Jeremaia 6:16 - Nobonob Baibel

¹⁶ Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Jeremaia 6:16 ပူးပေါင်းရင်းမြစ်များ

1 King 8:36

Yawe na hab aabppa daana, danab ah nahipad, ig Israel, ig nahipad maɗi nid maɗi ah ele, na ihinig unuqittak amu doon, ihinig hipunin amu uhuqna mekkan, na ig kobol tutukku dim lamidkkunignu ihuhuigkkutnu oɗ medattem. Amu na heppe, gu nug wan imuppa nekkunu ool daatte. Wan imu anukka nahipad danab ah ig mekkame, wan imuam ihinig, ig aunig.

2 Stori 19:11

Amu nai laa Yawenu ɗonu uɗieb amu, mana mettak ikki danab, Amaraia, nug amunu okkai daakku. Amu nai laa wan ɗonu uɗieb amu, Juda dilag okkai laa, Ismael bekka Sebadaia, nug amunu okkai daakku. Aria, Lewi buɗubppan mana mettak danab iitta, ag ahilkad ehanittak anuqak daan, ag noolagppa uɗat hekkulag. Ag epeɗiak danab tituanak daatteb amu, ag oolagppa ɠagattag doon, uɗat heig! Amu henana, ag oolagppa aun aɗi ag ena hetteb ele amu, Yawe Nug ag ele daaglagnu ool daatte,” awa aum.

Sam 116:7

Nug anam he, da dakka da amelppa, da dahilnu inam ami. “Yawe Nug nahip-ppa ena heum amunu, na baula maɗoɗ daye!” Da anam ami.

Aisaia 2:5

O Jakop buɗub, ag doppeg, ig Yawenu ib amahlak ele, ig amuppa teta oitu!

Aisaia 28:12

Kayak Nug matu wan imu ag mattowa, Nug ag amelagppa inam aum. “Imuam hik awa, oo maɗoɗ ele dayaknu aben laa. Danab ah ag uug dootteb ele, ag uɗin, ippa hik aweg! Imuam oo maɗoɗ ele dayaknu aben.” Nug anam aum, amge Israel danab ah ag nai amu doon dabmekkulagnu uuppig.

Aisaia 30:21

Ag oippeppeg, ag dimulagppa baag laa ag ib attem aon gokkulagnu ippunadkkunu, “Ib iikku, aakkud ukkeg!” ab dooglag. Aɗinu? Ag oinna, ag ib naɗiap-ppa gokkulagnu daatteb dayeb amu, ag baag doon, naɗiap-ppa gokkulag. O ag ib nanehppa gokkulagnu daatteb dayeb amu, ag baag doon, nanehppa gokkulag.

Aisaia 46:9

Ge! Ag anukkan keeke, keeke ag anukkanunab dooppig ele, keeke amu ag daulagppa doaɗ! Aɗinu? Da am Kayak. Kayak laa ii daatte. Da am Kayak, laa nug da bia ii daatte.

Aisaia 57:2

Danab ah ag oolagppa kaliak laa iitta ele oitteb, ag Kayaknu nai dim lamidtteb amu, ag maɗoɗ aotteb. Ag mauhna, ag maɗoɗ tutukku aon niitteb.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Jeremaia 12:16

Ag anam daana, ag anukka ag kayak hambuppuak Bal dim lamidna, dahilad danab ah ahilag nai Bal onigppa ɠagattag qettaglagnu ippunadppig, ag butti aɗi haen amuppa amubia ag dahilad danab ah dilagppanu ippunittak ena aon autna aonna, ag da dim lamiɗna, ag da onilppa ahilag nai ɠagattag qettaglagnu, ag, ‘Yawe genab bau daatte, genab amu bia,’ akkulag dayeb amu, danab ah amu ag ele dahilad danab ah daaglag.

Jeremaia 18:12

Na ag amelagppa anam appe dooglag, amge ag eɗun, na amenppa akkulag. ‘Ig anam helom, amge elele iitta. Ig ikka ig attem dabmettem am hekkunig. Ig anen anen ig oɗe dim lamidmatanu dabmak ihinig ɠagattag eppom daatte. Anam amu, ig aɗi eheɗ hekkunignu onig daatte amu, ig hekkunig,’ aon akkulag.” Yawe Nug anam atte.

Jeremaia 18:15

Dahilad danab ah ag ele anam bia alet dabmeɗan oilob, amge iitta, ag dahilnu daulag atiom. Ag ahan, kalu danab ile muttuɗig enanag bette manan, kayak hambuppuak madatteb. Kayak hambuppuak amu ag heeg, dahilad danab ah ag nena qena daatteb. Ao, kayak hambuppuak ag heeg, dahilad danab ah ag kobol ena, anukka ippunittak amu aoppig amu, ag ib amuppa elele ii oitteb. Ag heeg, dahilad danab ah ag ib ena apiɗidna oitteb. Ao, ag ib nauppa oinna, ib enappa ii oitteb.

Jeremaia 2:25

Anam amu da ami. “O ag Israel, ag eheɗ amu hekkulagnu aib qaiettan gonana, ag baalag qaɗaietteb, baelag gaɗa ele nauhom,” ami. Da anam ami, amge ag appig. “Iitta. Ig ib laa iitta. Hakib hekkunig. Ig kayak hambuppuak laihnu awadkkunignu oonig mauhtte amunu, ig ib amuib dim lamidkkunigoitte,” aon appig.

