Jeremaia 7:5 - Nobonob Baibel5 Ag ahilag hak nau gaɗalagib ii uuna, ag genab uuglag dayeb, ag eɗun kobol ena dim lamidnana, ag laa dilagnu nai doya mala hettoɗia epeɗia elele mettak kobol dim lamidkkulag dayeb, အခန်းကိုကြည့်ပါ။ |
Jeremaia 7:5
16 ပူးပေါင်းရင်းမြစ်များ
⌊Amu Juda dilag okkai na,⌋ na ulum nai matte! Na nai doya mala hettoɗia epeɗia elele mettak kobol dabmenan he! Danab ah ag aam gakkaɗaknu aam ameg tutukkuppa ad ilonppa hik aon daatteb bia, na ad lokko gatatu manak laa bia ahilagnu daye! Moap danab ah ag oolna, laih daaglagnu gokkulag ele amu, ag aben ena amuppa gona daappeg, na ag lokkumatte! Na aben amu kekeɗ aib ippunadme!
Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.
Amu Yawe Nug atte. “⌊Jehoiakim,⌋ na ad sida kuɗum na lautppa meme daatte amunu, na ad amuam king daakkutnu ehah medatte doottemte? Na mamen nug amu ii heum. Iitta. Nug ee, le ele elele aɗa lana dayaya, elele doya, nug kobol tutukku, amu nai doya mala hettoɗia epeɗia elele mettak kobol ele dim lamittom amunu, keeke oh nuhignu elele ukkom.
Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.
Danab nau bekka amu, nug hipunin aɗi hekkunu ib anidtte ele amu, nug ib amu uua, eheɗ ii hette. Genab tutukku hak danab amu nug danab laa lon metta, eɗua awaknu haenppa nug lonnu intres ii aotte. Ge, nug gane mettom, amu eɗittak laa ii aotte. Nug dahil ɗo nai iɗu iɗu pehettak dabmetta dim lamidtte. Danab anam amu nug bau daakku. Nug mameg hipunin heum, amge danab ena amu nug mameg hipunin heum, nug diig amunu ii mauhma. Iitta. Nug genab bau daakku.
Genab tutukku hak danab amu, nug danab laanu lonnu intres ii aotte. Ge, nug gane mettom, amu eɗittak laa ii aotte. Nug eheɗ hekkunu ib anidtte ele amu, nug ib amu uua, eheɗ ii hette. Danab aɗit laa aa nug qeeheh, bappaidkkunu nug nai doya mala hettoɗia epeɗia elele mettak kobolnu oo metta ii uuak doyaya, kobol amu dim lamitta bappaidtte.
Yawe Nug nai amu da meɗom, amu Nug nai amuib nuhig propet anukkanu, Nug ag oɗelagppa Juda danab ah iite madattom. Amu Nug ag amelagppa nai amu mattiaya aum, haen amuppa Jerusalem danab ah, aab laala Jerusalem talilidna daatteb ele dilag danab ah ele ag maɗoɗ, keekenu ele eleleppa daaegeg, amu Juda wan ooppa aben laa onig Negeb, amu laih qaban uɗitteppa qauko nakok qauko okkai diigppa daatteb amu, haen amuppa danab ah ele ag amuppa daappig.
ကြော်ငြာတွေ