Jon 1:19 - Nobonob Baibel

¹⁹ Aria, deɗ laa Juda okkai ag Lewi buɗubppan mana mettak danab, Lewi buɗubppan mana mettak danab iitta ele Jerusalem appanu Jon nukka nuhignu oɗ mettaglagnu maatteg gona, “Na am aun?” ana oɗ mettaeg, Jon nug nai anana,

Jon 1:19 ပူးပေါင်းရင်းမြစ်များ

Jon 10:24

Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 10:31

Jesus anam a amu Juda ag baula men aon, makkuɗppeg mauhkkunu heppig.

Jon 11:19

amunu, Juda kuɗum ag Marta, Maria ele, aa Lasarus mauhomnu oolah mekkunu ehanatkkulagnu gumatna goppig.

Jon 2:18

Anam daye amu, Juda okkai ag amu anidna, ag Jesus amegppa appig. “Na Kayak dabmettaknu kobol danab haknu elele iitta aɗi laa heppe, ig anidta, na heme imu hekkutnu ehah ele daattem amu, ig doognig?” aon appig.

Jon 2:20

Jesus anam a amu, ag appig. “Maɗ 46 ukke, ag Kayaknu mettid lag imu henan daappig, amu na deɗ ewam ooppa hekkutnu attemte?” aon appig.

Jon 5:10

amunu, Juda okkai ag danab qaɗaqaɗ mawom ele amegppa appig. “Gemu am Sabat, na qaɗaqaɗ maomnanu ɗo daatte. Na aib tippalme,” aon appig.

Jon 5:15

Jesus anam a amu, danab amu nug ukka, Juda okkai amelagppa aum. “Danab Nug he, da ena daami ele, Nug am Jesus,” awa aum.

Jon 5:16

Nug anam a, Jesus Nug keeke amu Sabat deɗppa heum dooppig amunu, diig amunu Juda okkai ag digmena, Jesus eheɗ hedappig.

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Jon 6:41

Jesus Nug matu, “Da am hab aabppanu bret wanppa uɗimi,” awa aum amunu, Juda ag nuhignu oolagppa elele ii daye, akka akka nai kuɗum madippig.

Jon 6:52

Jesus Nug anam a amu, Juda laala ag akka akka aeg ona aeg do nai mattin, “Attemnab danab imu nukka nuhig teppu ig mekkeb lakkunig?” aon appig.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Jon 7:11

Amu Juda ag hobulppa teppig amu, ag Nug mattina, ii anidna appig. “Danab amuam adeppa daatte?” aon appig.

Jon 7:15

Nug anam nai mattieye amu, Juda ag dabmak kuɗum aonna, akka akka nug oɗ mettan appig. “Danab imuam Nug sul laa ii heum, amu Nug attem ha doyak okkainab awom?” aon appig.

Jon 8:22

Nug anam a amu, Juda ag akka akka nug oɗ mettan appig. “Nug nukka Nug beɗu qa mauhkkute? Diig amunu Nug, ‘Ag da gokkulppa amu, ag gokkulagnu elele iitta,’ attete?” aon appig.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’

Jon 8:57

Awa a amu ag Nug amegppa appig. “Na nahip maɗ am 50 iitta. Na Abraham ii anidme. ⌊Na hambubuttem,⌋” aon appig.

Aposel 13:25

Layattak Jon nug nai mattia, uɗat malakkunu miag dayaya, nug Juda danab amelagppa aum. ‘Ag dahilnu, “Nug am Kristus,” dabmettebte? Anam iitta. Da am Nug iitta. Amge laa Nug da dimulppa uɗitte amu, Nug am danab okkainab, da am okkai iitta; dahil hak am nuhig bia iitta, dahil am elele iittanab iitta,’ awa aum.

Aposel 19:4

Anam aeg amu Pol nug aum. “Anukka Jon nug danab ah layattatta, nug inam amelagppa aum. ‘Kayak Nug ahilag hipunin uhuqa madakkunu amu ag oolag eɗueb, ag layattak aweg!’ awa aum. Nug ele, ‘Danab nug da dimulppa uɗitte, ag nuhignu oolagppa genab doyeg!’ awa aum. Danab amu nug Jesus,” awa aum.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

1 Jon 1:5

Nai ig daunigppa doot, ag amelagppa madittem ele am inam. Kayak Nug am amahlak, amu gatatu nakok laa nuhigppa ii daatte.