Job 4:3 - Nobonob Baibel

³ Na heppe, danab ah kuɗum na ehanadnana, ulum nai ena mattame dautppa doaɗ! Ge, danab ah kuɗum ag gai-iitta daaegeg ehanatte, eɗun ɠagattag daappig ele dautppa doaɗ!

Job 4:3 ပူးပေါင်းရင်းမြစ်များ

Genesis 18:19

Aɗinu? Da Abraham doottem, nug, nug bekkod, nug laugppanu ele, ag da, Yawe, ag dahil ib dim lamidkkulagnu ippunadkku. Ippuanatteb, ag kobol tutukku, amu nai doya mala hettoɗia epeɗia elele mettak kobol ele dim lamidkkulag amunu, da nuhigppa aɗi hekkulnu nai ain qakkami amu, da amu hekkul,” awa aum.

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Job 16:5

Ag da daattem bia daalob, da anam hekkulnu elele daalom, amge da anam ii helom. Iitta. Da ag oolag ɠagattag qettalom. Ao, da oɗelppa ehanittak nai madippi, ag oo mak aon, ag oolagppa guittak okkainab ii doolob.

Job 29:11

Am laa nug dahil nai doyom, nug diig amunu dahilnu enaib mattiom. Ao, laa nug da aniɗom, nug diig amunu dahilnu, ‘Nug enaib hette,’ aum.

Job 29:15

Danab ameg gaɗuak ele amu, da nug ameg bia daami. Ao, danab baeg nauhom ele, da nug baeg bia daami.

Job 29:16

Laa keekenu tutu mak daappig ele, da ag mamelag bia daami. Ao, aab diig danab iitta amu, da hettoɗiak abenppa amu dilag nai doyen, ehanadmi.

Job 29:21

Da anam dabmemi amu, haen amuppa danab laa ag da nai matti, ag daulag human, dahil nai dooppig; ag dahil ulum nai dooglagnu oɗelag qamutna daappig.

Job 4:4

Haen kuɗum na laa ag nena qekkulagnu heegeg, na nai ena matte, ag nena ii qeppig. Ao, na laa ag danab gateg nau ele oikkunu haaha, elele iitta dootte bia daan ehanatte, ag ehanittak nahip amuppa ɠagattag aon daappig.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Esekiel 13:22

Da genab tutukku hak danab ah uug dooglagnu ii hei, ag ah eheɗ hetteb ele ag nai hambuppuak mattiegeg, genab tutukku hak danab ah ag kobol ena dim lamidkkulagnu uug doon oitteb. Ag ah ag eheɗ hetteb, ag anam henana, ag nau hak danab ag mauhmananu, ag oolag eɗueb, eɗun ena daaglagnu dabmak ii madatteb. Iitta! Ag tuɗidna, eheɗ hekkulagnu atteb.

Sepanaia 3:16

Haen amu uɗieb laa ag, ag Israel ahilagnu ag inam akkulag. “O Israel danab ah, ag aib baɗappig. Ao, ag oolag uug ele doonna, hamu aib daappig.

Luk 22:32

amge Saimon, da na ehanitten, ooppa genab doyak nahip amu iitta ii memanu Kayak unuqidmi. Amu geha na eɗun ɠagattag daanna, na laipad ɠagattag daaglagnu ehanatte!” awa aum.

Luk 22:43

((Nug unuqitte, engel laa hab aabppanu na, ɠagattag metta ehanittom.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Duteronomi 3:28

Amge na Josua, nug geha danab ah imu anuqa omalatteb, ag Jodan le mataɗna, nug geha wan na gemu amenppa anidkkut ele, nug danab ah ehanatteb, ag wan amu aoglag amunu, na aakkude nug amegppa nug, amu genabnab genab hekkunu anana, ɠagattag mette!” Yawe da amelppa anam aum.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

Hibru 12:12

Anam amunu ag danab nug eppegte, iitta nug gategte gai-iitta meum ɠagattag qedatte, amubia ag akka ɠagattag aqeg!