Jeremaia 7:34 - Nobonob Baibel

³⁴ Da heppi, Juda wan am hele-ettak daakku amunu, Jerusalem appa, Judanu aab laa ohppa ele oo gamag ahak laa ii daama. Danab ah ele ag oo gamag ahak doon, ewau matulak ii aomna.” Yawe Nug anam awa atte.

Jeremaia 7:34 ပူးပေါင်းရင်းမြစ်များ

Job 3:7

Deɗ da domi, deɗ amunu tuqan am, ah mattoi, nid aokkun gamag ahak ii dootte ele amu, tuqan amu, am anam daakkunu, oo gamag ahak nakok laa amuppa ii daamanu ool daatte.

Sam 78:63

Aab aɗu keeke ewa nauhtte, amubia kekeɗ ag Israel dilag nid bau heeg mauhppig. Ao, ⌊diig amunu⌋ ah bau ag nid danab diiglagnu elele iitta.

Aisaia 1:7

⌊Nid amubia amu,⌋ wan ahilag am wan hele-ettak daatte. Ao, aab okkai ahilkad amu, aab ewattom daatteb. Ag Israel ag neekkadna daaegeg, kekeɗ ag ban hena, keeke ahilag dad okkaippanu ag akkan, aon gotteb. Wan laappan kekeɗ ag wan laa heeg nauhakib daatteb, amubia ag ahilag heeg nauhe, wan ahilag amuppa keeke laa ii daatte, wan amu hamu daatte.

Aisaia 3:26

Aab Sion na eheɗ gaan, mahiak hekkut. Kekeɗ ag heppeg, danab ah Sion appa iinab daamna. Sion am na qa daakku.

Aisaia 6:11

Naɗi Nug anam a amu, da Nug inam oɗ mettami. “Naɗi, da anam heppi, haen gane laa ele ukkeb, da batakkul?” ami. Da ai amu, Nug inam da amelppa aum. “Geha aab okkai oh nauhppeg, wan ele nauhppeg, aab, lag ele hamu daappeg, danab ah aab, lag ele amuppa laa ii daappeg, na batakkut.

Jeremaia 16:9

Ag amu ii hemananu diig am, Yawe Nukka Ɠagattag Oh Ele, Israel dilag Kayak, Nug amunu inam atte. “Ag Juda gemu daatteb, ag bau daanna, ag noolagppa da heppi, ewau matulak awaknu gamag ahak, gamag ahak laa oh ele Juda wanppa ii daama.

Jeremaia 22:6

Am diig amunu amu, Yawe Nug Juda dilag kingnu lag enanagnabnu inam atte. “Da ag Juda dilag king, da lag ahilagnu enanag doottem; da qauko Lebanon ikkinu doottem, o Gileat wannu doottem amubia. Da amubia doottem, amge da genab heppi, ahilag lag am atu taɗak, danab ah appa ii daatteb ele, anambia daakku. Ag laulag am aab danab ah ii daatteb, hamu daatte, am anamib daakku.

Jeremaia 25:10

Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.

Jeremaia 27:17

Ahilag nai aib dooppig! Ag Babilon dilag king waappa maɗi nid daan, nuhig uɗat hekkulag dayeb amu, ag bau daaglag. Ag amu ii hekkulag dayeb, Babilon dilag daup ag heppeg, aab okkai imuam kinipan ameg okkai hume tak daakku, amge anam aib beum.

Jeremaia 33:10

Amu Yawe Nug inam atte. “Na attem. ‘Aben imuam hele-ettak, wan meu waknu nakokib elele, am anam daakku, amu danab, doɗ ele imuppa ii daamna,’ aon attem. Na attem am genab, Judanu aab, aab Jerusalem imu ele nauhakib daaglag, amu danab, doɗ ele ag appa ii daamna, amge da heppi, aben amu ohppa danab ah ag qinob eɗun daanna,

Jeremaia 33:11

ag gamag ahak okkai doon oiglag. Danab ah ele ag ewau matulak aonna, ag gamag ahak doon oiglag. Danab ag Yawe laugppa daan, ena heme anaknu ofa hekkulag. Ag doɗ amu main, Yawe mettanna, ag inam akkulag. ‘Yawe Nug am enaib. Ao, nuhig oo mauhaknab kobol ii iitta mette. Anam amunu, ig Yawe Nukka Ɠagattag Oh Ele, ig Nug amegppa “Ena hen mekkame,” aot atu!’ Ag anam akkulag. Ag anam akkulagnu diig am, da heppi, ag ahilag wanppa enaib daaglag.” Yawe Nug anam awa atte.

Jeremaia 4:26

Da neekki ukke, wan dad enanag dayom, wan amuam gemu atu taɗak antten, aab oh nauhattak aakkuib ele anadmi. Keeke oh anam nauib daaegeg anidminu diig am, Yawe, Nug ig hipunin heutut antte, nuhig oo nauhak huanaknab, amuppa uug amu oh beum.

Jeremaia 4:27

Keeke anam bekku. Aɗinu? Yawe Nug inam awa atte. “Dahil oo nauhak huanaknab am heeb, wan oh nauhkku, amge da heppi, wan am nauha auta autanab ii aoma.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Gayak Nai 5:14

Juda dilag ikki danab ag gemu ikki danab dilag qagmak aben aab ahilkad odppa daatteb, ag appa ii daatteb; nid bau ag gemu ahi laa ii edatteb.

Esekiel 26:13

Amu da Yawe, da heppi, ag Tair danab ah ag baula muttub qenan, ahi ii ettamna. Ag baula harp-ppa ahi ii qemana.

Esekiel 7:11

Wan laa bu madakku amu, amuppan danab ag am laa guittak nau hamu mettak danab daatteb. Ad okkai me, danab uɗat medakkunu elele, amubia laa bu mattaglag am okkai meppig daatteb. Ag Israel ag hak nau hetteb amunu, laa amu ag bu mattaglag. Bu madappeg, ag oh nauhna malappeg, ahilag en, ahilag keeke oh hamu iitta ele, amu oh ele iitta mekku.

Hosea 2:11

Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

Hosea 2:13

Geha da nug bu medakkul. Nug kalu danab ile muttuɗig enanag bette ele, nug kayak hambuppuak Bal iɗu iɗu dilagnu ile muttuɗig oum. Nug eppeg doɗoppan ring maatta, beɗunu bala laala ele maatta he, nug danab ele niippig, nug ag ele baula niiglagnu mattialatta heum, amge nug dahilnu daug atiom amunu, da nug bu medakkul.” Yawe anam mattia aum.

Lewitikas 26:33

Da heppi, ag tamtam gona, wanppan wan anen anen, amu oolagppa ag daappeg, da heppi, danab ag banelag uɗin, ban heppeg ukkeb ukkeb aqaglag. Ahilag wan am nauhaknab dayeb, aab okkai ahilkad loppaɗe nak daaglag.

Maika 7:13

Anam amge, wan laa oh hele-ettak daaglag. Aɗinu? Danab ah appa ana daatteb ele amu, ag ahilag hak am nau.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.