Job 11:6 - Nobonob Baibel

⁶ Nug doyak dabmak ena ele ippunitteb anidkkutnu ool daatte. Aɗinu? Nug doyak dabmak ena hambuppuak nakok laa iitta ele. Antte! Kayak Nug na eheɗ hemenu bu medatte amu, bu amuam nakokib. Nahip eheɗ hak am naɗinab.

Job 11:6 ပူးပေါင်းရင်းမြစ်များ

Esra 9:13

Ag ig amenigppa anam appig, amge ig mamenkad, ig ele, ig nahip nai dim ii lamidmut amunu, uug ihinigppa beum; am ihinig eheɗ hak, diig amunu beum. Ge, ig beɗunigppa aab naɗi dayom amunu, uug amu ihinigppa beum. O Kayak ihinig, ig nau anam heut, na bu eheɗ nau megakkutnu elele, amge na nob aɗae ne, ig oh ii mauhmut; ig laippu laippu oɗo yaak danab iikku daattem.

Job 11:5

Na anam attem, amge Kayak Nug digma, na amenppa na eheɗ hettemnu nai madikkunu ool naɗi daatte; Nug na amenppa ab, na nuhig nai na eheɗ hettemnu dookkutnu ool okkai daatte.

Job 12:13

Amge doyak dabmak ena elenu diig, ɠagattagnu diig ele am Kayak eppegppa daattep. Ao, ulum mettak nai, diignu doyak tutukku ele am nuhigppaib daattep.

Job 15:11

Kayak Nug ⌊ig oɗenigppa⌋ oot mekkunu ehanittak mettom amu, nai amuam nahipnu elele iittate? Ao, nai amu oo bodoettakppa mettak am elele iittate?

Job 15:5

Aɗinu? Na hipunin ooppa daanna, oɗenppa nahip nai madittem. Ge, na danab nug lokkumakppa kobol kobol hekkunu doya auta autanab aotte elenu nai mattiak bia nai madittem.

Job 15:8

Kayak Nug nuhig ehanittak ele ag nai mattiegeg, na nai amu dautppa doottemte? Ao, nahip dabmakppa amu, na nakka naib na doyak dabmak ena elete?

Job 22:5

Nahip hak nau am okkainab. Ge, na hanhan hipunin hettem.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Job 33:12

Na anam attem, amge da na amenppa attem. Kayak Nug danab oh eɗadtte amunu, nai amuam hambuppuak.

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 103:10

Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab ii mekkom. Ge! Haen ig hipunin hemut, hipunin amunu nob nau aakku daatte, amge Nug hipunin amunu nob, Nug amunab, ihinig nob eɗua mettak bia ii mekkom.

Sam 25:14

Laa ag Yawenu ebehilag oh bodoetta le mette amu, Yawe Nug ag ele layam batatte. Nug ag ehanatte, ag nuhignu nug tituana nai qakkak nainu meu dootteb.

Gayak Nai 3:22

Keeke ena bekkunu dabmak aɗa oiyak amu, amuam Yawe Nug ihinignu oo mauhaknab dootte amunu, ig padal meta autta ii aottem. Ge, oo gai-iitta doya oo metta ehanittak kobol nuhig ii iitta mette, diig amunu ig padal meta, autta ii aottem.

Daniel 2:28

amge Kayak, hab attan daatte, Nug keeke uug ele he, miag atitte. Nug anam hette amunu, Nug na, King Nebukatnesar, Nug na dimppa aɗi bekku aakku ippunittom. Na niiak abenppa tul niinna, tuleglegppa keeke digdig anidme am iikku.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Matyu 13:35

Nuhig hak amuppa amu, propet laa nai mattiom, nai amu elele mettom. Propet nug inam aum. “Da oɗel oppaten, keeke danab ag dootteb ii dootteb ele ouaqaten ippuanatten, nai madikkul. Da keeke digmak haenppanu lokkumak daye uɗie gemu batak amunu akkul,” awa aum.

Epesus 3:5

Anukka Kayak Nug nai lokkumak amu miag ii atiom, amge gemu Nug nuhig Ouɗippa Kayak Nug nuhikkud totol danab, amu nuhikkud propet eleppa he, nai amu miag atiom.

Duteronomi 29:29

Yawe, ihinig Kayak, Nug haen gemunu keeke, o butti aɗinu keeke amu, Nug amunu diignu doyak tutukku oh ig ii mekkom, amge ig, amu ig buɗunkad ele ɗo mekkom, Nug ig amu dim lamittaknu haknunab anak nai ihinignu aum.