Joel 2:11 - Nobonob Baibel11 Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta. အခန်းကိုကြည့်ပါ။ |
Joel 2:11
30 ပူးပေါင်းရင်းမြစ်များ
O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.
“Ag toettan daanna, keeke imu anidna doyeg! Qauko laappa oqotti naɗinab daatte. Oqotti amuam danab ah kuɗum huanak qagmena, muttub qena, oqotti okkai hetteb, amubia daatte. Ao, ag toettan daan, keeke doyeg! Oqotti okkainab wan atu oh oolagppa daatte. Oqotti amuam ban danab kuɗum huanak ban hekkulagnu uɗin qagmetteb, amubia daatte. Yawe Nukka Ɠagattag Oh Ele, Nug nuhikkud ban danab ag ban hekkulagnu qagmaadtte.
Yawe Nug ban danab ɠagattag hette bia haaha, Nug ban haknu abenppa ban hekkunu gokku. Ao, ban danab ɠagattag nug ban elelenab hekkunu nug bannu dabmak nuhig ɠagattag qedatte, amubia Yawe Nug nuhikkud kekeɗ ele ban hekkulagnu bappaidkku. Ban danab nug ban hekkunu huana ette bia, Yawe Nug anam ha, Nug kekeɗ nuhikkud eɗadkku.
Amu Yawe Nug anam awowa, Nug tuɗitta, da amelppa aum. “Na danab oh amelagppa uug ahilagppa beeb anidkkulagnu propet nai imu appe doyeg! ‘Laion ɠagattag nug doɗ laa mattia aokkunu dabma aha, huana gaatte, amubia Yawe Nug nuhikkud danab ah bu madakkunu babaittak anam daatte. Ao, Nug nuhig dayak aben oppiaawak ele, Nug amuppa dayaya, hakkaɗ huana qe, gu nekkunu daatte bia, Nug danab ah nuhikkud bu madakkunu babaittak daatte. Ge, Nug nuhikkud danab ah bu madakkunu laion huanaknab gaatte bia aakku babaittak daatte. Danab ag grep meu leppu aoglagnu tappanna, huana etteb, amubia Nug heeb, ban haknu ewak okkai daakku. Ao, nug wan atu ohppan danab ah bu madatta, anam hekku.
Gemu anam daatte, amge laa Nug qagaiettakppanu eɗua uhuqaknu ehanittak ahilag daatte, Nug am ɠagattag. Laa amu, Nug onig am Yawe Nukka Ɠagattag Oh Ele. Nug Israel, Juda dilag nai hettoɗiakppa elelenab madikku. Nug amu hekkunu diig am, Nug amu heeb, Israel, Juda ele dilag wanppa maɗoɗ daakku, amge Babilon danab ah, ahilag wanppa ag maɗoɗ iitta ele daaglag,” awa atte.
⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!
Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.
Am Yawe Nug atte. “Tap-lokus huanaknab ag ameg naɗinab daan uɗippig, tap-lokus okkai okkai, tap-lokus makkulak bau, am tap-lokus diig laala ele, tap-lokus oh amu da hei uɗippig, ag huanak uɗin, keeke lappig amu, da heppi, Israel danab ah, ag ee tap-lokus lappig amu, ee amubia ag ee elele eɗun aoglag.
Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.
Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.
Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.
Balam nug nai meunab ele amu mattia mala amu, nug nai meunab ele imu mattiom. “Geha uub okkai okkai ag yu ihi laih, Kitim appanu uɗiglag. Ag geha uɗin, Asiria, Eber ele hadappeg nauhkkulag, amge geha ahilkad kekeɗ ag hadappeg nauhkkulag. O gadon! Kayak anam heebeb amu, aun nug bau daakku?” Balam nug anam aum.
ကြော်ငြာတွေ