Jeremaia 52:30 - Nobonob Baibel

³⁰ Amu dimugppa, nuhig king dayaknu maɗ 23ppa nug Juda wanppa ukka, ban he, Nebusaradan, nug daup Nebukatnesar gumappig dilag okkai amu, nug Juda danab ah 745 diia ukkom. Amu oh ahilag ebqak am 4,600.

Jeremaia 52:30 ပူးပေါင်းရင်းမြစ်များ

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

2 King 25:8

Babilon dilag king Nebukatnesar nug king dayaya, nuhig king dayaknu maɗ 18ppa, kalam ebqak tanig ele, kalam amunu deɗ eblaih aɗitppa Nebusaradan, nug daup Nebukatnesar gumappig dilag okkai amu, nug Babilon dilag king ehanittak anuqak laa aakku, nug Jerusalem beum.

Jeremaia 39:9

Babilonnu daup laa onig Nebusaradan, nug daup Nebukatnesar gumappig dilag okkai amu, ⌊nug appa uɗat gumappig amu⌋, nug a, daup ag Juda danab ah Jerusalem daappig, ag oh, amu Juda danab ah laa ag matu gona, ag akka ag beɗulag Babilon daup eppelagppa meppig ele, ag amu ele oh diin ukkaeg, ag Babilon wanppa diia ukka laih me dayak danab ah daappig.

Jeremaia 52:15

Am Nebusaradan, nug daup Nebukatnesar gumappig dilag okkai amu, nug danab daɗeknab laala, am danab ah laa haen amuppa Jerusalem appa daappig, am laa ag uɗat laala haknu doyak okkai ele, amu laa ag ban ii malom haenppa ag akka ahan gona, ag beɗulag Babilon dilag daup eppelagppa meppig ele, Nebusaradan nug ag oh diia, Babilon wanppa ukkom. Appa ag diia ukka laih me dayak danab ah daaglagnu diia ukkom.

Jeremaia 52:29

Amu dimugppa, nuhig king dayaknu maɗ 18ppa nug Juda wanppa ukka, ban ha, Juda danab ah Jerusalemnu 832 diia ukkom.

Jeremaia 6:9

Yawe Nukka Ɠagattag Oh Ele Nug anam anana, Nug imu ele atte. “⌊Ag Juda danab ah ag nau aomnanu nai dahil ii dabmekkulag dayeb amu, da kekeɗ amelagppa inam appi dooglag.⌋ ‘Ag danab nug qrep meu awawa, nug meu laa muɗippa ii daamanu eɗua, eppegppa muɗi oh aɗe, meu laippu tatam ii anttom aotte amu, ag amubia heig!’ awe akkul.” Yawe Nug anam awa atte.