Job 11:2 - Nobonob Baibel

² “Laa nug nai huanak amubia maditte amu, laa nug noob tutukku iite mettama? Ao, laa anam bia maditte amu, nuhig mattiakppa laa oh ag nuhignu, ‘Danab amu nug tutukkuib haaha, nai maditte,’ akkulagte?

Job 11:2 ပူးပေါင်းရင်းမြစ်များ

Job 11:1

Job nug anam mattia male, Sopar, Nama ted, nug oɗeppa awa aum.

Job 15:2

“Danab nug doyak dabmak ena ele amu, nug laanu nai nob ma, nai hambuppua ii mattima. Ge, nug ulah gakkaɗak kaɗag uɗitteppanu uɗia, hamu doa gotte, nug amubia ii mattima.

Job 16:3

Ag ulah naiib ii daye daye mattiglagte? Ge, ag aɗi uug anidna, ag ge iitta da amelppa, dahil dabmak eɗuglagnu nai maditteb?

Job 18:2

“Haen gane laa ele ukkeb, na nai anambia madikkutnu uukkut? Ao, na dabmak pehettak aoppe, ig nai mattignignu elele.

Job 8:2

“Na nai kaliak madittem; amu haen gane laa ele ukkeb, na mattiak amu uukkut? Nahip nai am ulah ɠagattag bia.

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Prowerb 10:19

Nai huana mattiakppa amu, hipunin ele appa ana daatte; amge laa nug nai huana ii maditte, nug am doyak dabmak ena ele.

Eklisiastis 5:1

Haen na Kayaknu mettid lag amuppa gonana, na dabmenan ukke! Na appa gona, Kayak baag dookkutnu dabmenan gokkut; na gona, doɗ keeke hamu hamu, danab nug Kayak dab-ii-maama ii dim lamidtte ele hette bia manadna, Kayak aib mettame. Aɗinu? Danab amu ag eheɗ aakku hetteb ii dootteb.

Eklisiastis 5:3

Amunu diig am, na ootppa uug kuɗum aɗattem dayeb amu, na amunu tul niikkut; amubia danab nug Kayak dab-ii-maama ii dim lamidtte ele, nug nai kuɗum maditteppa, nug nai mauhnoak kuɗum ele maditte.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Jems 1:19

O lailadnab, ag oh kobol imu doon autna aweg! Ag nai paha dooglagnu daulag human dayeg! Ag anam hekkulag, amge ag nai paha aib madippig, oppoɗilag ele paha aib beum.