Joel 2:22 - Nobonob Baibel

²² Doɗ dakkuɗ, ag ele aib baɗappig. Aɗinu? Gikkiɗahnu dadppa gikkiɗah bau digma bette. Laa amu, ad meu otteb ele amu, aakku meu otteb; ad fig, am muɗi grep aa meu ottep.

Joel 2:22 ပူးပေါင်းရင်းမြစ်များ

Genesis 4:12

Aria, haen na dad uɗat hekkut amu, keeke oh ena ii bemana. Laa ele, na aben laippuppaib ii daamna. Na qati qati oikkut,” awa aum.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Sam 65:12

Na hee, atu taɗakppa gikkiɗah ena be, makau, sipsip ele ag aben amuppa ambak daatteb. Ao, qauko nakokppa, doɗ, ahilkad gumak danab ah ele, ag oolag gamag ahatte.

Sam 65:13

Aben gikkiɗah daatteppa amu, sipsip huanaknab daatteb. Aben oolnu noakppa, ee aeg eheɗnab betteb. Appan danab, doɗ ele oh, ag gamag ahak doon, danab ah ag enan, ahi edatteb.

Sam 67:6

Ihinig wanppa ee kuɗum be, ig aomut; Kayak, Nug am ihinig Kayak, Nug itittak ena ig mekkom.

Aisaia 51:3

⌊Yawe Nug Abrahamnu anam heum⌋ amunu, genab Nug heeb, danab ag Sion eɗun bappaidppeg, ag Juda ag oolag mekku. Yo, Nug Sion nauhom antta heeb, danab ag Sion bappaidkkulag. Nug heeb, Juda wanppa aben laala atu taɗak beppig daatteb amu, aben amuam Iden dayom bia daaglag. Ao, Nug heeb, Juda wanppa aben wan meu waknu nakokib elele amu, ag am Yawenu dad bia daaglag. Danab ah ag Sion appa, Juda wanppa ele daaglag amu, ag oolag gamag ahebeb, ag, Yawe amegppa, “Ena hen mekkame,” doon anan, ahi ettaglag.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Esekiel 36:35

Iitta. Ag neegna anidna, inam akkulag. ‘Wan imu kekeɗ ag heeg nauhakib dayom amu, gemu wan amu aakkuib dad onig Iden, Kayak eppom amu, dad amubia daatte. Aab kekeɗ ag heeg nauhppig amu, tatam ag hele-ettak daaegeg, gemu aab amuppa danab ah daatteb, aɗ ele itan, anamib daatteb,’ aon akkulag.

Esekiel 36:8

Amge ag Israel dilag qauko, Israel danab ah ag paha eɗun uɗiglag amunu, Israel ag ee lakkulagnu ad ahilagppa bena, meu okkulag.

Jona 4:11

Anam amge, da ele Niniwe dilagnu dabmein, ool dootte. Aab okkai amuppa nid naunau eheɗ laa ii heppig ele kuɗum daatteb; ahilag ebqak 120,000 eɗittak. Doɗ kuɗum ele daatteb,” awa aum.

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

1 Korint 3:7

Anam amunu, ee eppak danab nug am onig iitta. Ee le mettak danab nug ele onig iitta. Kayak Nug nukka he, ee bette. Nug he, ee bette amunu, Nugib am onig ele.