Jeremaia 52:6 - Nobonob Baibel

⁶ Babilon ag aab amu talilidna daappig amunu, aab okkai ooppa daappig ag dimittim gona ee aoglagnu elele iitta. Ag anam daaeg ukke, Sedekaianu king dayaknu maɗ 11ppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Jeremaia 52:6 ပူးပေါင်းရင်းမြစ်များ

2 King 25:3

⌊Babilon ag aab okkai talilidna daappig amunu, aab ooppa daappig ag dimittim gona, ee aoglagnu elele iitta.⌋ Ag anam daaeg ukke, Sedekaianu king dayaknu maɗ 11 ooppa, kalam ebqak waɗele, kalam amunu deɗ eblaih waɗeleppa ee iittanab meum. Danab ah ag ee laa aon lakkulagnu am iittanab iitta.

Aisaia 3:1

Amu ag ⌊Juda danab ah, ag⌋ doyeg! Naɗi, Nug Yawe Nukka Ɠagattag Oh Ele, Nug Juda danab ah oh, laa Jerusalemnu, laa Juda wanppa laih laihnu amu, Nug ag ahilkad ehanittak keeke oh heeb, iitta mekkunu haen malom daatte. Nug amu haaha, Nug heeb, ee nakok laa ii daama, le lanaknu nakok laa ele ii daama.

Jeremaia 15:2

Na amu heppe, ag inamtai oɗ mettaglag. ‘Ig adeppa gokkunig?’ aon oɗ mettaglag. Ag anam oɗ mettaglag dayeb, na inam appe doyeg! ‘Yawe Nug inam atte. “Ag laa ag oɗe nau aon mauhkkulagnu daatteb amu, ag gona, oɗe nauppa mauhkkulag. Laa ag qep elabppa mauhkkulagnu daatteb amu, ag gona, qep elabppa mauhkkulag. Laa ag enugppa mauhkkulagnu daatteb amu, ag gona, enugppa mauhkkulag. Aria, laa ag diia ukka, laih me dayak danab ah wan laappa gona daaglagnu daatteb amu, ag gona anam aakku daaglag,” ’ ” awa atte.

Jeremaia 19:9

Da heppi, kekeɗ ag Juda danab aqaglagnu hetteb ele, ag uɗin, aab imu oo mattan aqaknu maadna daanna heppeg, ee iittanab meeb, danab ah aab ooppa daatteb ele ag bekkalkad, aɗelkad ele teppulag lanana, ag lailkad teppulag ele lakkulag.” Yawe Nug da amelppa anam aum.

Jeremaia 21:9

Aun aɗi ag aab okkai ooppaib daaglagnu dabmenana, ag aab ooppa daanna, ag qep elabppa, enugppa, amu oɗe nau danab kuɗum aqe mauhtteb, amuppa ele mauhkkulag. Amge aun aɗi ag ahan, aab dimittim gona, akka akka ag Babilon dilag daup ag aab oo mattan, aqaglagnu maadna daatteb ele, ag akka ag beɗulag ag eppelagppa maadkkulag amu, ahilkad keeke padal mekku, amge ag ii mauhmana. Ag bau daaglag.

Jeremaia 25:10

Da anam heppi, Juda wanppa, wan laala amu ohppa ele gamag ahak nakok laa ii daama. Danab ah gamag ahak doon, ewau matulak ii aomna. Ah laa nug bret hekkunu ee aeg keeke menppa ii ganuɗma. Laa lam ele ii amotma. Iitta.

Jeremaia 37:21

Jeremaia nug anam a, King Sedekaia nug he, danab king gumappig laulag haɗap-ppa, amuppa ag Jeremaia meeg dayom. King nug anam ana, nug ag ib onig Keeke Manaknu Ib, ag appanu deɗ anen anen bret maha laippu aon, Jeremaia mettaglagnu ele aum. Ag anam hebeppeg ukkeb ukkeb, bret aab okkai amuppa iitta meeb, haen amuppa bataglagnu aum. Nug anam aum amunu, Jeremaia nug king gumappig laulag haɗap amuppa dayom.

Jeremaia 38:9

“O dahil naɗi, na king, danab ag propet Jeremaia, nuhigppa kobol digdig heppig amu, ag nau heppig. Ag nug aon, le moɗppa buɗieg noum daatte. Nug le moɗppa daatte amunu, aab okkai imuppa ee iitta meeb, nug aakku enugppa mauhkku,” awa aum.

