Jeremaia 8:18 - Nobonob Baibel

¹⁸ O Ehanittak dahil, da uug doottem. Da ool am gai-iitta meum daatte.

Jeremaia 8:18 ပူးပေါင်းရင်းမြစ်များ

Sam 143:7

Yawe, da ool gai-iitta ma auta awa dayeye daattem, na oot meɗan, pahanab gumiɗna uɗin, unuqittak dahil nob ena mekkutnu oɗ medattem. Na oot da meɗan, da dimeɗamnanu unuqidttem. Na dimeɗappe amu, da mauhkkul.

Aisaia 22:4

⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.

Jeremaia 23:9

Propet dilagnu amu, da oolppa uug nau, kahipal aoɗom bia dooiyi, da ebehilad hahaɗtteb. Da danab spak meum bia daattem. Ao, da danab wain huanak lawowa, spak meum bia daattem. Aɗinu? Propet ag Yawenu, nuhig nai oppiaawak elenu hamu bia doon, Yawe noobppa mauhnoak oinna, nuhig nai tappaeg nette.

Jeremaia 4:19

O gadon, da, ⌊Jeremaia, da⌋ guittak naunab nau doottem. Da danab guittak nau doya, beɗu itoɗia hette, guittak amubia da doottem. Da oolppa guittak nau anam doottem. Gamalppa uttu taub dahil huanaknab qutu qutu edatte. Da oɗel qamutak daakkulnu elele iitta. Aɗinu? Da ban bekkun daatte, da amunu trampet iwalak aakku doyen malami. Ao, da ban hettebnu ewak aakku doomi.

Jeremaia 6:24

⌊O gadon, ig Juda⌋ ig daup amunu nai doot malamut, amu ig gai-iitta daattem. Ig eppenig am hamu daatte, danab eppeg laih laih oh mauhom, amubia. Ig doot, ig dabmakppa guittak okkainab doottem. Ao, ig ah nid aokkunu haaha, guittak okkainab dootte, amubia ig guittak okkainab oonigppa doottem.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Gayak Nai 5:17

Kekeɗ ag heeg, Sion qauko, aab Jerusalem daatteppa amu, appa danab ii daatteb, aben amuam hele-ettak daatte; doɗ jakal ag aguppa oitteb. Anam amunu, ig oonigppa gai-iitta doottem. Ge, am anam amunu, ig amenig leb neeb, neegta, keeke laa pehettak anidkkunignu elele iitta.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.