Job 22:3 - Nobonob Baibel

³ Na genab tutukku hak danab daalomlob, diig amunu Laa Nukka Ɠagattag Oh Ele Nug ooppa, gamag ahak laa aolote? Ao, na Kayaknu neekkakppa danab ooppa kaliak laa iitta ele daalomlob, diig amunu Kayak Nug keeke ena laa aolote?

Job 22:3 ပူးပေါင်းရင်းမြစ်များ

1 Stori 29:17

O Kayak dahil, da doottem, na danab oolagppa attem attem daatte, ag oolag italttem. Amu na danab nug nuhig dabmak oiyak ele am tutukkuib anidna, na amunu ootppa ena doottem. Anam amu, keeke imu oh da na mettami amu, da oo qak iitta ele, da dabmak genab dim lamitten mettami. Laa amu, da danab nahipad ag ina daatteb amu, ag oo qak iitta ele keeke medappig, da amu ele antten, gamag ahak okkai doottem.

Job 21:15

Ag anam Nug amegppa anana, ag ele atteb. ‘Laa Nukka Ɠagattag Oh Ele, Nug am aun amunu, ig diig amunu Nug waappa daat, Nug oɗe dim lamidkkunig? Ao, ig Nug unuqidkkunig dayeb, diig amunu ig aɗi ehanittak aognig?’ aon atteb.

Job 22:2

“Danab laa nug Kayak ehanidkkunu elelete? Ge, danab nug doyak dabmak ena ele, nug Kayak ehanidkkunu elelete?

Job 22:4

Na Kayaknu ebehin oh bodoetta le ii mette amunu, Nug na daut batatte. Ao, na Kayaknu ebehin oh bodoetta le ii mette amunu, diig amunu Nug na eheɗ hemenu atte.

Job 34:9

Nug amu hettenu diig am, nug inam ana malom. ‘Danab nug heeb, Kayak nuhignu ena dookkunu am uɗat meu iitta. Ao, danab amu hette ele nug meu ena laa ii aotte,’ awa mattiom.

Job 35:7

O iitta, na genab tutukku hak kobol dim lamidttem dayeb amu, na Nug keeke ena laa medattemte; Nug na eppenppa keeke ena laa aottete?

Sam 119:59

Da attem hein oittemnu dabmemi. Ao, da nahip ɗo dim lamidkkulnu ool eɗuom.

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Prowerb 11:1

Danab nug doyaya, keekenu uug anidkkunu skel uɗat pehettak ii hettep-ppa mette amu, Yawe Nug amunu ooppa uuaknab dootte; amge danab nug uug doyaknu keeke pehettak skelppa uɗat mattak amu, Yawe Nug amunu ooppa enanagnab dootte.

Prowerb 11:20

Yawe Nug danab ag eheɗ haknu ag tiilagppa daatte amu, Nug ahilagnu ena iinab dootte; amge Nug aun aɗi ag nuhig neekkakppa ag danab oolagppa kaliak laa iitta ele, Nug ahilagnu enanagnab dootte.

Prowerb 12:22

Yawe Nug danab ag nai hambubutteb ele, Nug ahilagnu ooppa uuaknab dootte; amge nai genabib mattiak danab dilagnu amu, Nug ahilagnu enanagnab dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 9:12

Na doyak dabmak ena ele aɗan oippe amu, doyak dabmak ena ele amu na nob ena medakku; amge na awa awa qettak danab daan, na guittak aon oikkut.

Malakai 2:17

Ag nai laa maditteb, amuppa ag heeg, Yawe Nug bahi yom. Ag anam hetteb, amge ag oɗ metteb. “Ig attem heut, Yawe Nug bahi yom?” oɗ mettan atteb. Eheɗ anak ahilag am inam. “Yawe Nug nuhig neekkakppa, laa ag eheɗ hetteb, ag am danab ah ena daatteb; Nug ahilagnu ena dootte,” aon atteb. Ag amu atteb, o ag imu atteb. “Kayak Nug nai doya mala hettoɗia epeɗia elele mettak kobol ii dim lamidtte,” aon atteb. ⌊Ag hambuppuak amu oh mattiegeg, Yawe Nug ahilag anak amunu bahi yaatte.⌋

Aposel 24:16

Amunu da hanhan deɗ oh da oolppa keeke eheɗ laa Kayak noobppa, danab ah amelagppa ele ii daamanu, da wagai mettem.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Pilipai 4:18

Ag Epaproditus eppegppa keeke meeg dahilppa uɗiom amu, da awen, da keeke kuɗumnab, elelenab daattem. Keeke ag meɗappig ele, keeke amuam mana mettak muttuɗig ena ele ag Kayak medappig bia daatteb. Kayak Nug mana mettak anam awa amu, Nug oo enanag ele daatte.