Job 32:9 - Nobonob Baibel

⁹ Kaino ag doyak dabmak ena ele, amge agib iitta. Ao, laa haen elab wanppa oippig, ag aɗi kobol am genab tutukku, ag amu dootteb, amge ag aakkuib iitta.

Job 32:9 ပူးပေါင်းရင်းမြစ်များ

Job 12:20

Kayak Nug he, danab okkai dilag ulum mettak danab, laa ag ahilagnu genab elele dootteb ele, danab amu ag nai ena baula ii maditteb; Nug he, ikki danab ag oo maittak awaknu ehah ahilag am iitta mette.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Eklisiastis 4:13

Nid bau laa keeke iitta ele, amge nug doyak dabmak ena ele amu, nuhignu am ena. King laa nug kaino meum daatte, amge nug dabmak tutukku iittappa keeke hette, nug nau aomanu nai laanu awaknu uutte amu, nuhignu am ena iitta.

Jon 7:48

Ig ikki danab, ig oonigppanu o iitta ɗo gumak danab-Parasia ag oolagppanu laippu laa Jesusnu ooppa genab doottete? Iittanab!

Jeremaia 5:5

Imu ag am anam amunu da ukke, ahilkad ikki danab amelagppa nai madikkul. Aɗinu? Ikki danab ag, ag am danab ag Yawenu ib aakku dootteb bia doottem. Ao, ag Kayak Nug ag aɗi aɗi hekkulagnu ɗo mattom amu, ag dootteb bia doottem.” Da anam dabmemi, amge iitta. Ag ele anen anen Yawe waappa daaglagnu uuppig. Ao, ag nuhig ɗo dim lamidkkulagnu uuppig.

Job 32:7

Da dabmein, da oolppa dabmak dahilppa, da ‘Danab kaino ag nai mattiglag am ena. Ao, danab haen elab wanppa oippig, ag doyak dabmak ena ele nai laa mattiglag am ena,’ ami.

Job 32:10

Anam amunu diig amunu da ag dahil nai dooglagnu oɗ madattem. Ao, da ele aɗi keeke doottem appi dooglag.

2 Samuel 3:38

Amu Dawit nug nuhikkud danab laa amelagppa aum. “Ag gemu Israel oolagppanu danab okkai, danab onig ele na qeum amu, ag amu iite dootteb?

Job 4:21

Danab nug peh nuhig awa ukka, laih mekkunu peh taiettaknu tutuɗ wanppanu hiɗa aotte, amubia danab ag anilkad oolagppan dona, eɗun iite mauhtteb. Ge, ag doyak dabmak ena ele iitta iite mauhtteb.’

Sam 119:100

Da nahip oo yaak nai ɗo bia, da nai amu dim lamitten oittem amunu, da diignu doyak tutukku dahil am okkai, danab kaino dilag eɗidtte.

Sam 119:104

Nahip oo yaak nai ɗo bia, nai amu diignu doyak tutukku da meɗatte, diig amunu da ib eheɗ ohnu, am nau ninig ele doottem.