Jeremaia 6:25 - Nobonob Baibel

²⁵ ⌊Kekeɗ amu uɗippeg, nau aomnanu nai inam daakku.⌋ Kekeɗ ag qep elab ele, ag heeg, baɗak nau, guittak ele aben ohppa daatte amunu, ag aab dimittim aib goppig! Ag ib aon, laih aib goppig.

Jeremaia 6:25 ပူးပေါင်းရင်းမြစ်များ

2 Stori 15:5

Haen Israel ag Kayak ele ouqak ii daappig, haen amuppa Israel wanppa, wan laa Israel talilidppigppa ele, danab ah ag toettan, maɗoɗ ele ii daappig amunu, laa nug aha, laih laih gokkunu elele iitta. Iitta. Laih ukkaknu am baɗak dayom.

Job 18:11

Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.

Sam 31:13

Aɗinu? Danab kuɗum ag da onil nauhkkunu nai nau dahilnu atteb. Ag anam heegeg, baɗak eheɗ nau toniɗom daatte. Ag da eɗilkkulagnu nai nau dahilnu maditteb. Yo, ag da iuppeg mauhkkulnu maittak aotteb.

Aisaia 1:20

Amge ag dahil nai ii dim lamidkkulag dayeb, ag da waalppa dayaknu uun, nai dahil tabappeg neeb, geha kekeɗ dilag qep elab ag laadkku.” Yawe Nug anam mattiom daatte amunu, am anam bekku.

Jeremaia 14:18

Da aab okkai uuen, aab dimittim oiyeye amu, da laa ag qep elabppa mauhppig anadttem. Da aab okkai ooppa oiyeye amu, laa enugppa mauhppig, mauhkkulagnu oitteb ele anadttem. Aɗinu? Propet danab, mana mettak danab ele ag daanna, maɗi ahilag hetteb, amge ag diig doon ii hetteb. Iitta. Ag hamu hetteb,’ ” ⌊awe akkul.⌋

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Jeremaia 30:5

Yawe Nug inam atte. “Danab laa ag danab ah baɗan eegeg dootteb. Baɗak eheɗ nau daatte, maɗoɗ ii daatte.

Jeremaia 4:10

Yawe Nug anam a, da ami. “O Naɗi Yawe, na ib oo ii neme amunu, laa ag Juda danab ah imu hambuppunna, ‘Maɗoɗ ahilagppa daakku,’ aegeg, danab ah imu ag amunu oolagppa genab dootteb, amge qep elab ig baanigppanab aakku daatte,” awe ami.

Jeremaia 4:5

Yawe Nug da Jeremaia, Nug da amelppa inam ele aum. “Na nai imu Juda danab ah, Jerusalem danab ah ele amelagppa appe doyeg! ‘Trampet iwalak danab ag, ag trampet amu wan ohppa aben ohppa iwaleg!’ Na amu awona, na inam ele appe doyeg! ‘Ag Juda, ag qagmeppeg, ig oh aab ɠagattag aɗ ele anen anen amu, ig oolta, amuppa gotu!’

Jeremaia 46:5

Ag amu hekkulag, amge da aɗi iikku anidttem? Da Isip dilag daup ag baɗak eheɗ nau doon, ag eɗun ooltteb. Babilon dilag daup ag Isip dilag daup eɗadppig. Isip ag eheɗ ooltteb. Ag eɗun neegnana, ii ooltteb. Iitta. Ag oolna ukkakib eheɗnab gotteb. Baɗak eheɗ nau ag taliliatte daatteb.

Jeremaia 49:29

Anam amunu, Nebukatnesar, nuhikkud daup ele ag ahan, ag Kedar aɗi, ag ahilkad peh lag, ahilkad sipsip, ahilkad peh lag tonaknu lamen, ahilkad en, amu ahilkad kamel ele akkan gokkulag. Ag uɗin amu hekkulagnu daappeg, danab laih laihnu ag Kedar aɗi ag dooglagnu enana, ‘Baɗak eheɗ nau ag taliliatta daatte ⌊amunu dabmeig⌋!’ aon akkulag.” Yawe Nug anam atte.

Jeremaia 49:5

Amunu da heppi, laa ag taliliadna daatteb ele, ag heppeg, ag eheɗ baɗaglag.” Naɗi, Nug Yawe Nukka Ɠagattag Oh Ele, Nug anam awa atte. Am Nug inam ele atte. “Ag Amon amu, kekeɗ ag ag oh lamadppeg, ag wanelagppa ii daamna. Ag lamadppeg, Amon ag oolak danab laih laih gona matatun daappeg, laa nug eɗua diia, qagmaadkkunu laa iitta.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Jeremaia 8:15

Ig maɗoɗ daagnignu oonig dayom, amge iitta, keeke ena laa ii uɗitte. Ig eɗut ena daagnignu haen anidkkunignu oonig dayom, amge iitta, baɗak eheɗ nau aakkuib beum daatte.

Gayak Nai 2:22

O Yawe, anukka na danab ah ag uɗin, hobul dayaknu haen na epeɗiadna maadme laa anidkkulagnu onilagppa eme; amubia na baɗak eheɗ nau taliligna daaglagnu onilagppa eme. Yawenu oo nauhe, bu mettaknu deɗppa laa nug hamu ii oolom. Laa nug bau ii dayom. Ao, laa ig ag atognoadmut ele amu, kekeɗ ag oh aqaeg mauhadppig.

Esekiel 21:17

Da Yawe, ⌊da Israel danab ah ag hipunin heegeg uɗie, gemu ele hetteb, da amunu⌋ danab nug dabmak huanak awa, uug nau ele doya hette bia da eppel laihppa, am eppel laih oppi, ⌊ag bu elele aoppeg,⌋ dahil oppoɗi bak am aakku iitta mekku. Da Yawe, da aakku ain malami,” awa aum.

Esekiel 7:18

Ag lamen heɗiag ele takkaglag. Ag baɗak eheɗ nau doon, ag hahaɗkkulag. Ag uɗa nak nau doon, ag ⌊mahiak okkai henan,⌋ ikkilag uɗug hoyadkkulag.

Luk 19:43

Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,