Joel 2:6 - Nobonob Baibel

⁶ Am danab wanppan wan ohppa daatteb ele, ag tap-lokus amu anidna, ag eheɗ baɗaeg, beɗulag hahaɗtte; iɗulag ele hakkab ebatte.

Joel 2:6 ပူးပေါင်းရင်းမြစ်များ

Sam 119:83

Genab, da am doɗ gaɗa wain inaknu aab kahppa daya nauhtte bia daattem, amge diig amunu da nahip ɗonu daul ii atitte.

Aisaia 13:8

Baɗak okkai, eheɗ naunab tonatteb, geha guittak okkai dooglag. Ag geha ah nid aokkunu guitte, beɗu itoɗia akkoniaya bia hekkulag. Ag akka akka nug iɗu neekkidna, iɗulagppa haen naunab aakku beum anidkkulag. Ag geha anam anidna ag geha nau, eheɗnab baɗaglag.

Jeremaia 30:6

Oɗ mattan doye! Danab nug ah nid menutte bia nid menukkunu elelete? Iitta amunu, aɗinu da danab ɠagattag ohnab anen anen ag ah nid aokkun oo eppegppa lamuhitte bia, ag oolag lamuhieg anadttem? Aɗinu da danab ɠagattag iɗulag oh hakkab eppom anidttem.

Jeremaia 8:21

Da ele tiinig laippu ag aakku guittak naɗi okkai aon malappig amunu, da oolppa ele guittak okkai naɗi doottem. Da mahiak okkai hettem. Da antten, ameg iɗuak doottem.

Gayak Nai 4:8

Amge gemu ag iɗulkad hinqaknab, ena iitta daatteb; laa ibppa neegppeg ukkeb anadna, ag oɗulag mekkulag. Ag am aun aɗi ii doomna. Ag gaɗalkad dabubuɗa qeɗop doattak; ad hiɗig qaɗaiettak daatte, amubia qaɗaiettaknab daatte.

Nahum 2:10

Kekeɗ ag Niniwenu keeke oh aakku ban hena aoglag. Ag aon gokkulag. Ag anam hebeppeg, Niniwe danab ah ag beɗulag gai-iitta mekku. Oolagppa am ag ɠagattag laa ii doomna. Ag hahaɗppeppeg, ag iɗulag am hakkab ebakku.

Nahum 2:11

Laion ag nalkad teɗppa ee mattaeg latteb. Laion dawai, laion anig ele aa teɗppa ukkaeheh, nalti am baɗak laa iitta ele appa daatteb. Anukka Niniwe anam bia daye, appan danab ah ag baɗak iitta daappig, amge gemu am attemun? Gemu anambia iittanab iitta.