Job 2:3 - Nobonob Baibel

³ Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Job 2:3 ပူးပေါင်းရင်းမြစ်များ

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

2 Samuel 20:20

Ah nug anam a, Joap nug aum. “Iitta. Da amubia ool ii daatte. Da nahip aab heppi nauheb, ag aqappi mauhkkulagnu ii hettem.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 1:11

Gemu na anam hee, nug nahipnu ena dootte, amge na eppen bahin heppe, nuhig keeke oh nauhakib daakku dayeb amu, nug na noomppanab dayaya, na eheɗ laa awaknu anak waappa daakkutnu nai akku,” awa aum.

Job 1:6

Amu deɗ laa engel ag Yawe ag aɗi aɗi hetteb ippunidkkulagnu Nug gumidna gona daaegeg, Satan nug ele appa ukke, oh daappig.

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Job 2:2

Ag oh gona daaegeg, Yawe Nug Satan oɗ mettom. “Na adeppan uɗime,” awa oɗ mettom. Nug anam oɗ mette, am Satan nug nob ma aum. “Iitta. Da wan qaɗe ohppa ukken oiyeye, eɗue doinne hein, aakku uɗimi,” awa aum.

Job 2:4

Yawe Nug anam a amu, Satan nug nob ma aum. “Na Job ehanitte, nug nahipnu ena dootte. Danab nug ii mauhmanu, nug bau daakkunu nug nuhig en oh laa metteb ehanidkkunu medakku. Nug amu bau daakkunu ii uuma.

Job 9:17

Nug dahil nai ii dooma. Iitta! Da anam helom, Nug heeb, ulah naunab nau uɗia, heiɗeb nauhlom; Nug heeb, diig iittappa guittak mettaknu ihilad kuɗumnab da beɗulppa daalob.

Job 9:20

Da beɗulppa aab iitta, amge hettoɗiak abenppa da Kayak noobppa daye nai madippi amu, da oɗel am da eheɗ hemi alo. Ge, da am danab ooppa kaliak laa iitta ele daattem, amge da Kayak noobppa daye nai madippi, da oɗelnab da beɗulppa aab ele daatte alo.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Sam 41:12

Dahil dabmak oiyak ele am tutukkuib amunu, na hee, da bau daye, nagattoppa hanhan wain daakkulnu elele.

Prowerb 11:8

Kayak Nug genab tutukku hak danab ehanitte, nug qagaiettakppa ii daatte; amge Nug nau hak danab paɗe, nug uug waappa daatte.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Prowerb 16:17

Genab tutukku hak danab ag kobol eheɗnu awaidna daatteb; aun nug aɗi hettenu atognoa dabmette amu, nug bau dayak nuhig aakku atognotte.

Jon 9:3

Anam aeg amu Jesus amelagppa aum. “Danab amu nuhig hipuninppa o anig mameg ele dilah hipuninppa ameg gaɗuak ii awom, amge kobol amu beum amunu, Kayaknu uɗat amu danab amuppa miag atia bekku.

Pilipai 3:12

Amu da Kristusnu kobol oh aomi daattem, o da aakku elelenab daattem, da amubia ii dabmettem, amge da Jesus Kristus, Nug da aun bia daakkulnu dabma aɗailom, da anam daakkulnu dabmein dayeye gottem.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

1 Pita 5:10

Kayak Nug am ehanittak okkai hamu mettak kobolnu diig daatte, Nug ag Jesus Kristusnu uɗatppa ag geha nuhig binag amahlak oppiaawak hanhan daatte ele, ag amu ooppa daaglagnu onilagppa eum amunu, ag geha uug haen tutuib doonna daappeg, dimppa Nug eɗua heeb, ag eɗun ena daan, ag lag ukku enappa ɠagattag daatte bia ag ɠagattag daaglag.