Jeremaia 6:26 - Nobonob Baibel26 O dahilad danab ah ag lamen heɗiag ele takkan, uhuɗppa niinna, beɗulag itoɗin, itoɗinna, danab bekka laippu mauhe, huanaknab qanak baag eleppa mahitte, ag amubia mahieg! Aɗinu? He nauhak danab nug ihinigppa pahanab tula bekku. အခန်းကိုကြည့်ပါ။ |
Jeremaia 6:26
42 ပူးပေါင်းရင်းမြစ်များ
⌊Uug amu dahilad danab ah dilagppa anam beum, amge laa naunab ele bekku⌋ amunu, da attem. “Da oo doyak okkai, mua ele doye gayeye daappi, amel leb mua ele na, amel mua qeebeb daakkul amunu, ag da aib neekkiɗppig! Dahilad danab ah ag nauhkkulag; ag ena iinab daaglag amunu, ag heppeg, da ool mekkunu aib ool aoppig!” Da anam awe attem.
Ag goɗen muttuɗig ena ele bau laa ii laamna amunu, ag beɗulag hiuɗi nau okku. Ag bau laa lamen enanag imualag ii itamna. Iitta. Ag lamen nau maadna, muɗippa imualag qakkaglag. Geha ag ikkilag uɗug kobol digdigppa bau laa hena ii qakkamna. Iitta! Ag ikkilag uɗug iitta meeb, bikkalag ele daaglag. Ag lamen ena ena ele ii takkamna. Iitta. Ag lamen heɗiag ele takkaglag. Ag iɗu tuqak ele ii daamna. Iitta. Kekeɗ ag aen gakkaɗaknab ele ag beɗulagppa kobol mekkulag.
⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.
Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.
Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.
Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.
Da ele tiinig laippu ag wan laa, umanab daatte, ag appa gaanna daatteb. Ag gaanna, “Yawe Nug Sion appa ii daattete? Ao, ahilag King, Yawe, Nug gemu appa ii daattete?” atteb, amge Yawe Nug nob ma atte. “Ag kayak hambuppuak dottolkad noolagppa dup nona binalag meppig amunu, da oppoɗil beum. Ao, ag dottolkad wan laih laihnu, ag ehanadkkulagnu elele iitta, ag amu noolagppa dup nona binalag meppig amunu, da oppoɗil beum. Ag anam aakku heeg, bu anam aakku aoppig. Ag aɗinu anam heppig?” awa atte.
Amu da, Jeremaia, da ami. “O gadon, Juda wanppa qauko nauhppig daatteb amunu, da gaye, mahiak ele hekkul. Ao, atu taɗakppa gikkiɗah dad ele anamib amunu, da nai oo doyak ele madikkul. Wan am hele-ettak daatte, danab ah appa ele ii oitteb. Appa makau daanna, gikkiɗah lanana ii gaatteb. Ai ag appanu oolna, hagagaɗna goppig. Doɗ laa ele ii daatteb. Ag oh oolna goppig. Amu diig amunu da kobol beum, da amunu gaye, mahiak ele hekkul,” awe ami.
Diig imunu ig Juda danab ah ig gaattem. Ao, diig imunu ig amenig leb am ig amenigppa ambaknab daatte. Diig amuam inam. Laa ig ehanikkeb, ig oonig mekkunu laa miag ii daatte; laa nug ehanikkeb, ig oonig eɗua, ɠagattag daakkunu laa iitta. Laa am, kekeɗ ag ig eɗigppig; amunu ig bekkankad, aɗenkad ele ag daɗeknab daatteb.
Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.
Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.
Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.
ကြော်ငြာတွေ