Joel 3:19 - Nobonob Baibel

¹⁹ Ag Israel, ahilagppa amu ena anam daakku, amge Isip wan am hele-ettak daakku. Edom wan ele atu taɗaknab daakku. Aɗinu aa anam daaglah? Ag Juda wanppan danab ah guittak nau mauhnoak mattanna, appa ag danab ah eheɗ laa ii heppig ele aqaeg mauhppig.

Joel 3:19 ပူးပေါင်းရင်းမြစ်များ

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Jeremaia 49:17

Yawe atte. “Da heppi, Edom wan nauhkku amunu, danab ah laa ag anidna, ameg iɗuak dooppeg, laala ag wan amu guguittak oinna, ag Edom eheɗ nau awom anidna, ag dabmak huanak aona, Edom danab ah aon aon aqaglag.

Jeremaia 51:35

Babilon ag ig Juda, ag eheɗnab heigppig amunu, eheɗ hak amunu nob nau Babilon dilagppa baɗ! Ao, Babilon ag ig oikkeg, ig tiinig ne, ig kuɗum mauhmut amunu, eheɗ hak amunu aab Babilon beɗulagppa dayaɗ!” aon akkulag.

Gayak Nai 4:21

Ag Edom danab ah, ag gemu gamag ahak doyeg! Ao, ag Us wanppa daatteb, ag gemu gamag ahak doyeg! Amge uug naunab, ig Juda ihinigppa beum amu, uug amu ahilagppa ele bekku. Ge, danab nug le ɠagattag la, kaaka qe, lamen iitta beɗu miag ele oitte, amubia ahilagppa ele bekku.

Obadaia 1:1

Imuam tulegleg Yawe Obadaia ippunitte anttom. Imuam Naɗi Yawenu nai, laa Edomnu dooglagnu meum. “Ig Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomut. Ao, danab Yawe me ukkom ele, nug nai imu ab dooglagnu me ukkom. ‘Ahappeg ig Edom banelag gotu!’ ”

Habakuk 2:17

Lebanon appa na laa guittak nau mauhnoak mettak kobol heme, amu diig amunu na nauhkkut. Ao, appa na doɗ ge iitta hamu hamu aqadme, amu diig amunu na baɗak eheɗ nau dookkut. Aɗinu? Na danab aqatte, ag tiilag ne, na wan, aab ele hatte nauheg, danab ah appa daappig ele padal meppig.

Sekaraia 10:10

Da omaladppi, ag Isip wanppanu, Asiria wanppanu ele eɗun uɗiglag. Ao, da heppi, ag Gileat wanppa, Lebanon wanppa ele daaglag. Ag ⌊appatna,⌋ kuɗumnab daappeg, wan ahilag am nakok ebakku. Ao, ag oh daaglagnu elele iitta daakku.

2 Tesalonaika 1:6

Kayak Nug kobol tutukkuib hette, amu Nug inam hekku. Aun ag uug madatteb amu, Kayak Nug ag amunu nob nau matta,