Joel 2:20 - Nobonob Baibel

²⁰ Tap-lokus, ag ban danab huu naɗi bia, ag yawalti uɗitteppanu uɗippig amu, da ag lamadppi, ag wan laa, gu appa ii neene, keeke ii bette ele, amuppa lamadppi, ag wan amuppa gokkulag. Ameg laa anuqtteb amu, ag le onig, ‘Mauhak Le,’ amuppa goppeg, ameg laa dim gotteb amu, ag Mediterenia yuppa gokkulag. Ag anam gona, oh mauhna malappeg, beɗulkad beɗebeb, uɗig nau ahakku.” Yawe Nug anam akku. Amu bekkunu diig am, Yawe Nug uɗat ɠagattag hekku.

Joel 2:20 ပူးပေါင်းရင်းမြစ်များ

2 King 8:13

Elisa nug nai amu mattie, Hasael doya, nug Elisa nai mattiom amu nob ma, inam oɗ meum. “Da, nahip maɗi nid, da qai laabia aakkuib amunu, da attem hein, keeke naɗi amu da anam hekkul,” oɗ meum. Oɗ me amu, Elisa nug amegppa aum. “Yawe Nug keeke imu da ippuniɗom; na geha Aram dilag king bekkut,” awa aum.

Sam 126:3

Yawe Nug ihinignu keeke okkai heum. Ig oo gamag ahak okkainab doottem.

Eksodas 10:19

Moses unuqitte, Yawe he, ulah baolia, heqo laih qaban uɗitteppanu huana uɗia, aakku tap-lokus amu oh iwalatta diia, Le Kokoɗppa gona mauhppig. Amu tap-lokus laa Isip appa laa ii dayom.

Eksodas 8:14

Isip danab ag og mauhadppig amu, ag akkan, aben laalappa ameg ameg qagmatteg daanna, beɗatteg, uɗig nau ahom.

Aisaia 34:3

Ag mauhadna, ag beɗulkad am miag, boumak iitta daaglag. Ao, ag anam daappeg, uɗig wak eheɗ nau ahakku. Ge, ag huanaknab mauhadna, ag tiilag am le bia qauko attannu amba nekku.

Esekiel 47:18

Amu Israelnu kaɗag uɗitteppanu tom am inam daakku. Tom amuam Hauran, Damaskus ele gamagppa digma ukka, yau uɗitteppanu ugakka, Jodan le dim lamitta ukka, aab onig Tamar, Mauhak Le guguittak daatte, aguppa batakku. Jodan le laih Gileat wan daatte, laih am Israel wan. Amuam Israel dilag tom, kaɗag uɗitteppanu aakku.

Amos 4:10

Yawe Nug anam ana amu, Nug atte. “Da anukka Isip danab ah uug naunab aqadkkunu hei aqom amu, da uug amuib ag Israel, ag aqadkkunu hei aqom. Ao, da hei, ban ahe, ahilkad nid bau ag banppa daan, qep elabppa mauhegeg, kekeɗ ag ag Israel, ahilkad bannu hos ele diin aqatteg mauhppig. Ge, da hei, anam be, danab, hos ele gaɗalkad beɗaegeg, uɗig nau ahilag haen tutu dayaknu aab kalappigppa dayom. Keeke amu oh ahilagppa beum, amge ag eɗun, da dim lamiɗkkulagnu da gumiɗna ii uɗippig,” awa atte.

Sekaraia 14:8

Aria, deɗ amuppa amu le laa, le amu he, danab bau daatteb ele, le amuam Jerusalemnu nan gokku. Le amu laih am Mauhak Leppa ukkebeb, laih am Mediterenia yuppa gokku. Aam haenppa, oug haenppa ele le amu am anam ukkakib gokku.

Malakai 3:11

Amu Yawe Nukka Ɠagattag Oh Ele Nug ele atte. “Ag da amibia hekkulag dayeb amu, oɗe nau, gawat nau ele, da heppi, ag ahilag dadppa ii noppeg, ag ee kuɗum ele daaglag. Da heppi, muɗi grep ii qaɗaiettamna; ag meu okkulag.

Duteronomi 11:24

Am ag wan atten attenppa oiglag amu, wan amu ahilag daakku. Ahilag tom wannu amu, am atu taɗak yau uɗitteppanu appa digma, yawalti uɗitteppanu wana ukka, Lebanon wakku. Amu wan tom kaɗag uɗitteppanu daatte am Yupretis le, amuppa digma, qaban uɗitteppanu ukka ukka, Mediterenia yuppa wakku.