Joel 2:23 - Nobonob Baibel

²³ Yawe Nug hanhan genab tutukku hak kobol dim lamidtte amunu, Nug he, oug haen digmetteppa gu neum. Ao, Nug he, gu elelenab, oug haen digmetteppa, gakkaɗak haen digmetteppa ele, anukka neum bia, nette. Anam amunu, Sion danab ah ag gamalag ahaɗ! Ao, ag Yawe, ahilag Kayak, ag nuhignu gamag ahak okkai doyeg!

Joel 2:23 ပူးပေါင်းရင်းမြစ်များ

1 King 8:36

Yawe na hab aabppa daana, danab ah nahipad, ig Israel, ig nahipad maɗi nid maɗi ah ele, na ihinig unuqittak amu doon, ihinig hipunin amu uhuqna mekkan, na ig kobol tutukku dim lamidkkunignu ihuhuigkkutnu oɗ medattem. Amu na heppe, gu nug wan imuppa nekkunu ool daatte. Wan imu anukka nahipad danab ah ig mekkame, wan imuam ihinig, ig aunig.

Job 33:23

Amge engel laa, ehanittak laa kuɗum ag nug hette bia ii hetteb, nug ehanittak 1,000 oolagppanu laippu aakku, nug Kayak, danab amu ele dilahppa gamagmag dayaya, nug Kayak oɗeppanu danab amu nug attem heeb, Kayak noobppa genab tutukku hak danab daakkunu ab doya ⌊dim lamitteb⌋,

Job 37:13

Ge, Nug lombig anam anam hekkulagnu haknunab attenu diig laa am, Nug danab ah eheɗ heppignu bu madakkunu hette. Aria, diig laa am, Nug wan leppu medakkunu, Nug oo mauhaknab kobol nuhig miag daakkunu hette.

Sam 104:34

Haen da Yawenu ool gamag ahehe, da keeke laalanu dabmak unuqag awewe daattem amu, Nug dahil dabmak amunu ena, elele dookkunu ool daatte.

Sam 147:8

Yawe Nug he, bud huanak habppa daatteb. Ao, Nug he, gu neene, wan le aotte. Nug hette, amuppa Nug he, gikkiɗah qauko nakokppa betteb.

Sam 149:2

O Israel danab ah, laa Nug ag hattomnu gamalag ahaɗ! Ao, Sion danab ah, ag Yawe, ahilag king, ag nuhignu gamag ahak naɗinab doyeg!

Sam 28:7

Yawe Nug am dahil ɠagattagnu diig daatte. Nug am dahil guppiɗ. Da nuhignu oolppa genab doyeye, Nug da ehaniɗe, da gamag ahak doyen, ahi edette, “Ena heme,” attem.

Sam 32:11

Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Sam 84:6

Ag oolnu noak onig Baka appa oinna, uug kuɗum anidtteb amu, Yawe Nug he, aben enanag daye, le kuɗum ele daye, Nug he gu na, le ameg daatteb!

Prowerb 16:15

King nug laa ena neekkitteb amu, laa amu nug bau daakku; amu king nug laanu ena ii helo bia me, nug amu hette, kobol amuam gu na, wan ehanidtte bia.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Aisaia 30:23

⌊Ag amu heppeg,⌋ Yawe Nug heeb, gu nug keeke ag ebappig ele le medakkunu neebeb, ee meu huanak, ittag ele wanppanu aoglag. Haen amuppa ahilag makau ag gikkiɗah dad okkai okkaippa gikkiɗah lanan daaglag.

Aisaia 41:16

Danab nug ulah ee aeg dappunkkeg iwale ukkaknu uɗat hette, amubia ag Israel ag ahilkad kekeɗ heppeg iitta mekkulag. Ulah ɠagattag ee aeg dappunkkeg mawa, umanab ukke, baula miag ii daatte, amubia ag Israel ag heppeg, ahilkad kekeɗ ag qettoɗna malaglag. Ag miag iinab daamna,” awa atte. Ag Israel, ag ahilkad kekeɗ ag anam daaglag. Ag anam daaglag, amge ag Israel, ag Yawenu oolag gamag ahakku. Ao, ag Yawenu, Nug am Israel dilag Kayak Oppiaawak Ele, Nug ag Israel, ag nuhikkud maɗi nid maɗi ah ele daaglagnu tituanattom amu, ag nuhignu oo gamag ahak huanaknab dooglag.

Aisaia 61:10

Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.