Jeremaia 39:2

Ag anam daan heeg ukke, Sedekaia king dayaknu maɗ 11ppa, kalam ebqak waɗele, kalam amunu deɗ eblaih waɗeleppa Babilon ag aab okkainu aɗ amu heeg, giɗo naɗi dayom.

Gayak Nai 1:11

Juda danab ah oh ag ee mattinna, ag aiqagatteb. Ag en okkai laa aon, ee huppu nakok, ag bau daaglagnu en okkai amuppa daden mekkulagnu hetteb. Juda ag atteb. “O Yawe, laa ag ig Juda, ag ihinignu ena iinab dootteb amunu, na ig neekkigna, ihinignu dabmekkutnu oɗ medattem,” oɗ mettan maditteb.

Gayak Nai 5:10

Danab enug eheɗnab qe, beɗu eheɗ gakkaɗtte; amubia ig enugnu beɗunig gakkaɗaknab daatte.

Esekiel 14:13

“Danab bekka, wan laappan danab ah ag dahilnu oo metta ii uuak kobol ii dim lamidna, dahilppa hipunin hena, da uuiɗna, laa noobppa dup nona binag meppeg, da heppi, ag ee iitta daappeg, enug nau aqebeb, danab, ah, doɗ ele mauhkkulag dayeb amu,

Esekiel 14:21

Aɗinu? Naɗi Yawe Nug inam atte. “Bu mettak nau waɗele amu oolagppa laippu bekku dayeb am uug nau ele, amge da heppi, waɗele amu oh Israel danab ah aqadkku amu, amuam uug naunab nau. Bu mettak waɗele amuam ban, enug, doɗ nau, oɗe nau danab kuɗum aqe mauhtteb ele. Da heppi, bu mettak waɗele amu oh Israel danab ah, ahilkad doɗ ele ag mauhkkulagnu aqaglag.

Esekiel 31:1

⌊Nebukatnesar nug King Jehoiakin, amu ig laa ele awikka, Babilon wanppa diia ukka laih me dayak danab ah daagnignu uɗie daautut,⌋ maɗ eblaih laih ele uue, maɗ 11ppa, kalam ebqak ewam, kalam amunu deɗ digmakppa Yawe Nug nuhig nai laa da meɗom. Nai amuam inam.

Esekiel 5:16

Am laa amu, da dahil lat doɗo keeke qe mauhtte ele, am lat doɗo aeg naunab nau ele, haen da amu ekkul amu, da amuppa aqappi nauhkkulagnu ekkul. Lat doɗo dahil amuam onig Enug. Da enug haen nau heppi nauhkkulagnu hekkul. Ge, da heppi, enug haen tuɗittak dayebeb, ag ee iitta daaglag.

Esekiel 7:15

Yawe Nug anam ana, Nug nai tuɗitta aum. “O gadon, aab okkai dimittim ban daup ag, ag Israel danab aqaglagnu daatteb. Aab okkai ooppa amu, oɗe nau danab kuɗum aqe mauhtteb ele, enug nau ele daattep. Danab ah aab dimittim daatteb ele, kekeɗ ag aqappeg mauhkkulag. Aab ooppa amu, danab ah ag oɗe nau danab kuɗum aqe mauhtteb ele, enugnu ele mauhkkulag.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Sekaraia 8:19

Yawe Nukka Ɠagattag Oh Ele Nug inam atte. “Ag Juda ag kalam waɗeleppa, kalam tanig eleppa, kalam eblaih aɗitppa, am kalam eblaih laihppa ele, ag kalam amunu deɗ laala ee ohnu kud men daatteb amu, da heppi, haen amu oh ag qagmak gamag ahak ele bena daaglag. ⌊Amge ag da tutukku dim lamiɗppeg, keeke amu oh anam bekku⌋ amunu, ag doyak diig genabib, maɗoɗ kobol elenu oo mauhak doyeg!” Yawe Nug anam atte.

Duteronomi 32:24

Da heppi, eenu tutunab meeb, enug haen okkai dayeb, ag ebehilkad tekku. Da heppi, beɗu gakkaɗak nau oɗe dayebeb, oɗe nau danab kuɗum aqe mauhtteb ele bekku. Da heppi, doɗ dakkuɗ ag aqaglag. Da heppi, mat nau wan gappudppa oitteb ele emaladkkulag.