Jeremaia 22:21

Haen ag, ‘Ig eleleib daattem; uug laa ihinigppa ii bema,’ dabmenan oippig, da, Yawe, da ag nau aomnanu dabmettak nai mattami. Da nai amu ag mattami, amge ag, ‘Ig nahip nai ii doomta!’ aon appig. Ag nid bauppa digmena, da oɗel nakok laa ii dim lamitteg uɗie, gemu ele anamib hetteb.

Jeremaia 31:21

O Israel danab ah, ⌊ag eɗun, ahilag wanppa uɗiglagnu amu,⌋ ag ib atten atten aon uɗiglagnu ele, ag ib amu giginppa at maadna, pilak human galatteg! Ag ib attem attem aon oiglag amu, ag amu dabmena autna aweg! O Israel danab ah, ag ahan, eɗun ahilag aab anen anenppa uɗiglag.

Jeremaia 42:3

Na Yawe, nahip Kayak, na Nug oɗ medappe, Nug ig adeppa gokkunig, ig attem attem hekkunig ab doognignu oɗ medattem,” appig.

Jeremaia 44:16

“Na, ‘Da Yawe oɗe awen, iikku ag amelagppa madittem,’ ana, nai ig amenigppa mattie doomut amu, ig daunig humat, nai amu ii doomta.

Jeremaia 50:5

Ag gonana, ag laa Sionnu ib adeppa daattenu oɗ mattan doon, ag appigppa gokkulagnu gokkulag. Ag amu hena, ag Sion tewona, ag da, Yawe, ag da ele ig nug tituana nai qakkak hanhan daakkunu qakkagnig. Ag nai qakkak amu daulag ii atima,” awa atte.

Jeremaia 7:23

Iitta. Da haknunab nai imu ele ag matten, ag amelagppa ami. ‘Ag dahil nai amu doon dim lamidppeg, da ahilag Kayak daappi, ag dahilad danab ah daaglag. Ag ena daaglagnu, ag dahil hak oh dim lamitteg!’

Jeremaia 7:24

Da anam ag amelagppa ami, amge ag dahil nai ii dooppig; ag daulag human nai doon, elele ii dabmedappig. Iitta. Ag da oɗel dim lamidmananu dabmak ahilag ɠagattag eppe, ag oolagppa ahilag dabmak nau atten dayom amu, ag amu dim lamidppig. Ag da ii dim lamiɗppig. Iitta. Ag gomelag da meɗan goppig.

Jeremaia 7:3

Na amu anam mattin malona, na inam ele appe doyeg! ‘Yawe Nukka Ɠagattag Oh Ele, Israel dilag Kayak, Nug inam atte. “Ag Juda, ag ahilag hak nau uuna, ag eɗun, kobol ena dim lamidppeg, da uuadppi, ag wan imuppa inam daaglag.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Luk 16:29

Nug anam aum, amge Abraham nug aum. ‘Ag amu Mosesnu nai am Kayaknu propet dilag nai ele; ag am nai amu doyeg!’ awa aum.

Jon 12:35

Anam aeg am Jesus Nug aum. “Ag haen nakoknab laa ele amahlak ele daaglag. Haen imuppa ag amahlak ele amunu, gatatu ag tonadmanu ag amahlak ele oiyeg! Laa nug gatatuppa oitte amu nuhig ib ii anidtte.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Jon 5:39

Ag Kayak nai yaak niitte, nai amu ebqena autna aona, ‘Nai amu bauklel hanhannu megatte,’ atteb, amge nai amuam dahilnu aakku atte

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Rom 4:12

Ele amu, Abraham nug am danab gaɗalag otaɗak ele, nug ag mamelag ele daatte. Amu gaɗa otaɗaknuib iitta. Iitta. Ag gaɗalag otaɗna, ag Abraham baeg dim lamidna, ag oolagppa genab dootteb amunu, Abraham nug anukka gaɗa ii otaɗom dayaya heum bia hetteb.

Duteronomi 32:7

Anukka haennu daulagppa doaɗ! Ao, anukkan menuattak huu laippu bia anen anen dilagnu daulagppa do, ag dabmetteg! Ag mamelkad oɗ madappeg, Kayak Nug aɗi heumnu madippeg doyeg! Yo, ag ikki danab ahilkad oɗ madappeg, ag madippeg doyeg!

Kolosi 2:6

Ag Jesus Kristus, Nug amu ahilag Naɗi daakkunu ag oolag matulppig amunu ag tuɗidna, anamib Nug ele dayeg!

Hibru 11:2

Amu danab anukkanu, ag am oolagppa genab dooppig amunu, Kayak Nug ahilagnu oo ena doyaya, ahilagnu ena aum.

Hibru 6:12

Ig ag bahilag iitta daaglagnu oonig ii daatte. Iitta. Ag danab ag oolagppa genab doona, ag oo maɗoɗ doon Kayak oɗe dim lamidna, amu kobol amuppa ag keeke Kayak Nug anukka bekkod madakkunu nai qakka aum, ag amu aotteb amu, ag danab anam baelag mattan ukkeg!

Ikki Danab 2:17

Yawe anam heum, me Israel ag daulag human, ahilkad epeɗiak danab dilag nai ii dooppig. Iitta. Ag kayak laala noolagppa dup nona binalag meppig. Ag pahanab ag mamelkad aɗi dilag ib apiɗidna, laih goppig. Ag mamelkad aɗi amu, ag Yawenu haknunab anak dim lamidttappig, amge ag dimulkadppan, ag anam ii heppig.