Joel 1:14 - Nobonob Baibel

¹⁴ Ag danab ah oh ag Yawe noobppa ee ohnu kud mena daaglagnu appeg doyeg! Ao, ag oh Yawe noobppa qagmena dup nona Nug binag mekkulagnu deɗ metteg! Ag ikki danab uɗiglagnu eig! Ao, ag wan imuppan danab ah laa oh ele onilagppa eig! Ag Yawe, ahilag Kayak, ag Nug laugppa uɗippeg, ag oh Nug unuqitteg!

Joel 1:14 ပူးပေါင်းရင်းမြစ်များ

2 King 10:20

Jehu anam ana, nug aum. “Ag Bal binag maknu deɗ laa tituaneg!” awa aum. Nug anam awa a, aakku ag qagmak amu hekkulagnu deɗ meppig.

2 Stori 20:13

Jehosapat nug anam unuqittette, Juda danab oh, ag waalkad, nid yuɗ ahilkad, nid naunau ahilkad ele, ag oh Yawe noobppa aakku hippaidna daappig.

Nehemaia 8:18

Ag Pehppa Dayaknu Hobul gamag ahak ele deɗ eblaih aɗit ele daappig, amu deɗ deɗppa Esra nug Kayaknu ɗo nai bukppa yaak niitte amu, nug buk amuppa ebqe dooppig. Ag deɗ eblaih aɗit anam hobul hewona, deɗ eblaih ewamppa, Kayak ɗo mattom bia, ag oh qagmeppig.

Esta 4:16

“Gona, Juda danab ah Susanu oh da ehaniɗkkulagnu diin qagmaadppe, ag ee lamananu, ee ohnu kud mena dayeg! Ag tuqan, amun ele deɗ ewam ee, le ele ohnu anam kud mena dayeg! Da, amu dahilad ehanittak ah ele, ig ele anamib hekkunig. Ig oh anam dayota, ɗo am laa nug hamu ukka, king anidkkunu aib atte me, geha da ukke, king anidkkul. Da mauhkkul dayeb amu, da mauhkkul. Am nai iitta.” Esta nug nai amu me, Mordekai dookkunu ukkom.

Jeremaia 14:2

“⌊Gu ii nekku amunu,⌋ Juda danab ah ag gaaglag. Aabppan danab ag uug naunab dooglag. Ag ahilag wan nauhkku amunu, ag qanak bia hekkulag. Jerusalem appa gayak aakku daakku.

Jeremaia 36:9

Deɗ nug ukka ebqeum ele, deɗ amuam inam. Josaia bekka Jehoiakim, nug Juda dilag king, nug king abenab awa, nuhig king dayaknu maɗ tanig elenu kalam eblaih waɗeleppa okkai danab ag deɗ laappa Jerusalem danab ah oh, Juda danab ah ag Juda aab laalappan uɗin, Jerusalem daappig, ag oh Kayak noobppa ee ohnu kud mena daaglagnu appig amu, Baruk nug deɗ amuppa Yawenu mettid lakka ta, Jeremaianu nai oh buk itoɗiakppa dayom ele ebqeum. Yawenu mettid lagnu mana mettak danab dilag haɗap-ppa, lag ooppa ukkaknu od bauppa oo laa daatte, oo amuam Sapan bekka Gemaria, nug am nai yaak danab amu, nuhig aakku, amu Baruk nug oo amuppanu, nai amu danab ah oh dooglagnu ebqeum. Gemaria nug amu qagmaknu nai bukppa yaaknu danab.

Joel 1:2

Ag ikki danab, ag nai imu doyeg! Yo, ag danab ah Juda wanppa daatteb, ag daulag human doyeg! Ag gemu daatteb ele amu, ahilag haenppa uug imu bia laa beumte? Ao, ag mamelkad aɗi daappig haenppa ele keeke imubia laa beumte? Iitta.

Lewitikas 23:36

Hobul dayak haen amunu deɗ eblaih aɗit, ag deɗ anen anen oh ag doɗ akkan, Yawe mettaknu aab aɗunu ofanu Yawe gumidna wana, Nug mettaglagoitte. Deɗ eblaih ewamppa amu, ag eɗun, Yawe noobppa qagmena dup nona Nug binag menana, ag doɗ Yawe mettaknu aab aɗunu ofanu aon, Yawe gumidna wana, Nug mettaglagoitte. Qagmak deɗ eblaih ewamppa amu, amuam qagmak amu oh bagqekkulagnu; deɗ amuppa ahilag uɗat oh ii hemana.

Jona 3:5

Jona nug anam mattieye, Niniwe danab ah ag doon, ag Kayak Nug genab anam hekkunu oolagppa genab doona, ag ee ohnu kud mena daaglagnu ɗo mena, ag lamen heɗiag ele beɗulagppa tagappig. Danab hamu ukkak, danab okkai ele, ag ohnab anamib heppig.

Jona 3:8

Laa ele amu, ag ohnab, danab, doɗ ele, ag lamen heɗiag ele maattak daana, ag Kayak amegppa ɠagattag unuqitteg! Aria, ag danab guittak nau mauhnoak mettak kobol, amu eheɗ hak laa oh ahilag uueg!

Sepanaia 2:1

O Juda danab ah, ag uɗa nak ele amu, ag qagmena ⌊oolag eɗueg⌋!