Job 20:2 - Nobonob Baibel

² “Da nahip nai doyen, oolppa uug okkai doomi amunu, da dabmakppa nob mekkulnu duttunak doottem.

Job 20:2 ပူးပေါင်းရင်းမြစ်များ

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Sam 31:22

O Yawe, ⌊am genab,⌋ da kekeɗ ag anam heegeg antten, da ottaien baɗak okkai doyeye, da nahipnu ami, “Yawe Nug dahil ii dabmette,” amge da na dahilnu oot gai-iitta doon oot meɗan ehaniɗkkutnu oɗ mettai, na oɗmak dahil amu doon, da ehaniɗme.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

Mak 6:25

Nug anam a amu, nid ahin nug paha eɗua ukka, King Herot amegppa aum. “Na geha iikkunab Layattak Jon baag otaɗna, ikki tappiɗppa mena, meɗakkutnu ool daatte,” awa aum.

Jeremaia 20:9

Ag anam dahilppa hetteb. Amge Yawenu nai amu, da mehuqaknu ii uupa. Haen laala da attem. “Da Yawe, da baula danab ah Nug ii ippunadpa. Da nuhig nai baula ii mehuqpa,” awe attem. Amge da anam attem haenppa amu, nuhig nai da oolppa, o iitta da ebehil ooppa am aab aɗu bia bette. Da nuhig nai ii madipanu wagai mettem, amge elele iitta, da madikkulib.

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Prowerb 29:20

Danab nug Kayak dab-ii-maama ii dim lamidtte, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug tatam ii dabmewowa nai maditte amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Job 20:3

Na madittem amu, nahip nai amu genab daalo, am da daul batalo; am heeb, da binal iitta daalom. Amge da keeke diignu doyak tutukku doottem amunu, da nahip nai am nob mekkulnu doyeye hettem.

Job 13:19

Aun laa nug da naippa yaaiɗkkunu elele? Laal iitta, amge laa anam hekkunu daalo amu, da oɗel qamuten mauhlom.

Job 4:2

“O gadon, laa nug na amenppa nai laa madikku dayeb amu, na bahin yaakkute? Amge nahip nai nob maknu amu, auntai laa nug amu ii helo elelete? Iitta. Nob mekkuoitte!

Job 20:1

Job nug anam mattia male, Nama ted Sopar nug oɗeppa awa aum.