Jeremaia 7:16 - Nobonob Baibel

¹⁶ Anam amunu, Jeremaia, na danab ah imu dilagnu da ag ehanadkkulnu aib oo doyakppa unuqiɗme. Na da ehanadkkulnu ɠagattag aib unuqiɗme. Aɗinu? Na amu hekkut amu, na hamu hekkut. Da daul humen ii doopa.” Yawe Nug anam awa atte.

Jeremaia 7:16 ပူးပေါင်းရင်းမြစ်များ

2 Samuel 8:18

Jehoiada bekka Benaia nug danab Dawit gumappig, amuam Keret danab, Pelet danab ele, nug amu dilag okkai daye, Dawit bekkod ag nug ulum mettak danab daappig.

Eksodas 32:10

Ag anam daatteb, da ool amunu huan nauhtte amunu, dahil oo nauhak okkainab mekkunu, amuppa da heppi, ag padal mekkulagnu na uuiɗna ukke! Da heppi, ag padal meppeg amu, geha da eɗuen heppi, na buɗunad ag appatna, huu okkainab, ɠagattag ele daaglag,” awa aum.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

Jeremaia 11:14

Yawe Nug anam awowa, Nug da amelppa aum. “Jeremaia, na danab ah imu dilagnu aib unuqiɗme. Na da ehanadkkulnu aib oɗ meɗame. Aɗinu? Da nahip nai ii doopa. Ag uug nau anidnana, da unuqiɗppeppeg, da amu ele ii doopa,” awa aum.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 15:6

Amu Yawe Nug inam ele atte. “Ag da geɗilna, ag hanhan dimeɗan oitteb amunu, da heppi, ag nauhkkulag. Da baula ool gai-iitta doyen, ool matten, ii ehanadpa.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Jeremaia 4:28

Da dahilad danab ah bu anam madakkulnu ain malami; da nai dahil ii baolipa. Ao, da maittak amu awen malami. Da dabmak dahil ii eɗupa, amunu bu amu anam daakku. Anam dayebeb, wanppa danab ah ag mahiak okkai hekkulag. Habppa gatatu manak daakku.

Jeremaia 7:17

Yawe Nug da amelppa anam ana, Nug imu ele aum. “Jeremaia, na Juda danab ah ag ahilkad aab anen anenppa, Jerusalem ibppa ele hetteb iite anidttem.

Maika 3:4

⌊Amu ag Israel dilag okkai danab, ag anam hetteb amunu, Yawe Nug bu madakku.⌋ Haen amu uɗieb amu, ag Yawe ehanadkkunu gaaglag, amge Nug ag ii ehanadma. Ag eheɗ heppig amunu, haen amuppa Yawe Nug ag ehanadkkunu ii neekkadma. Iitta.

Duteronomi 9:14

Ag anam daatteb amunu, da geha heppi, danab ah imu ag iitta mena autna aoppeg, hab waappa amu, danab laa nug baula imu dilagnu dab-ii-memanu, na uuppe, da hei! Da anam hein, da heppi, na buɗunppan danab kuɗum daan, ag ɠagattag okkai ele daaglag. Na buɗunad ag danab ah imu gemu daatteb dilag ebqak eɗadna, ɠagattagnab, gemu daatteb dilag ɠagattag eɗattak daaglag,” awa aum.

1 Jon 5:16

Laa nug layag hipunin hette anidtte, amge hipunin am he, danab mauhtte, amu iitta ele antta amu, nug layagnu Kayak unuqitteb, Kayak Nug heeb, nug layag bau daakku. Nai amuam hipunin nug he, danab ii mauhtte amunuib, amge hipunin laa nug he, danab mauhtte ele amu, da ag amunu unuqidkkulagnu ain ii attem.