Jeremaia 3:3

Ag amu heegeg uɗie, gemu ele hetteb amunu, da hei, gu ii nette. Ge, ag amu heegeg uɗie, gemu ele hetteb amunu, da hei, aam haenppanu gu laa ii nette. Ag eheɗ hetteb, amge ag hamu bia dootteb. Ag ib baag ah nug kobol nau hette, amge nug amunu hamu bia doya, uɗa nak nakok laa ii dootte, ag amubia hetteb.

Jeremaia 5:24

Ag dabmak tutukku aolob, ag inam alob. ‘Yawe, ihinig Kayak, Nug gu nekkunu daatte haenppa gu he nette amunu, ig ee ele daattem. Nug anam hette amunu, ig nuhignu ebehinig oh bodoetta le maɗ!’ Ag anam mattilob, amge ag dabmak tutukku amu ii aotteb amunu, ag anam ii atteb.” Yawe Nug anam awa atte.

Gayak Nai 4:2

Sionnu nid bau, ahilagnu amu; anukka laa ag enanag, keeke golppa hak, ag ahilagnu anam dooppig. Amge gemu ahilagnu amu, laa ag, wan waa, aakkuib dootteb; ag keeke laa, waa keeke hak danab eppegppa heum, ag amubia ahilagnu dootteb.

Esekiel 34:26

Da ag, amu aben oh dahil qauko Sion talilittak daatteb ele itadppi, ena daaglag. Da heppi, gu nuhig haenppa elele neeb, itittak ena ele aakkuib daaglag.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Lewitikas 26:4

da geha gu nekkunu haen nuhigppa meppi nokku. Geha wan nug ee heeb beeb, ad ag meu oadkkulag.

Amos 4:7

Yawe Nug anam ana amu, Nug ele atte. “Wit, bali keeke meu awak haen nakok miag doob, kalam ewam uueb, meu oɗueb aolob amu, haen amuppa da hei, gu pehettak ii neum. Da hei, gu aab laappaib ne, aab laappa ii neum. Ao, gu dad okkai laappa ne, dad okkai laappa ii neum amunu, dad okkai laa gu ii neum ele amu, keeke qaɗaiettom.

Sekaraia 10:1

Ag aam haen digma daakkunu hette, ag haen amuppa Yawe gunu oɗ metteg! Ao, Yawe Nug he, lombig hinqetteb. Yawe Nug he, gu danab ah ehanadkkunu nette. Ao, Yawe Nug he, gu neene, danab dilag ee meu otteb.

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Sekaraia 9:13

Anam amunu, Juda danab ag dahil lat bia daaglag. Israel danab ag am lat doɗo dahil bia daaglag. Aab Sion am dahil qep elab bia daakku. Da heppi, ag Grik danab ele ban hena, ⌊eɗadkkulag⌋.” Yawe Nug anam atte.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.

Duteronomi 11:14

Nug geha gu hanebppa heeb neeb, ag ee aeg, wain bau, olip goɗen ele aoglag.

Duteronomi 28:12

⌊Gu am Yawe eppegppa daatte, Nug aakku he nette.⌋ Ag Nug oɗe dim lamidppeg amu, Nug gu hanebppa heeb nekku. Keeke ena ena oh, am Yawe eppegppa daatte. Ag Nug oɗe dooglag amu, Nug geha ag uɗat oh ag eppelagppa hetteb amu, Nug amunu itadkku. Ag wan laappan danab lon mattaglag, amge ag ahilagppan lon ii aomna.

Duteronomi 32:2

Da aɗi madikkul ele imu am, gu nette, amubia dayaɗ! Yo, nai dahil, amuam baito nette bia dayaɗ! Genab, amuam, gu digittig na, gikkiɗah hittu aɗatte, amubia dayaɗ! Yo, guttid na, dattan hittu yuɗ aɗatte, amubia dayaɗ!

Pilipai 3:1

O lailad, da nai imu inam mattie malakkul hettem. Ag Naɗinu oolag gamag ahaɗ! Da am nai imu baula ahilagnu yaattem amu, da amunu oolppa uug iitta. Imu amu ag ehanadkkunu yaattem.

Pilipai 3:3

Aɗinu ag amu dilagnu dabmena autna aoglag? Ag am gaɗa otaɗak danab genab iitta. Ig Kayak Ouɗippa Kayak noobppa dup nota binag meta, ig Kristus Jesusnu uɗatppa aakkuib ig padal mematanu ehanittak aognignu dabmeta, ig beɗunignu kobol ig ehanigkkunu elele oonigppa genab ii doottem ele amu, ig ikka am gaɗa otaɗaknu kobolnu danab genab daattem.

Pilipai 4:4

Ag Pilipai daatteb amu, ag hanhan Naɗinu maɗoɗppan gamag ahak doyeg! Yo, da baula ag amelagppa attem, ag hanhan maɗoɗppan gamag ahak doyeg!