Jeremaia 9:17 - Nobonob Baibel

¹⁷ Amu Yawe Nukka Ɠagattag Oh Ele Nug atte. “Ag keeke bekkunu miag daatte, ag amu pehettak dabmetteg! Ag dabmenana, ag ah qanak hekkulagnu onilagppa eig! Ao, ag ah ag qanak okkai hekkulagnu doon autna aotteb amu, ag ag onilagppa eig!” awa atte.

Jeremaia 9:17 ပူးပေါင်းရင်းမြစ်များ

2 Stori 35:25

Josaia nug anam mauhe, propet Jeremaia nug ahi oo doyak ele laala danab ah ag ahi ettan, Josaia dabmekkulagnu yaalattom. Nug ahi amu anam yaalatte, gemu, ⌊nai imu yaak haenppa⌋ ele, danab ah ag ahi edatteb ele ag danab ah Josaia dabmekkulagnu ahi amu ettaladtteb. Israel wanppa ag hanhan mauhak haenppa ahi amu edatteb. Ahi amuam buk laa, danab mauhtteb haenppa danab ah ahi amu edatteb ele amu, ahi amuam buk amuppa yaalattak daatteb.

Job 3:8

Laa ag laanu, nug eheɗ laa awaknu anak waappa daakkunu daatte hetteb ele amu, ag deɗ da domi amu, ag deɗ amu eheɗ laa awaknu anak waappa daakkunu akkulagnu, laa ag ɠagattag ahilagppa heeg, nauhak naɗi okkai bette amu, ag heppeg, deɗ da domi am anam daakkunu ool daatte.

Eklisiastis 12:5

Na keeke laa attan tekkutnu baɗan; ibppa oikkutnu ele baɗakkut. Na ikkin uɗug am hakkab eppeb; na oikkut, amge qinonob, tap mauhkkun qinonob oitte bia oikkut; na ee, le ele, o beɗun keeke laanu ele dab-ii-memana. Na kaino mena anambia daan, na mauhkkut; na mauhppe, diig amunu mahiak danab ah ag mahiak uɗat henan oiglag.

Jeremaia 7:29

Amu Yawe Nug atte. “Ag Juda, ag ikkilag uɗug otaɗna, buɗippeg ukkaɗ! Ag qauko attannab, igippa keeke laa ii daatte, ag amuppa tena, appa ag nai oo doyak ele mattieg! Aɗinu? Da Yawe, da ag gemu daatteb, ag dahil oppoɗi bak waappa daatteb, da ag dimatte, ag geɗadmi,” awa atte.

Gayak Nai 2:5

Naɗi Nug kekeɗ bia daya, danab ee toppua ukke nauhtte bia Nug he, Israel danab ah nauhppig. Ao, Nug he, ahilkad king laulkad enanagnab, ban haknu aben ɠagattag ele nauhppig. Nug he, Juda danab ah ag mahiak okkainab hetteb.

Esekiel 27:2

“Danab bekka, na aab Tairnu nai oo doyak ele imu a!

Esekiel 32:16

Aria, nai amuam nai oo doyak ele danab ah ag qinob da heppi, Isip nauheb, haen amuppa ag nai amu akkulag. Wanppan wan ohppan ah ag nai amu oo doyak ele Isipnu, amu Isip dilag daupnu ele anam akkulag.” Naɗi Yawe Nug anam atte.

Amos 5:1

O Israel danab ah, da nai oo doyak ele butti aɗi ahilagppa bekku amu, da amunu madippi, ag doyeg!

Maika 2:4

Da hekkul, deɗ amuppa danab laala ⌊ag Israel danab ah daatteb bia ippu hak hena⌋, ag ag aon aon aqaglag. Ao, ag ag aon aon aqana, ag ahi oo doyak naunab ele inam ettaglag. ‘Ig Israel, ig padal meta autta auttanab aomut. Kekeɗ ag ihinkad keeke oppatna aon, ahilag aɗatteb. Yawe Nug he, ihinig keeke ig eppenigppa ii daatte. Nug wan ihinkad, kekeɗ ihinkad eppelagppa meum.’ Ag ahi ettan, anam akkulag.” Yawe Nug anam atte.

Matyu 9:23

Ena daye amu, haen Jesus Nug ukka, ikki danab laug ooppa noa, Nug laa dumuttum iwalppig, danab ah kuɗum laa mahittak kobol heegeg ele anattom.

Mak 5:38

Haen ag gona Jarius laugppa tena, Jesus Nug qanak baag okkai ahilag doyaya, mahittak kobol laala ele heegeg anttom.