele oh laippu daatteb.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.

Revelesen 2:18

Nug anam ana, Nug nai tuɗitta aum. “Na nai da attem imu Taiataira Kristen tamaniaknu ikki danab, nuhignu inam ye! Nai imuam Kayak Bekkanu uɗitte, Nug ameg aab diditte bia, Nug baeg amu bras bia amahaltte.