Joel 2:30 - Nobonob Baibel

³⁰ Am da heppi, habppa, am wanppa ele dahil uɗat ɠagattagnab bekkulag. Kobol amuam inam; tiig, aab ewak, amu aab kah huanaknab tak ele daaglag.

Joel 2:30 ပူးပေါင်းရင်းမြစ်များ

Genesis 19:28

Ukka, nug neekke, Sodom, Gomora, amu atu uɗem amu ele ohppa ukke, nug aab kah huanak teete anttom.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Sekaraia 14:6

Deɗ amuam inam daakku. Aam, kalam, hoɗoppai ele ag ii amahalmana.

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Luk 21:11

Aben laalappa amu mim okkai nebeppeg, enug haen okkai amu oɗe haen naɗi ele bekkulag. Habppa amu epponak keeke okkai okkai, amu baɗaknu keeke digdig ena iitta ele bekkulag.

Josua 8:20

Ag amoteg ewewe, Ai danab ag dimulagppa eɗun neegna, ag aab kah aab okkaippanu ta, lomppa teete anidppig. Ag anidna, ag adeppatai laa gokkulagnu ib laa ii anidppig. Amu Israel ag atu taɗakppa gokkulagnu oolna goppig ele, ag appanu eɗueg, danab ag lamadppig ele amu, ag ag ele ban heppig.

Revelesen 18:18

Ag aab okkai Babilon ewebeb, nuhig kahug amu anidna, enan akkulag. ‘Aab atten amu aab okkai umu ele elele?’ aon akkulag.

Revelesen 18:9

Wanppanu king ag ah amu ele ewau pakkua gappai hak kobol hena, nug ele kobol nau kuɗum laa ele heppig amunu, geha wanppanu king ag nug aab aɗuppa ewebeb, nuhig aab kahug anidna, ag mahinna gaaglag.

Revelesen 8:7

Engel ebqak 1 amu nuhig trampet iwale, laa nug ais doɗo, amu aab aɗu tiig ele kaboliak ele buɗie, wanppa nena qeppig. Anam amu, aab wan maha laippu oh ewa, wan maha amu ooppa ad oh ewatta, gikkiɗah bau daatte ele maha amuppa oh ewom, amge wan maha aɗit laa amu ena daapiɗ.

Ikki Danab 20:38

Amu keeke amu oh ii hak haenppa amu, Israel dilag daup ag ban haknu lokkuma dayak abenppa ii daamnanu daappig amu, ag danab aguppa daaglag ele ag aab okkai aon, ag aab amotppeg eweb, kahug teppu ele attan teebeb,

Ikki Danab 20:40

Ag anam dabmeppig, amge ag amu henana, haen ag dimulagppa neegna amu, ag aab kah aab okkai amuppan teppu ele teete anidppig.