Jeremaia 9:15 - Nobonob Baibel

¹⁵ Juda danab ah ag Yawe anam dimettan, eheɗ oitteb amunu, Yawe Nukka Ɠagattag Oh Ele, Nug Israel dilag Kayak, Nug inam atte. “Antteg! Da heppi, uug danab ah imu dilagppa bekku. Uug amuam danab nug uud ad tiig mua ele latte, uud tiig mua nau ele latte, amubia daakku.

Jeremaia 9:15 ပူးပေါင်းရင်းမြစ်များ

Sam 60:3

Na ig bu ɠagattagnab mekkame. Ao, na hee, ig uug doot, danab nug le nau la, qe oiyom bia hemut.

Sam 69:21

Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

Sam 75:8

Aria, amu anaknu diig laa am, Yawe Nug danab ah dilag nai doya mala hettoɗiatta epeɗiatta elele madatte amu, amuam kap Nug eppegppa aɗatte bia. Amu kap amuppa wain ɠagattag, keeke laala ele kaboliak daatte. Anam amu, Nug wain gokkaɗa heeb, nau hak danab ah oh ag lakkulagoitte. Ag biɗa naunau oh am lakkulagoitte.

Sam 80:5

Na hee, ig gayak okkai heutut, ig amenig leb am ihinig ee bia daatte. Ao, na hee, ig gayak okkai heutut, ig amenig leb am le oug lattem, amubia daatte.

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Jeremaia 23:15

Propet Jerusalem daatteb, ag amu hetteb amunu, Yawe Nukka Ɠagattag Oh Ele, nug propet amu dilag inam atte. “Da heppi, ag danab uud ad tiig mua ele lana, ena ii dootte, ag amubia dooglag. Ao, da heppi, ag danab uud tiig mua nau ele lana eheɗ aotte, amubia ag bu dahil eheɗ aoglag. Aɗinu da amu hekkul? Propet Jerusalem daatteb ag heeg, kobol nau, amuam dahilnu, dahil haknu ele uuak kobol, kobol amuam Juda wan oh tonappig daatte,” awa atte.

Jeremaia 24:10

Da heppi, kekeɗ ag uɗin, qep elabppa aqappeg, enug haen beeb, oɗe nau danab kuɗum aqe mauhtteb ele beeb, ag mauhna, wan da ag mamelkad aɗi mattami amu, ag amuppa ii daamna.’ ” Yawe Nug anam awa atte.

Jeremaia 25:15

Amu Yawe, Nug Israel dilag Kayak, Nug tulelegppa da, Jeremaia, da amelppa aum. “Jeremaia, kap imu, da eppelppa daatte amu, amuppa dahil oppoɗi bak wain bia daatte amunu, na kap imu da eppelppan aon aɗan, wanppan wan atten atten da ag onilag na amenppa appi, na appa aon gona heppe, ag laig!

Jeremaia 44:27

Yawe Nug ahilagnu inam atte. “Aɗinu anam bekku? Da heppi, uug ahilagppa bekku. Da heppi, ena ahilagppa ii bema. Juda danab ah Isip daatteb ag qep elabppa, enugppa ele mauhadppeppeg ukkeb, iitta mekkulag

Jeremaia 49:37

Da heppi, laa ag Elam aqaglagnu hetteb, ahilag kekeɗ amu, ag eɗadna autna aoppeg, Elam ag waa aoɗa malom daatte bia daaglag. Da heppi, uug naunab, am dahil oo nauhak huanaknab amu, uug amu ahilagppa bekku. Uug amuam, kekeɗ ag uɗin, qep elabppa aqadppeppeg, oolna gobeppeg, kekeɗ ag lamadna aqadppeg, padal mekkulag.’ ” Yawe Nug anam awa atte.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Gayak Nai 3:15

Danab keh mua ele la, oo dittie, ena iinab dootte amu, Yawe he, da anam bia doottem. Ao, danab nug uud ad tiig mua ele lana, eheɗnab dootte amu, Yawe he, da anam bia doottem.

Gayak Nai 3:19

Da uug nau doomi, da atu laih laih, appal diig iittappa yawaien oiminu ele dabmettem. Ge, da eheɗ nau, kahipal toɗom bia dabmein daattem.

Esekiel 5:12

Ag Jerusalem daatteb amu, ag obatak ewam daatteb bia. Amu aab ooppa danab ah oh obatak laippu laa ooppa daatteb, ag oɗe nau danab kuɗum aqe mauhtteb elenu, o enugnu aab okkai ooppa mauhkkulag. Danab ah obatak laappa daatteb amu, kekeɗ ag aab dimittim ag ag aqappeg mauhkkulag. Amu obatak laa da heppi, kekeɗ ag diin heppeg, ag wan laalappa matatun gona daaglag, amge appa ele da heppi, ag qep elabppa mauhkkulag.

Esekiel 5:2

Na uɗug amu anam piɗe piɗe mewona, na kekeɗ ag aab laa eɗadkkulagnu oo mattan aqaglagnu meidna daanna hetteb, na amu ippu hak hena malona, na uɗug qagmak laippu aon, aab okkai dottog amu ooppa mena, manappe ewaɗ! Ameg mak laa na aon, aab dottog amu daug ohppa maadna, qep-ppa okkuladppe, naunaunab naɗ! Amu ameg mak laa na aon buɗiadppe attan teeb, ulah awa ukkaɗ! Amge appa ele da heppi, kekeɗ ag aqappeg mauhkkulag.

Duteronomi 28:36

Yawe Nug heeb, ahilkad kekeɗ ag eɗadna heppeg, king ag nug gumadkkunu meppig ele nug, ag ele, ag oh wan ag ii dootteb ele amuppa gokkulag. Am ag mamelkad aɗi ag wan amu, ag ele ii dooppig ele. Anam daanna, ag am diia ukka laih me dayak danab ah daan, ag kayak adppa, menppa ele hattak, ag amu noolagppa dup noa binag mak kobol hekkulag.

Duteronomi 29:18

Ag anam anadppig amunu, ag oolagppan laa, am danab laate, o ah laate, o aab ikki laate, o Israel dilag huu okkai laate, amunu laa nug Yawe, ihinig Kayak, nug Nug dimetta, laihnu danab amu dilag kayak hambuppuak noolagppa dup noa binag mak kobol hemanu dabmeig! Ge, diɗi laa keeke nau aɗit he bettep, laa am uud tiig mua nau ele, laa am uud ad tiig mua ele, diɗi amu keeke amu he beya, keeke heeh nauhtteb, amubia kobol nau ahilagppa bemanu ag dabmeig!

Revelesen 8:11

Hoɗoppai amu onig Mua. Le wanppanu ameg laippuppa oh amu mua ele beppig. Beeg amu danab kuɗum ag le amu laeg, oolag ewe, mauhadppig. Le wanppan ameg aɗit laappa am mua ele ii beppig.