Jeremaia 7:20 - Nobonob Baibel

²⁰ Ag nau amu hetteb amunu, Naɗi Yawe Nug imu atte. “Ag hetteb, ahilag hak amunu dahil oo nauhak, dahil oppoɗi bak ele bettep. Amu da oppoɗi bak amu gokkaɗppi, wan imuppa, danab qaɗelagppa, doɗ qaɗelagppa, atuppan adppa, ee wanppa bette ele ohppa gokku. Ukka, aab ewewe, laa qauhkkunu elele iitta bia, amu oh dilagppa daakku,” awa atte.

Jeremaia 7:20 ပူးပေါင်းရင်းမြစ်များ

2 King 22:17

Aɗinu? Juda danab ah, Israel danab ah ele ag oh da dimeɗan uuiɗegeg uɗie, gemu ele hetteb. Ag kalu danab ile muttuɗig enanag bette manan, kayak hambuppuak madappig. Ag eppelagppa kayak hambuppuak dottolkad hadappig amunu, diig amunu, da oppoɗil beum. Da anam doyeye, oppoɗi bak dahil am wan imunu danab ah dilagnu dayeb ukkeb, ⌊hamu⌋ ii iitta mema. ⌊Iitta! Nob mettak malak aakkuib am iitta mekku,⌋” ’ awa atte.

Aisaia 10:17

Yawe, Israel dilag amahlak, Nug aab ewak bia daakku. Ao, Israel dilag Kayak Oppiaawak Ele, Nug aab aɗu bia daakku. Nug anam dayaya, aab uud keeke qaun ele qaɗaiettaknab oh ewe iitta mette, amubia deɗ laippuppa Nug heeb, Asiria dilag daup ag padal mekkulag.

Aisaia 42:25

Israel ag anam heppig amunu, Yawe Nug ahilagnu oo nauhak huanaknab be, Nug he, ban nau ag wanelagppa neum. Ban amuam aab aɗu danab oh diia ewadkkunu hette bia dayom, amge ag nau amu beumnu diig ii dooppig. Ao, ban amuam aab aɗu danab ewa iitta mette bia dayom, amge ag amunu dabmak tutukku ii aoppig.

Aisaia 66:24

Amu dahilad danab ah ag aab dimittim gona, ag danab ah ag da waalppa daaglagnu uun, dahil nai tappaeg neum ele, ag danab ah amu gaɗalag anadkkulag. Amu ag gaɗalag niiglagppa amu, gawat naunau ag hanhan daatteb, aab aɗu aguppa daatte ele ii qauhtte. Danab ah oh ag gaɗalag amu anidna, ag eheɗ nau, gahag bak bia ele dooglag.” Yawe anam awa atte.

Jeremaia 11:16

Yawe Nug anukka ag Juda, Nug ahilagnu, “Ag am olip ad enanag, meu ele enanag,” aum, amge Nug heeb, ag bu eheɗ aoglag; bu amuam ulah huana uɗie, gu ele huana ne, amemɗi awa ye, ad amu ewewe, ebekkud ele qiialadtte, amubia.

Jeremaia 12:4

O Yawe, wan gemu qaɗaietta, nauha auta awom daatte; amu haen gane laa ele ukkeb, uug amuam iitta mekku? Ao, gemu dad okkai ohppa gikkiɗah bunaɗom daatte; amu haen gane laa ele ukkeb, uug amuam iitta mekku? Nau hak danab ag wan imuppa daatteb, ag hipunin henana, ag, ‘Yawe Nug eheɗ hak ihinig ii anidtte,’ aon atteb amunu, uug nau amu be, doɗ ai ele ag aakku mauhppig.” ⌊Jeremaia nug anam unuqittom.⌋

Jeremaia 14:16

Ag anam mauhkkulag, amu danab ah laa, propet amu ag ag amelagppa nai ahilag maditteb amu, danab ah amu ele ag anamib mauhkkulag. Ag mauhppeg, laa ag ag gaɗalag agappeg gona, lag dimittim aab Jerusalemnu ibppa hamu anam niiglag. Huanak mauhkkulag amunu, laa ag, ag waalkad, ag bekkalkad, ag aɗelkad ele boumadkkunu ii daama. Danab ah amu ag nai hambuppuak amu doon, dim lamidnana, hipunin huanak hetteb amunu, ag bu nau aoglagnu daanna, da heppi, ag bu anam aakku aoglag.

