Job 10:6 - Nobonob Baibel

⁶ Na anam daattemte amunu, diig amunu na dahil hak elele iitta oh anidkkutnu mattiak uɗat okkai hettemte? Ge, na dahil hipunin miagib anidkkutnu ii daye daye madittemte?

Job 10:6 ပူးပေါင်းရင်းမြစ်များ

Job 13:23

Da hipunin aɗi aɗi, eheɗ atten atten ele heminu ⌊ippuniɗkkutnu ool hette⌋. Ao, na dahil nau hak, dahil hipunin ele ippuniɗppe anidkkulnu da ool daatte.

Job 14:16

amunu, na dahil oiyak ohnab atognokkut. Ao, na da hipunin hepanu oiyak dahil atognokkut.

Job 21:4

Da danab laa eheɗ heiɗomnu naittuɗ hettemte? Iitta! Da Kayak eheɗ heiɗomnu naittuɗ hettem amunu, aɗinu da ool maɗoɗ ele dayeye, Nug ameg mekkul?

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Job 7:20

O na ig danab, na ig neekkigna daattem amu, da hipunin hemi dayeb, da na, da nahip-ppa aɗi hemi? Da na da iuttemnu diig amu, da ii doottem. Da na uug kuɗum medattemte?

Sam 10:15

O Yawe, na nau hak danab, ag nau hetteb ele, na ag eppelkad makkuladkkutnu oɗ medattem! Ao, kobol nau ag hettebnu auntai laa ii madikku ele amu, na amunu bu madakkutnu unuqidttem.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Sepanaia 1:12

Amu da haen amuppa da, Yawe, da lam aɗe ugekke, da Jerusalem aab ooppa, aben ohppa neegppi gokku. Ao, da amu hein, da laa ag hipunin henan daan, amu haknu enaib dootteb bu madakkul. Ag ahilag haknu uug laa ii dootteb. Ao, ag, ‘Yawe Nug aɗi keeke laa ii hema. Ge, Nug keeke ena, o keeke nau nakok laa ii hema,’ anan oitteb.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Duteronomi 4:29

Ag geha wanppan wan laalappa anam appa daanna, ag Yawe, ahilag Kayak, ag Nug anidna dim lamidkkulagnu Nug mattiglag. Amu ag meulag ohppa, oolag ohppa ele Nug anidna dim lamidkkulagnu Nug mattiglag dayeb, haen amuppa ag Nug anidkkulag.