Jon 1:10 - Nobonob Baibel

¹⁰ Ao, Kristus, onig laa Nai Kayak Ippunigtte, Nug wanppa dayom; wan imu amu Nug he beum, amge wanppan danab ah ag Nug ii dooppig.

Jon 1:10 ပူးပေါင်းရင်းမြစ်များ

Genesis 16:13

Anam amu, Hagar nug Yawe, Nug nug amegppa nai mattiom amu, Hagar onig imu Nug ataɗom. “Kayak Da Aniɗtte Ele Amu, Amuam Na.” Aɗinu? Nug aum. “Laa da aniɗtte amu, gemu da ele Nug anidmi.”

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 18:33

Yawe anam ana mala amu, Nug ukkom. Abraham nug ele nug laugppa ukkom.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Jon 1:11

Nug keeke heumppa na dayom, amge danab ag Nug ɗo ii mettan ii aoppig.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 1:3

Kayak Nug keeke oh Nai Kayak Ippunigtte eppegppa me, Nug keeke oh haattom. Keeke laa ib laappa ii beum.

Jon 1:5

Amahalak amu Nug gatatuppa amahaltte, amu gatatu nug amahlak amu eɗidkkunu elele iitta.

Jon 17:25

O Mame tutukkunab, wanppan danab ah wannu kobol dim lamadtteb ele ag na ii dooidtteb, amge da na dooidttem, amu dahilad imu ag na da meiɗe uɗimi amu dootteb.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Kolosi 1:16

Ig amuam genab anidkkunignu diig am Kayak Bekka Jesus, Nug wan imuppan keeke, hab attannu keeke, keeke ig anidttem ii anidttem ele amu, amu oh Nug heum. Nug amu heum, amu keeke Nug heum ooppa amu, Nug gumak uɗat digdig ele daakkunu babaittom; laa am gumak uɗat anuqak, laa am gumak uɗat ɠagattag ele, laa am gumak uɗat okkainab, am laa am gumak uɗat okkai. Nug amu oh heum, babaittom ele, am amu oh am Nug binag mekkulagnu daatteb.

Hibru 11:3

Ig Kayaknu oonigppa genab doottem amunu, ig imunu maittak aottem. Kayak Nug oɗeppa haknunab nai aawo, wan, hab, atu, keeke oh ele beppig daatteb amunu, keeke ig gemu anidttem, keeke amu oh am keeke ig anidkkunignu elele, am amuppa ii beum.

1 Jon 3:1

Ag imu doyeg! Mame Nug ihinignu oo huanaknab mauhtte, amu diig amunu Nug ihinignu, “Da bekkalad,” atte. Amu ig genab Nug bekkod daattem. Wanppan danab ag ii dooigtteb. Aɗinu? Ag Kayak ii dootteb.