Jeremaia 17:27

Ag da oɗel dim lamidkkulag dayeb amu, anam daakku, amge ag oɗel ii dim lamidkkulag dayeb, ag Sabat deɗ am dahilnu tituanak daakkunu ii dabmekkulag dayeb, ag Sabat deɗppa keeke maon uɗin, Jerusalem aab aɗnu od laalappa uɗin, aab ooppa gokkulag dayeb, da heppi, aab ewak, laa qauhkkunu elele iitta aɗnu odppa digma ewawa, appanu ewebeb ukkeb, aab oh, nuhig aab aɗ ɠagattagnab ele oh eokku.” ’ ” Yawe Nug anam awa atte.

Jeremaia 17:4

Ag beɗulagppa ag wan ahilag, da wan amu ag aulag daakkunu ag mattami amu, ag beɗulagppa ag wan amuppa ii daamna. Ag hipunin anam heeg, oo nauhak dahil am aab huana ewewe, laa qauhkkunu elele iitta bia daatte amunu, da heppi, ag kekeɗ waalagpa, ahilag begbeg maɗi nid daan, ag wan laappa, ag amu ii dootteb ele, ag aguppa anam daan oiglag,” awa atte.

Jeremaia 18:23

O Yawe, na ahilag maittak, ag heppeg mauhkkulnu dabmetteb ele amu, na amu doottem. Na doottem amunu, na ahilag hipunin ii uhuqna mattamnanu, na ahilag hipunin na noomppa daan, ii iitta memananu da na oɗ medattem. Na ahilag haknu oo nauhak doonna, na heppe, ag nena qena, padal mena autna aoglagnu oɗ medattem,” awa unuqittom.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Jeremaia 42:18

Aɗinu anam daakku? Am Yawe Nukka Ɠagattag Oh Ele, Israel dilag Kayak, Nug atte. ‘Da ool nauhe, oppoɗil beebe, Jerusalem danab ah bu eheɗ mattami, amubia ag laa, ag Isip gona daanna oiglag dayeb, da oppoɗil beeb, bu eheɗ ag madakkul. Danab ah laa ag ahilagnu ag eheɗ laa awaknu anak waappa daaglagnu anana, ag anadna, ameg iɗuak doon, ag naippa yaaladnana, ag aon aon aqaglag. Ag Isip gona daan oiglag, ag baula ahilag wan imu iinab anidmana.’ ” Yawe Nug anam awa atte.

Jeremaia 44:6

Juda ag amu heppig amunu, dahil oo nauhak huanaknab ba dayeye, da hei, Juda danab ah ele ag bu eheɗnab aoppig. Bu amuam Jerusalem appa, Judanu aab laala eleppa dayaya he, aab amu oh am hele-ettak daappig, gemu ele anamib daatteb,’ awa atte.

Jeremaia 6:11

Juda danab ah ag hipunin huan heegeg, Yawe Nug amunu oppoɗi bak dootte, da oppoɗi bak amu ele doyeye, tuɗitten ii ippunadkkulnu ib laa ii anidttem,” awe ami. Da anam ai, Yawe Nug aum. “Na oppoɗi bak Juda dilagppa bekku amu, na amunu ag amelagppa appe doyeg! Na nid naunau ibppa qiɗ henan daatteb, nid danab bau qagmen daatteb, ewau daatteb, kaino ele amelagppa appe doyeg! Oppoɗi bak amuam ag ohnab tonadkku.

Jeremaia 6:12

Da eppel bahien, Juda danab ah bu madakkul amunu, da Juda laulkad diien, da amu laa, ahilag daaglagnu ag madakkul. Da Juda danab dilag wan anen anen, ahilkad ah ele diien, laa madappi, ahilkad daaglag,” awa aum.

