Joel 2:19 - Nobonob Baibel

¹⁹ Yawe Nug anam dookku amunu, Nug nuhikkud danab ah amelagppa inam akku. “Da heppi, ee, wain bau, olip goɗen ele elelenab daappeg, ag ee elelenab lakkulag. Haen laala da hei, danab ah wanppan wan laalappanu ag, ag Israel ahilagnu, ‘Keeke hamunab,’ dooppig amu, da baula anam ii hepa; iitta.

Joel 2:19 ပူးပေါင်းရင်းမြစ်များ

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Esekiel 34:29

Da heppi, wan laappan danab ah ag Israel wan ittag huanaknab ele, ee meu huanak ottenu ele nai dooglag. Amu Israel ag ahilag wanppa daappeg, da heppi, ag enug haen baula ii anidmana; wan laihnu danab ele baula ag aon aon ii aqamna.

Esekiel 36:15

Amu Yawe Nug atte. “Ag Israel dilag qauko da heppi, ag wanppan wan laalappan danab dilag awa awa qettak nai baula ii doomna. Da heppi, wan ohppan danab, ag ahilagnu, ‘Keeke hamunab,’ ii doomna. Da heppi, ag qauko, ag baula heppeg, Israel wan ii na qema.” Naɗi Yawe Nug anam atte.

Esekiel 36:29

Anam amu, da ehanadppi, ag baula kobol dubuttid ele, ag kobol amu baula ii hemana. Da heppi, ahilag ee am meu huan okku. Ag anam daaglag amu, da enug haen ahilagppa bekkunu ii apa.

Esekiel 36:30

Enug haen be, wanppan wan laalappan danab ah ag deɗ laala amunu aon aon aqatteg, uɗa nak nau guittak ele dooppig amu, ag anam baula doomnanu da heppi, ahilag ad am meu happiak okkulag. Ee laala ebatteb ele anamib.

Esekiel 39:29

Amu da baula dahilad danab ah ii dimadapa. Iitta. Da dahil Ouɗi ahilagppa daakkunu madappi, ahilagppa daakku.’ ” Naɗi Yawe Nug anam atte.

Hosea 2:15

Geha da eɗue, nuhig grep dad medakkul. Yo, da heppi, Akornu oolnu noak am ena bekkunu dabmak aɗa oiyaknu od daakku. Da amu heppi, appa nug ah bau daya, ahi ettom bia ahi edakku; nug anukka Isipnu aha uɗia, ahi ettom bia hekku.

Hosea 2:21

Amu Yawe Nug atte. “Deɗ amuppa, geha da heppi, gu neebeb, wan bauɗkku.

Hosea 2:22

Anam amu, wan nug ee, grep meu, amu olip ad ele heeb, meu okkulag. Meu obeppeg, danab ah dahilad ag eenu elelenab daaglag.

Joel 1:10

Dad okkai oh am nauhppig, wan qaɗaiettom; danab daalo am mahilo. Aɗinu? Keeke ee aeg otteb am padal meeg, muɗi grep ele qaɗaiettom. Olip ad, nuhig goɗen iitta meum.

Joel 2:24

Nug anam gu he neum amunu, ee aeg mumuɗaknu abenppa ee aelkad qagmak okkainab daaglag. Am grep leppu, olip goɗen ele danab meu titiegeg, hinaippa notte amu, leppu amu ambeeb, hanak am ambaknab daaglag.

Lewitikas 26:5

Ag geha meu huananab, oh awaknu elele iitta, tuɗid ele nug qaɗe qaɗe aonnaib daaglag. Ag ahilag wanppa lanaknu huannanab dayeb lanana, ag baɗak iittappa daaglag.

Sekaraia 8:12

Am Yawe Nug atte. “Anam amunu, da heppi, Israel danab ah ag aɗi eppaglag am meu okku. Grep muɗi ahilag meu oobob, dad ahilag ele ee meu oobob, gu ele elele nekku. Da Yawe, da Israel danab ah oɗo yaak daatteb, da ag aulag daakkunu ag anam madakkul.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Duteronomi 11:14

Nug geha gu hanebppa heeb neeb, ag ee aeg, wain bau, olip goɗen ele aoglag.

Rut 1:6

Aria, Naomi nug anam Moap wanppa dayaya, nug, “Yawe Nug danab ah nuhikkud, Israel wanppa daatteb, Nug he, enug haen iitta me, Nug ag ehanatta, ee madatte,” nai amu nug doyom amunu nug, nug ahipoɗ ele ag eɗun, Juda wanppa gokkulagnu bappaidppig.