Jon 1:18 - Nobonob Baibel

¹⁸ Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 1:18 ပူးပေါင်းရင်းမြစ်များ

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 18:33

Yawe anam ana mala amu, Nug ukkom. Abraham nug ele nug laugppa ukkom.

Eksodas 23:21

Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Eksodas 24:10

Ag tena amu, ag ⌊nakok uma daanna, neekkeg ukke,⌋ Israel dilag Kayak anidppig. Yawe baeg waappa amu, keeke laa dayom, am keeke otala wan tonak laa ele. Keeke amunu amu, neekkak nuhig am men sapaia, amubia; am hab oppiaawaknab, amubia daye anidppig.

Prowerb 8:30

Nug keeke oh hattette amu, da Doyak Dabmak Ena Ele, da Nug heqoppa danab uɗat laala haknu doyak okkai ele dayeye ehanidmi. Deɗ oh da Nug ele daagnihnu enanagnab doyeye, da Nug ele daagnihnu ool gamag okkai ahe daamuɗ.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Gayak Nai 2:12

Nid naunau ag anilkad oɗ mattan, “Ee adeppa daatte?” aon atteb. Ge, ag danab qep elabppa guittak okkai awa, ameg qittintte, amubia ag aab okkainu ibppa ag amelag qittine, ag anilkad aɗalattegeg, eppelagppa aakku mauhadtteb.

Namba 12:8

Iitta. Haen da nug ele nai madittep amu, ii nug anidɗaɗa nai madittep. Da nai miagib madittem, nai tonak ii madittem. Nug da, da Yawe, nug da attemun amu aniɗtte. Anam aakku daatte amunu, aɗinu aa dahil maɗi nid Moses, aa nuhignu nai eheɗ akkulahnu ii baɗaya, nai eheɗ nuhignu apiɗ,” awa aum.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Luk 10:22

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka am aun ii dootte, Kayak Nug nukkaib dootte. Ele amu, danab laippu laa nug da Mamel, Nug am aun ii dootte. Iitta. Da, Kayak Bekka, da aakkuib doottem, amu danab, da ag da Mamel am aun ippunadttem ele, ag amu dootteb,” awa aum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 12:41

Aisaia Jesusnu binag amahlak oppiaawak ele anttom amunu, nug Jesusnu aum.

Jon 13:23

Ippunittak awak danab laa, Jesus nuhignu oo huanak mauhttom ele, nug Jesus guguittak dayom.

Jon 14:9

Pilip anam a amu, Jesus aum. “Pilip, haen elabnab da ag ele daamut, am na iite dooiɗttem? Danab nug da aniɗtte amu, nug Mama anidtte. Am aɗinu na Mama anidkkutnu oɗ meɗattem?

Jon 17:26

Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 17:6

Mame, da wan imuppan danab ah oolagppanu danab na meɗame amu, da ag amelagppa na diitnu mehuqi dooppig. Ag am nahipad, na da meɗame, amu ag nahip nai dim lamidtteb.

Jon 3:11

Genabnab genab da na amenppa attem. Keeke ig doottem ele amu, ig amunu mehuqttem, keeke ig anidttem ele amu, ig amunu madittem, amge ihinig mattiak amu ag ii aotteb.

Jon 6:46

Danab ah wanppanu laippu laa nug amegppa Kayak ii anttom. Iitta. Laa nug Kayak toppanu uɗiom ele, Nug aakkuib Kayak anttom.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Duteronomi 4:12

Aakku Yawe Nug aab dittiak ooppanu ag amelagppa nai mattiom. Ag nai mattiom dooppig, amge ag beɗu am ii anidppig; baag aakkuib dooppig.

Kolosi 1:15

Kayak Bekka Nug am Kayak, danab laa nug Nug anidkkunu elele iitta, Nug bianab aakku daatte. Nug am keeke oh Kayak he beum daatte, Nug amunu ikki anuqaknab daatte.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

1 Timoti 6:16

Nug nukka aakkuib ii mauhtte; hanhan daatte. Amahlak ig gukkuidta gokkunignu elele iitta ele amu Nug amuppa daatte. Danab laippu laa ele Nug ii anttom, laa anidkkunu ele elele iitta. Nug binag amu nuhig ɠagattag haen oh ele nuhigppa dayeɗ! Amu genab.

Josua 5:13

Deɗ laa Josua nug ukka, Jeriko gukkuittak daya, nug ameg huma, danab laa nug Josua noobppa hibaitta dayeye anttom. Danab amu nug qep elab laa eppegppa aɗa dayom amunu, Josua nug gumitta ta, oɗ metta aum. “Na ihinig ban danab laa daattemte, iitta na kekeɗ ihinignu ban danab laate?” awa oɗ mettom.

1 Jon 4:12

Genab danab laippu laa nug Kayak ii anttom, amge ig nug oo mauhak kobol hettem dayeb, Kayak Nug ig oonigppa dayeye, nuhig oo mauhak kobol ihinigppa elelenab mette.

1 Jon 4:20

Am laa nug, “Da Kayaknu ool mauhtte” atte, amge nug layagnu nau ninig ele dootte amu, nug am hambuppuak danab. Aɗinu? Danab nug layag laa antta malom ele, nug nuhignu oo mauhak ii dootte dayeb, nug attem ha, Kayak, nug Nug ii anttom amu, nug nuhignu oo mauhak dookku?.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.