Jeremaia 8:13

Yawe Nug atte. “Da heppi, ahilag ee meu ii oma. Grep muɗippa meu laa ii daama. Ad fig uɗug bunaɗppeg, meu ii oma. Da aɗi keeke Juda danab ah mattami amu, da ag eppelagppanu eɗuen hiɗakkul.

Gayak Nai 4:11

Yawe Nug Juda hipunin heppignu Nug oppoɗi be, bu okkai elelenab mattom. Ao, Yawe Nug diig amunu oo nauhak huanaknab doya, Nug bu eheɗ ag mattom. Nug he, Sion nauhom; aab huan ewewe, lag, lag ukku menppa hak ele nauhtte, amubia.

Esekiel 22:22

Silwa aab ewak gakkaɗaknabppa dayaya, le mette, amubia ag Israel danab ah ag Jerusalem appa daanna, bu eheɗ aoglag. Ag bu aona, ag dooglag, da Yawe, da ahilag eheɗ haknu oppoɗi bak naɗi doyen hei, bu awak ahilagppa beum.” Yawe Nug anam aum.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.

Esekiel 7:14

Da dahil oppoɗil Israel danab ah dilagnu beum daatte amunu, ag ban hekkulagnu keeke oh bappaidkkulagtai, ag ban hekkulagnu trampet iwalkkulagtai, amge da heppi, laa nug banppa ii goma,” awa atte.

Daniel 9:11

Ig Israel danab ah oh, ig na dimettat, ig na dim lamidkkunignu uut, ig nahip ɗo tippalmut. Moses, nug na Kayak, nahip maɗi nid amu, nug danab ah ag nahip ɗo ii dim lamidkkulag dayeb, ag eheɗ laa awaknu anak waappa daaglagnu aum. Amu nug na danab ah ag nahip ɗo ii dim lamidkkulag dayeb, na uug madakkutnu nahip nai ɠagattag qettan mattime ele yom. Moses nug anam yom amu, na yaak amubia na he, ig bu qak nai ippunigtte bia aomut. Ig hipunin nahip-ppa hemut amunu, ig bu anam aomut.

Lewitikas 26:28

da ool nauheb, ahilag kekeɗ daakkul. Da geha ahilag hipuninnu bu huanaknab madakkul. Da bu mettak amibia amu eblaih aɗit laippu ikki aɗak, anam bia bu madakkul.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Sepanaia 1:2

Yawe Nug inam atte. “Da heppi, aɗitai keeke laa wan qaɗeppa ii daama.

Sepanaia 1:3

Ah kinipan tate ukkak bia, da heppi, danab, am doɗ ele oh wanppa ii daamna. Ao, ah kinipan tate ukkak bia, ai hagagaɗna oitteb, kakai leppa oitteb, ag oh wanppa ii daamna. Haen da heppi, danab ah wanppa ii daamna amu, haen amuppa nau hak danab dilag keeke am kinipan ameg okkai hume tak aakkuib daaglag.” Yawe Nug anam atte.

Sekaraia 7:12

Ag ahilag dabmak dim lamidkkulagnu, ag eɗun Yawe dim lamidmananu dabmenana heegeg, dabmak ahilag amu ɠagattagnab eppe, ag ɗo nai, Yawe Nukka Ɠagattag Oh Ele ag dooglagnu me uɗiom, ag amu doyaknu uuppig. Yawenu Ouɗi Nug propet danab anukkanu nai matte, ag danab ah amelagppa mattieg dooppig, amge ag nuhig nai amu ele dooglagnu uuppig, diig amunu Yawe Nukka Ɠagattag Oh Ele Nug ahilagnu oo nauhak huanak doyom.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Revelesen 14:10

nug Kayaknu wain lakku. Wain amuam oppoɗi bak Kayak Nug danab dilag hipuninnu dootte. Kayak Nug wain amu le ele ii kaboliom. Iitta! Nug oppoɗi bak amu kap-ppa qe noa daatte amu, danab amu lakku. Lawowa, Kayaknu engel noolagppa, amu Sipsip Nag noobppa ele nug guittak okkainab, kalu laa huana eotte onig salpa ewebeb, amuppa guittak aokku.