Job 22:4 - Nobonob Baibel

⁴ Na Kayaknu ebehin oh bodoetta le ii mette amunu, Nug na daut batatte. Ao, na Kayaknu ebehin oh bodoetta le ii mette amunu, diig amunu Nug na eheɗ hemenu atte.

Job 22:4 ပူးပေါင်းရင်းမြစ်များ

Job 14:3

Danab oh am anam, amu na, Kayak, na danab oolagppan laa amubia genab dabmekkut-te? Ge, na laa amu onigppa genab eppe, na nug hettoɗidkkutnu na noomppa dokkute?

Job 16:21

O gadon, gamag danab nug huu aɗit oo mak laippu daaglahnu gamag danab uɗat hette, amubia laa nug gamag danab dayaya, Kayak da ele gamanihppa gamag danab uɗat hekku, amuam ena.

Job 19:29

ag bu aomnanu baɗaglag am ena. Aɗinu? Ag dahilnu anam hekkulag dayeb, Kayak Nug ahilag hak amunu oppoɗi bak doya, bu matteb, ag dooglag, Kayak Nug danab dilag hak hettoɗia, laa eheɗ hette ele bu medatte dooglag.” Job nug anam aum.

Job 22:3

Na genab tutukku hak danab daalomlob, diig amunu Laa Nukka Ɠagattag Oh Ele Nug ooppa, gamag ahak laa aolote? Ao, na Kayaknu neekkakppa danab ooppa kaliak laa iitta ele daalomlob, diig amunu Kayak Nug keeke ena laa aolote?

Job 34:23

Anam amunu, Kayak Nug danab Nug noobppa uɗin, aɗi aɗi heppignu appeg doya, epeɗiadkkunu uɗat laa ii daatte. ⌊Nug doya malom.⌋

Job 7:12

Da keeke eheɗ laa, o da yuppan doɗ okkai nau ele laatai, amu diig amunu na maniguiɗttem?

Job 9:19

Laa nug nuhig ɠagattagppa Kayak eɗidkkunu elelete? Iittanab! Kayak Nug am ɠagattag oh ele. Ge, laa nug Kayak awa, hettoɗiak abenppa ukka, appa naippa yaakkunu elelete? Iittanab! Kayak Nug am nai doya mala hettoɗia epeɗia elele mettak kobolnu diig amunu, auntai laa nug naippa yaakkunu elele iitta.

Job 9:32

Anam, amge Kayak Nug danab iitta. Nug danabib da bia daalo, da Nug noobppa dayeye, Nug dahilnu atte amu, da nob mettalom; o iitta, Nug danabib da bia daalo amu, i oh hettoɗiak abenppa goɗa daaɗa, appa nai imu bappaidlop.

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Sam 76:6

O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Sam 80:16

Ig am nahip danab ah, amge kekeɗ ag ig danab laa nug grep muɗi okkulatte neeg, manatte eoppig bia heikke nauhmut. Ao, na nahipad danab ah alattette, ag mauhtteb.

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!