Joel 1:19 - Nobonob Baibel

¹⁹ O Yawe, aab naɗi gikkiɗah ewe nauhtte, amubia aam nug ihinig gikkiɗahnu dad okkai he nauhom. Ao, aab ewak okkai atu eotte, amubia aam ɠagattag ha, atuppan ad oh aqe bunaɗppig, amunu da na unuqidttem.

Joel 1:19 ပူးပေါင်းရင်းမြစ်များ

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Jeremaia 14:4

Gu nakok laa ii nema amunu, wan qaɗaietta auta autanab awa, wan aoɗa makkuleb, oɗe elab daaglag. Anam daakku amunu, ee eppak danab oolagppa uug qak doon, ag ikkilag hautkkulag.

Jeremaia 3:9

Israel danab ah ag eheɗ heppignu uug laa ii dooppig. Ag anam heegeg, wan am dubuttid tak ele daye, ag da dimeɗan, ag kayak hambuppuak dottolkad menppa hak, adppa hak ele, ag amu noolagppa dup nona binalag meppig, amuppa ag danab ah ag ewau pakkuna gappai hak kobol hetteb bia heppig.

Jeremaia 9:10

Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.

Jeremaia 9:9

Ag amu hetteb amunu, da ag bu iite madakkul? Ao, da wan imuppan danab ah, ag nau amu hetteb amu da ag bu iite madakkul?” Yawe Nug anam awa atte.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.

Amos 1:2

Amos nug inam aum. “Yawe Nug Sion dayaya, laion huana gaatte, amubia Nug baag okkai eleppa nai maditte. Ao, Nug nai baag okkai ele, hakkaɗ oqotti otte, amubia Jerusalem appanu nai maditte. Nug nai mattieye, gikkiɗah dadppa, sipsip gumak danab ag appa sipsip ahilkad gumadtteb ele, dad amuppan gikkiɗah qaɗaiedatte. Yo, gikkiɗah qauko Karmel igippa daatte ele qaɗaietta mauɗtte,” awa aum.

Amos 7:4

Naɗi Yawe amu ana, nug tuleglegppa keeke laa ippuniɗom. Tuleglegppa Nug danab ah bu matta he, wanppa aab ewak dayaya he, wanppan keeke oh nauhe, yu ele qaɗaiettom.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.