Joel 2:10 - Nobonob Baibel

¹⁰ Ag oiyona ukkaegeg amu, wan hab ele uɗalttep; aam, kalam ele gatatu manaeh, hoɗoppai ele ii amahaltteb.

Joel 2:10 ပူးပေါင်းရင်းမြစ်များ

Sam 114:7

Yawe noobppa amu, wan uɗalaɗ! Ao, Jakopnu Kayak noobppa amu, wan uɗalaɗ!

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Aisaia 13:10

Amu deɗ amuppa habppan hoɗopai ag amahlak ahilag ii wan mettamna. Am genab, habppa hoɗopai huu mak daatteb, ag amahlak ahilag wan ii mettamna. Aam bau bette am amahlak nuhig wan iinab mettama; kalam nuhig amahlak ele wan ii mettama.

Aisaia 34:4

⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Aisaia 5:30

Amu haen amuppa kekeɗ ag uɗin, geha Juda wan heppeg nauhebeb, ag enan, muttub qekkulag. Amu oqottilag amuam yu duban qaaqa, koɗkoɗ qa uɗia, yu ihippa aoɗaɗa, oqotti otte amubia daakku. Amu danab nug neekkeb, Juda wanppa uɗieb amu, nug gatatu manak, atu nauhak ele anidkku. Ao, nug bud hinqak tona, aamnu amahlak qehakka dayebeb anidkku.

Jeremaia 4:23

Amu da, Jeremaia, ⌊da tuleglegppa⌋ neekki ukke, da wan imu anidmi; amu wan am iɗu laa iitta anidmi. Keeke laa appa ii dayom ele anidmi. Amu da ele neekki ukke, hab anidmi, amu habppan amahlak laa ele ii dayom anidmi.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Amos 5:8

⌊Ag laa ag anam hetteb amu, ag⌋ Laa Nug hoɗoppai huu mak laa onig Pledes, laa onig Orion ele, Nug ag hatta, abenalkadppa mattom daatteb, ag Laa Nug he, tuqannu gatatu am eɗua, wagkkaɗakppa amahlak daatte, ag Laa Nug he, amunnu amahlak am eɗua, tuqannu gatatu daatte, ag Laa Nug he, yuppan le am wan tonadtte, Nug onig am Yawe, ⌊ag Nug mattina, dim lamidkkulagnu mattieg⌋!

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

Matyu 24:29

Aria, haen amunu uug nau iitta meeb, pahanab aam ii amahalma, kalam ele ii amahalma, hoɗoppai laa ag habppanu nena qebeppeg, laa ag ippulag tutukku ii dim lamidmana.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Aposel 2:20

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Naɗi, dahilnu deɗ naɗi, enanagnab ele amu, haen deɗ amu ii nak, nekkunu daakku, haen amuppa keeke amu oh bekkulag,’ awa aum. ⌊Naɗi Nug anam awa a, Joel nug yom. Amu Joel nug ele Naɗinu nai laa imu yom.⌋

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.

Revelesen 8:12

Aria, engel ebqak 4 nug nuhig trampet iwale amu laa he, aamnu laih laippu, kalamnu laih laippu, amu hoɗoppai ameg laippu ele, amu oh ii amahalppig; aamnu laih aɗit laa, kalamnu laih aɗit laa, amu hoɗoppai ameg aɗit laa ele, amu oh amahalppig. Anam amunu, amunppa aua waɗele am amahlak iitta, tuqanppa ele aua waɗele am amahlak iitta.

Revelesen 9:2

Nug moɗ amu matule amu moɗppanu kahug okkainab, aab kahug okkai okkainab bette, amubia beum. Kahug amu ba, aam ameg hab ele tonate, gatatu manom.